1 SAMUELA 10:12 - Jinghpaw Common Language Bible 2009

¹² Dai yang e nga ai masha langai mi mung, “Kaga myihtoi ni gaw gara hku rai nga ma ni? Shan a kawa ni mahtang kadai ni rai nga ma ta?,” ngu nna san wu ai. Dai re ai majaw, “Shawlu gaw myihtoi rai mat sani?,” ngu ai ga gaw pru wa nga ai.

Jinghpaw Hanson Version Bible

¹² Dai yang na masha langai mi mung, “Shan a kawa mahtang kadai rai nga a ta?” ngu nna hkap htan wu ai. Dai re ai majaw, ‘Shawlu mung myihtoi ni hta lawm a ni?’ Nga ai ga gaw, ga malai tai mat wa ai.

1 SAMUELA 10:12 ပူးပေါင်းရင်းမြစ်များ

ESAIA 54:13

“Ngai hkum nan na a amyu masha ni hpe sharin achyin ya na nngai, shanhte hpe ngamu ngamai lam hte ngwi pyaw sim sa lam jaw ya na nngai.

YAWHAN 6:45

Myihtoi laika ni hta, ‘Masha shagu gaw Karai Kasang a sharin achyin ai lu la na mara ai,’ ngu nna ka da nga ai. Dai rai nna, nye Wa tsun ai ga hpe na la nna shi kaw na sharin achyin hkam la ai wa kadai mung ngai hpang de du sa ai.

YAWHAN 7:16

Dai majaw Yesu gaw, “Ngai sharin shaga ai ga gaw, nye a ga n rai, ngai hpe shangun dat ai wa a ga rai nga ai.

YAKU 1:17

Mai kaja ai hte hkum tsup re ai chyeju kumhpaw kumhpa nlang hte gaw, sumsing nhtoi hkum ni hpan da ai hte ningsin hpe gale galau di nna n kayin shangun ai sumsing lamu e nga ai Karai Kasang kaw na yu wa sai rai nga ai.

1 SAMUELA 10:13

Shawlu gaw kabu gara ka manawt ai hte jahtau garu ngut jang, kawng ntsa na tawn hkungri nga ai de lung wa wu ai.

1 SAMUELA 19:23

Shi gaw dai shara de sa wa wu yang, dai Madu a wenyi gaw shi hpe up hkang nga ai rai nna, Nayut shara de sa ai lam dingyang ka let jahtau garu nna sa wa wu ai.

1 SAMUELA 19:24

Shi gaw shi a bu hpun palawng ni hpe raw kau nhtawm Samuela a man e ka let jahtau garu wu ai; dai shani tup, dai shana tup, hpun palawng n kap ai sha taw nga ai. (Dai re ai majaw, “Shawlu mung myihtoi tai yu sani?,” nga nna npawt gawn tsun shalai ma ai.)