1 SAMUELA 10:11 - Jinghpaw Common Language Bible 2009

¹¹ Shawlu ndai zawn galaw ai lam hpe shawng e shi chye chyap ai ni mu jang, shanhte langai hte langai gaw, “Kisha a kasha hta hpa byin sai kun? Shawlu gaw myihtoi langai tai mat sai kun?,” ngu nna san hkat ma ai.

Jinghpaw Hanson Version Bible

¹¹ Shing rai, Shawlu myihtoi ni hte rau myihtoi htoi ai hpe, shawng e shi e chye chyap ai ni mu jang, “Kisha a kasha hpa byin ai kun? Shawlu mung myihtoi ni hta lawm a ni?” nga nna san shajang ma ai.

1 SAMUELA 10:11 ပူးပေါင်းရင်းမြစ်များ

AMO LAIKA (AMOS) 7:14

Amo gaw, “Ngai gaw shabrai a matu dai zawn myihtoi htoi ai wa n rai nngai. Ngai gaw yam nga rem sha ai wa hte lakum hpun ni hpe yu lajang ai wa she rai nngai.

AMO LAIKA (AMOS) 7:15

Rai ti mung, dai Madu gaw yam nga rem nga ai nye bungli kaw na shaga la nhtawm shi a amyu masha Israela ni hpang de sa nna myihtoi htoi na matu hkang dat nga ai.

YAWHAN 7:15

Ahkang aya lu ai Yuda masha ni gaw mau ai hte, “Ndai wa gaw hpa jawng mung n lung yu ai mi kaning rai ndai daram wa chye chyang ai kun?,” nga ma ai.

KASA 3:10

Dai wa gaw Nawku Htingnu a Tsawm Pra Chyinghka makau e dung nga nna hpyi sha ai wa rai nga ai hpe shanhte chye yu da mu ai rai nna, shi hta byin wa ai lam hpe mau mahka mat nga ma ai.

KASA 4:13

Kongsi hta lawm ai salang ni gaw hpaji n chye ai yu maya masha yan rai nga ai Petru yan Yawhan gade daram nden ja ai myit rawng ai hpe mu ma ai majaw mau mahka mat ma ai. Rai ti mung shawng de Yesu a manaw manang ni tai lai wa sai hpe shanhte dum chye ma ai.

KASA 9:21

Shi a ga na ai ni nlang mau mahka let, “Ndai wa gaw Yerusalem mare e Yesu ngu ai wa hpe nawku ai ni nlang hte hpe sat nga ai wa n rai ni? Ya ndai de mung dai baw ni hpe gyit la nna hkinjawng agyi ni hpang de wa ap na maw ai hte sa du ai wa shi rai nga ai n rai ni?,” nga nna san shajang ma ai.

1 SAMUELA 19:24

Shi gaw shi a bu hpun palawng ni hpe raw kau nhtawm Samuela a man e ka let jahtau garu wu ai; dai shani tup, dai shana tup, hpun palawng n kap ai sha taw nga ai. (Dai re ai majaw, “Shawlu mung myihtoi tai yu sani?,” nga nna npawt gawn tsun shalai ma ai.)