1 SAMUELA 10:2 - Jinghpaw Common Language Bible 2009

² Dai ni, nang ngai hte hka nna wa ai shaloi, Benyamin a lamu ga Zelza shara na Rahkela lup makau kaw masha lahkawng hte hkrum na ra ai. Shaloi, dai yan nang sa tam ai lawze ni mu la sai; na nwa gaw lawze ni a lam hpe n myit ru, na a lam myit tsang nna shi gaw, ‘Nye a kasha a matu ngai kaning di na i?,’ nga nna sha asan nga ai lam nang hpe tsun dan na mara ai.

Jinghpaw Hanson Version Bible

² Dai ni ngai hte hka nna wa yang, Ben-yamin lamu ga jarit, Zelza shara na Rahkela lup du jang, masha lahkawng hte nang hkrum na rin dai: shaloi dai yan, ‘Nang sa tam ai lawze ni, mu la sai; na nwa gaw lawze ni hpe n myit; na a lam myit tsang nna, Ngai sha matu kaning di na i? nga ai,’ nga nna tsun na ma ai.

1 SAMUELA 10:2 ပူးပေါင်းရင်းမြစ်များ

NINGPAWT NINGHPANG 35:16

Yaku hte shi a dinghku masha ni Behtela kaw nna pru mat wa nhtawm Ehprat kaw nna loi mi naw tsan ai shara hta shanhte naw nga nga yang, Rahkela hta shangai nhtoi gu nna shinggyim machyi laja lana hkrum sha wu ai.

NINGPAWT NINGHPANG 48:7

Ndai lam hpe na nnu Rahkela a majaw ngai galaw nga nngai. Mesopotamia mung kaw nna ngai bai nhtang wa ai shaloi, Ehprat mare hte nau n tsan ai Hkanan mung hta shi si mat nna ngai hpe yawn hkyen kaba jahkrum nu ai. Dai rai nna Ehprat de sa wa ai lam makau e shi hpe ngai lup makoi se ai,” ngu nna tsun wu ai. (Ehprat hpe ya aten e Betlehem ngu ai re.)

YEREMIA 31:15

Dai Madu gaw, “Rama shara hta nsen langai na lu nga ai, dai nsen gaw ja ja hkrap agru ai nsen rai nga ai. Rahkela gaw shi a kashu kasha ni a matu hkrap shabam nga ai; shanhte n nga mat masai, shi gaw shalan shabran na hpe ningdang nga ai.

YAWSHU 18:28

Zela, Elep, Yebusi mare (shing n rai Yerusalem), Gibat, hte Kiriat Yarim ni rai nga ai. Mare shi lahkawng hte de a grup yin na kahtawng ni lawm nga ai. Dai gaw Benyamin amyu bawsang hta na lakung lama ni lu la ai lamu ga sali rai nga ai.

1 SAMUELA 10:16

Shawlu gaw, “Yam nga ni bai mu la manu ai nga nna shi an hpe tsun dat mi ai,” ngu nna htan wu ai. Rai ti mung, shi hkawhkam tai wa na lam Samuela tsun nu ai ga hpe chyawm gaw shi n tsun dan wu ai.