1 SAMUELA 10:8 - Jinghpaw Common Language Bible 2009

⁸ Ngai nang hte hkrum nna wan nat hkungga hte mahku hkungga nawng jau ya na ngu ai Gilgala de nye a shawng e nang sa wa na rai ndai. Nang hpang de ngai du nna nang galaw na amu hpe ngai tsun dan ai aten du hkra, dai yang e sanit ya naw la nga u,” ngu nna tsun wu ai.

Jinghpaw Hanson Version Bible

⁸ Bai Gilgala de nye a shawng e yu wa magang u; ngai mung, wan nat hkungga hte mahku hkungga nawng na matu, nang hpang de yu wa na ring ngai: nang hpang de ngai du nna, nang galaw na amu nang hpe madun ai du hkra, sanit ya naw la nga u,” ngu wu ai.

1 SAMUELA 10:8 ပူးပေါင်းရင်းမြစ်များ

2 SAMUELA 19:16

Dai aten hta nan Bahurim mare e nga ai Benyamin lakung na Gera a shadang sha Shime gaw Hkawhkam Dawi hpe sa tau la na nga, Yawdan hka de tin tin pru sa mat wa wu ai.

JAW JAU 3:9

lusha hkungga shatai na dai yam nga kaw na sau man, marung jahtum na nmai pawt, pu kan hta na sau yawng,

YAWSHU 4:19

Dai amyu masha ni gaw shata langai ngu na nhtoi shi ya hta Yawdan hka rap kawt mat wa nhtawm Yerihko a sinpraw maga Gilgala e dap jung ma ai.

1 SAMUELA 13:4

Shawlu gaw Hpilisti dap up wa hpe sat kau nu ai lam hpe mung, Hpilisti masha ni shanhte hpe n ju nga ai lam mung, Israela masha ni yawng na ma ai. Dai rai nna Gilgala e Shawlu hte matut mahkai let zup hpawng ga nga, amyu masha ni htan dat ma ai.

1 SAMUELA 15:33

Samuela chyawm gaw, “Na a nhtu kanu law law a kasha ni hpe sum kau shangun nit dai zawn, ya na a kanu hpe mung kasha sum kau ai kanu tai kau shangun na rai sai,” ngu nna tsun wu ai. Shi gaw Gilgala shara na tawn hkungri man e Agag hpe kahtum kadaw di kahtam azat kau wu ai.