1 SAMUELA 10:22 - Jinghpaw Common Language Bible 2009

²² shanhte gaw dai Madu hpe, “Ndai yang e marai langai ngai naw nga ai n rai ni?,” ngu nna san ma ai. Dai Madu mahtang, “Shawlu gaw htawra ang na gun rai shingdu e makoi gyem nga ai,” ngu nna htan wu ai.

Jinghpaw Hanson Version Bible

²² Dai re ai majaw shanhte, “Dai wa nang de n sa a ni?” Ngu nna Yehowa hpe naw san mu yang, Yehowa gaw, “Yu mu, shi, arai ni a kata e makoi nga ai,” ngu nna tsun dan wu ai.

1 SAMUELA 10:22 ပူးပေါင်းရင်းမြစ်များ

NINGPAWT NINGHPANG 25:22

Shi hta marun hkan nau shangai wa na ra ai rai nna, garai n shangai ai hkritung ma yan gaw shi a kan kata hta shan shada da malan da ting gasat hkat ma ai. Shi gaw, “Ngai hta lama mi byin ai zawn nga ai gaw hpa majaw rai ang ai i?,” nga nna tsun wu ai. Dai rai nna dai mahtai a matu dai Madu hpe san na nga, pru sa wa wu ai.

2 SAMUELA 2:1

Dai hpang, Dawi gaw dai Madu hpe, “Ngai sa nna Yuda mare langai ngai hpe madu la lu na a ni?,” ngu nna san wu ai. Dai Madu mung, “Rai sa, nang sa lu na ndai,” ngu nna htan wu ai. Dawi gaw, “Gara mare mahtang?,” ngu nna san wu yang, “Hebron,” ngu nna dai Madu tsun wu ai.

2 SAMUELA 21:1

Dawi up hkang nga ai laman, masum ning tup laja lana re ai hkuwa byin wa sai. Dai rai nna Dawi gaw dai hte seng nna dai Madu hpe san yu wu ai shaloi, dai Madu gaw, “Shawlu hte shi a dinghku masha ni masha sat ai amu shut kau ai mara lu nga ma ai. Shi gaw Gibeon masha ni hpe sat kau nu ai,” ngu nna tsun wu ai.

BU HKAWM 27:21

Shi gaw nye a myit ra lam hpe Urim hte Htumim hte san ya ai hkinjawng Eleaza hpe kam hpa shamyet shanat na rai wu ai. Ndai hku nna, Eleaza gaw Yawshu hte Israela shawa hpung ting hte shanhte a magam bungli ni yawng hpe matsun madun na rai wu ai,” ngu nna tsun wu ai.

LUKA 14:11

Tinang hkum hpe shagrau shatsaw ai wa kadai mung, shagrit kau ai hkrum na ra ai; tinang hkum hpe shagrit ai wa kadai mung, shagrau shatsaw ai hkrum na ra ai,”

TARA AGYI 1:1

Yawshu si mat ai hpang Israela amyu masha ni gaw dai Madu hpe, “Anhte a amyu bawsang ni hta na kadai mahtang Hkanani masha ni hpe shawng sa gasat ang na ga ta?,” ngu nna san ma ai.

TARA AGYI 20:18

Israela masha ni gaw Behtela mare na nawku ai shara de lung wa nhtawm, “Benyamin amyu masha ni hpe gara amyu bawsang mahtang shawng gasat ang na rai ga ta?,” ngu nna dai yang e Karai Kasang hpe san ma ai. Dai Madu gaw, “Yuda amyu bawsang ni shawng rai u ga,” ngu nna htan wu ai.

1 SAMUELA 10:21

Dai hpang Samuela gaw Benyamin amyu bawsang hta na dinghku masha ni hpe shawng de pru sa shangun mu yang, Matri a dinghku lata la hkrum nga ai. Shaloi Matri a dinghku na lasha ni hpe shawng de pru sa shangun mu yang, Kisha a shadang sha Shawlu lata la hkrum nga ai. Shing rai shanhte shi hpe tam yu mu ti mung n mu lu ma ai rai nna,

1 SAMUELA 14:37

Dai rai nna, Shawlu gaw Karai Kasang hpe, “Ngai Hpilisti masha ni hpe gasat na rai ni? Anhte hpe awng padang jaw na n ni?,” ngu nna san wu ai. Rai ti mung Karai Kasang chyawm gaw dai shani e n htan ya wu ai.

1 SAMUELA 15:17

Samuela gaw, “Na hkum nang ahkyak n rai nga ai ngu myit nawn la tim pyi, nang gaw Israela amyu bawsang ni a ningbaw wa rai nga ndai. Dai Madu mung nang hpe Israela hkawhkam shatai nhtawm namman jaw ya nit dai;

1 SAMUELA 22:10

Ahimelek mung Dawi hpa galaw ang ai hpe dai Madu kaw san ya nhtawm lusha nkau mi hpe mung, Hpilisti masha Goliat a nhtu hpe mung, Dawi a lata de ap ya dat nu ai,” ngu nna tsun wu ai.

1 SAMUELA 23:9

Shawlu gaw shi hpe htim gasat na lam maw mawn nga ai hpe Dawi na ai shaloi, shi gaw hkinjawng Abiahta hpe, “Nang de hpa hkai lawng la wa rit,” ngu nna tsun wu ai.

1 SAMUELA 30:7

Dawi gaw Ahimelek a kasha hkinjawng Abiahta hpe, “Hpa hkai lawng ngai kaw la wa rit,” ngu nna tsun wu ai shaloi, Abiahta mung dai hpe shi hpang de la wa ya wu ai.

1 SAMUELA 30:8

Dawi gaw dai Madu hpe, “Ndai zawn shang hpya ai masha ni a hpang ngai hkan mai na a ni? Shanhte hpe hkan shachyut dep lu na kun?,” ngu nna san wu ai. Shaloi dai Madu gaw, “Shanhte kaw hkan su; shanhte hpe hkan dep nna, bawng masha ni hpe bai lu mawai la lu na rai ndai,” ngu nna htan wu ai.

1 SAMUELA 9:21

Shawlu gaw, “Ngai gaw Israela hta kaji htum ai amyu bawsang rai nga ai Benyamin amyu bawsang na she rai nga nngai; nye a dinghku mung amyu bawsang hta ahkyak htum ai shara hta nga ai n rai nga ai. Dai rai yang, nang ngai hpe hpa majaw dai zawn nga tsun n ta?,” ngu nna htan wu ai.