1 SAMUELA 10:1 - Jinghpaw Common Language Bible 2009

¹ Dai hpang Samuela gaw tsanlun sau rawng ai di bu langai la nna Shawlu a baw ntsa e ru jaw nna shi hpe pup let, “Shi a amyu masha Israela hpe up hkang ai du tai na matu, dai Madu gaw nang hpe namman jaw ya nga ai. Dai rai nna shi a amyu masha ni hpe nang up hkang nna shanhte a gumlau hpyen ni yawng a lata kaw nna mung shanhte hpe makawp maga ya na rai ndai. Ndai gaw dai Madu nang hpe lata la nna shi a amyu masha ni hpe up hkang na du tai na matu nang hpe madun ai sakse rai nga ai.

Jinghpaw Hanson Version Bible

¹ Shaloi Samuela gaw, namman tauba la nna, Shawlu a baw e jaw bun nhtawm shi hpe pup nna, “Yehowa gaw, shi a Sali amyu a du tai na matu, nang hpe namman chya ya nit dai, n rai ni?

1 SAMUELA 10:1 ပူးပေါင်းရင်းမြစ်များ

2 SAMUELA 1:14

Dawi gaw shi hpe, “Dai Madu lata san da sai hkawhkam wa hpe nang kaning di sat gwi nga n ta?,” ngu nna san wu ai.

2 SAMUELA 19:39

Dai hpang Dawi hte shi a masha ni yawng Yawdan hka rap mat wa ma ai. Shi gaw Barazilai hpe pup nhtawm shaman da ya wu ai; shing rai Barazilai mung nta de wa mat wa wu ai.

2 SAMUELA 20:19

Anhte a mare gaw kaba ai mare langai mi rai nna Israela mung hta grau nna ngwi pyaw sim sa htum ai hte sadi dung htum ai mare langai mi rai nga ai. Nang gaw ndai mare hpe hpa majaw jahten sharun kau mayu nga n ta? Dai Madu madu da ai mare hpe nang sharun jahten kau mayu nga n ni?,” ngu nna tsun wu ai.

2 SAMUELA 5:2

Lai sai aten, Shawlu anhte a hkawhkam naw rai nga ai aten kaw nna pyi Israela amyu masha ni hpe majan pa hkan nang woi awn yu nit dai. Nang mung dai Madu a amyu masha ni hpe woi awn nna shanhte hpe up hkang ai wa tai wa na lam, shi nang hpe ga sadi jaw da nga nit dai,” ngu nna tsun ma ai.

1 HKAWHKAM 1:34

dai yang e, Zadok hte Nahtan gaw shi hpe Israela hkawhkam tai wa na matu namman jaw ya na rai myit dai. Dai hpang pahtau dum dat nhtawm, “Hkawhkam Shawlumon asak galu u ga law!,’ ngu nna jahtau tsun na rai myit dai.

1 HKAWHKAM 19:18

Rai ti mung, Bala hpe n gum dagup ai hte shi a hpara sumla hpe n pup ai sha ngai hta sadi dung nga ai ni yawng ngu na Israela mung na amyu masha hkying sanit hpe ngai naw jahkrung da we ai,” ngu nna tsun wu ai.

2 HKAWHKAM 20:5

shi hpe, “Na a nji nwa Dawi a Karai Kasang ngai Madu nan na a akyu hpyi ai ga hpe na ni ai; na a myi prwi ngai mu se ai; Ngai gaw nang hpe masum ya laman shamai ya na de ai; shaloi Nawku Htingnu de nang sa lu na rai ndai.

2 HKAWHKAM 9:1

Dai aten laman hte yang, myihtoi Elisha gaw myihtoi ma ni hta na langai mi hpe shaga la nhtawm shi hpe, “Gilead mung na Ramot mare de sa wa na matu shajin da sanu. Ndai tsanlun sau rawng ai namtau hpe mung nang hte rau la sa wa su;

2 HKAWHKAM 9:12

Shanhte gaw, “N rai law, anhte n chye ga ai; shi kaning nga tsun ai lam anhte hpe she tsun dan yu mi!,” ngu nna tsun htang ma ai. “Dai Madu ning nga nna tsun ndau ai lam shi ngai hpe ning ngu tsun dan ai: “Israela hkawhkam tai na, ngai nang hpe namman jaw ya nngai.”

SHAKAWN KUNGDAWN 135:4

Shi gaw Yaku hpe shi a matu, Israela amyu masha ni hpe shi madu na matu, lata la nu ai.

SHAKAWN KUNGDAWN 2:12

hkrit gari ai hte shi hpe dingnyawm nga mu; shing n rai yang, shi a masin kahtet ai gaw alawan su rawt wa ai hte nanhte gaw akajawng sha si mat na marin dai. Makawp maga la na matu, shi kaw du sa ai ni gaw a lu ma ai.

SHAKAWN KUNGDAWN 78:71

Israela amyu masha ni a hkawhkam, Karai Kasang a amyu masha ni a sagu rem wa tai nga na matu, shi hpe san da nu ai.

PRU MAT 30:23

“Kaja htum ai manam pyaw ai baw namji namya, mura sau pawng 12, manam pyaw ai baw hpun maza hpyi pawng 6, manam pyaw ai baw ri pawng 6,

YEREMIA 10:16

Yaku a Karai Kasang chyawm gaw shanhte hte n bung nga ai; shi gaw yawng mayawng hpe hpan da ai wa rai nna, Israela hpe shi a amyu masha majing shatai na matu lata la nu ai. Chyahtum Chyalai N-gun Rawng ai dai Madu gaw shi a mying nsang rai nga ai.

EZEKELA 16:13

Nang gaw manu dan ai aja gumhpraw ni hte mawn sumli nhtawm, mani tsawm ai lachyit sumpan, alai hte maka ka ai hpun palawng ni hpe tut nawng bu hpun nga ndai. Nang gaw kaja htum ai hkaulan mam shadung hte galaw ai muk sha nhtawm, dwi ai lagat ntsin hte sau ai tsanlun sau hpe lu nga ndai. Na a ahpraw nsam gaw tsawm htap htoi kabrim nga nna hkawhkam jan tai wa nit dai.

HOSEA 13:2

Shanhte gaw masha a myit hte kumla shapraw nna masha a lata hte galaw da ai gumhpraw hpara sumla ni, nawku na matu nhprang arai ni hte galaw ai hkrang sumla ni hpe galaw let yubak hpe naw matut shut nga ma ai. Dai hpang shanhte gaw, “Shanhte hpe shagu hkungga nawng ya mu!,” ngu nna tsun ma ai. Masha gaw ndai hpara sumla ni hte mung, dumsu usu hkrang re ai hpara sumla ni hpe kaning rai pup lu na rai hka!

KASA 13:21

Dai hpang shanhte hkawhkam langai mi hpyi ma yang, Karai Kasang gaw Benyamin amyu Kisha a kasha Shawlu hpe shanhte a matu mali shi ning hkawhkam tai ya na matu jaw mu ai.

TARA JAHPRANG 32:9

rai ti mung shi chyawm gaw Yaku amyu matu mara ni hpe shi a matu lata la nu ai.

1 HTESALONI 5:26

Kam sham ai ni yawng hpe chyoi pra ai lailen hte shakram hkat mu.

HEBRE 2:10

Yawng mayawng hpe hpan da nna bau sin yu lanu lahku nga ai Karai Kasang gaw, kasha ni law law hpe hpung shingkang hkam la shangun lu na matu nni nkri hkam ai hku nna Yesu hpe jahkum shatsup ya wu ai. Ning rai Karai Kasang galaw ai lam gaw mai ang ai lam sha rai nga ai, hpa majaw nga yang, shanhte hkye hkrang la hkrum na matu woi wa ai wa gaw Yesu nan rai nga ai.

SHINGRAN 5:8

Dai laika hpe lu la ai shaloi jang, dai dusat amyu mali hte salang hkun mali gaw, dai Sagu Kasha a man e dingnyawm ma ai. Shanhte langai hte langai gaw tingse hte Karai Kasang a masha ni a akyu hpyi ai ga ngu ai manam pyaw ai baw hte hpring chyat nga ai ja gawm ni hpe mung lang nga ma ai.

1 SAMUELA 12:3

Ngai gaw nang e nga nga nngai. Ngai gaw lama ma hpe sha pyi galaw shut kau yu ni ai rai yang, ya dai Madu a man e mung, shi lata san da nu ai hkawhkam wa a man e mung ngai hpe mara shagun mi. Kade a dumsu kanu, shing n rai lawze hpe ngai la kau yu a ta? Kadai hpe maw sha yu a ta? Kadai wa hpe dip gamyet sha yu a ta? Kadai kaw na mayun kumhpa hkap la yu a ta? Ndai zawn re ai amu ni hta na langai ngai hpe ngai galaw shut kau ai rai yang, ngai la kau ya ai made, ngai bai nhtang jaw made ga,” ngu nna tsun wu ai.

1 SAMUELA 13:14

Rai ti mung, ya chyawm gaw nang up hkang lu sana n rai nit dai. Nang shi a ga n madat kau nit dai majaw, dai Madu gaw shi yu sharawng ai masha hpe tam nna, shi a amyu masha ni hpe up hkang shangun na rai wu ai,” ngu nna htan wu ai.

1 SAMUELA 15:1

Samuela gaw Shawlu hpe, “Ngai gaw shi a Israela amyu masha ni a hkawhkam tai na, nang hpe namman jaw ya na matu dai Madu shangun dat ai wa rai nga nngai. Dai rai nna, Chyahtum Chyalai N-gun rawng ai dai Madu kaning nga tsun ai ga hpe ya madat u.

1 SAMUELA 15:17

Samuela gaw, “Na hkum nang ahkyak n rai nga ai ngu myit nawn la tim pyi, nang gaw Israela amyu bawsang ni a ningbaw wa rai nga ndai. Dai Madu mung nang hpe Israela hkawhkam shatai nhtawm namman jaw ya nit dai;

1 SAMUELA 16:1

Dai Madu gaw Samuela hpe, “Shawlu a majaw nang kaden du hkra yawn nga na ngu n ta? Ngai shi hpe Israela hkawhkam aya kaw nna jahkrat kau ni ai. Rai ti mung, ya chyawm gaw tsanlun sau loi mi la lang nhtawm Yese mying ai wa nga ai Betlehem mare de sa wa su, hpa majaw nga yang, ngai gaw shi a shadang sha langai mi hpe hkawhkam shatai na san da ni ai,” ngu nna tsun wu ai.

1 SAMUELA 16:13

Samuela gaw tsanlun sau la nhtawm kahpu ni a man e Dawi hpe namman jaw ya wu ai. Dai shaloi jang, dai Madu a wenyi gaw Dawi hpe up hkang wu ai; dai shani kaw nna shi hte rau arai nga sai. Dai hpang Samuela mung Rama mare de nhtang mat wa wu ai.

1 SAMUELA 2:10

Dai Madu a gumlau hpyen ni gaw jahten kau ai hkrum na mara ai; shi gaw shanhte hpe ninghkap na matu sumsing lamu kaw na mu shangoi dat ya na ra ai. Dai Madu gaw mungkan ga ting hpe tara jeyang na ra ai; shi gaw shi a hkawhkam wa hpe daru magam n-gun jaw na ra ai, shi gaw shi lata la sai hkawhkam wa hpe awng padang lu shangun na ra ai.”

1 SAMUELA 24:6

“Dai Madu lata san da sai hkawhkam nye a Madu hpe machyi shangun ai amu kaning re ai kaw na mung, dai Madu ngai hpe hkum kau ya n-ga law! Shi gaw dai Madu lata san da sai hkawhkam rai nga ai majaw ngai shi hpe kachyi mi pyi machyi shangun lu na nngai n rai!,” ngu nna tsun wu ai.

1 SAMUELA 26:11

Dai Madu nan hkawhkam shatai da sai wa hpe machyi shangun na matu ngai myit nga tim, dai Madu hkum kau ya nga ai. Sa, shi a nri hte ntsin namtau hpe chyawm gaw la mat wa ya ga,” ngu nna tsun wu ai.

1 SAMUELA 26:9

Rai ti mung, Dawi mahtang, “Shi hpe machyi shangun lu na n rai! Shi lata san da sai hkawhkam wa hpe machyi shangun ai wa hpe dai Madu teng teng ari jaw na rai wu ai.

1 SAMUELA 8:19

Amyu masha ni chyawm gaw Samuela a ga hpe hpa zawn n nawn ya ai sha, “N rai law! Anhte hkawhkam langai ra ga ai;

1 SAMUELA 8:9

Dai rai nna, shanhte a ga hpe madat ya u, rai ti mung shanhte a hkawhkam ni shanhte hpe kaning di wa na lam hpe chyawm gaw atsawm sha sang lang dan nna shanhte hpe ja ja sadi jaw u,” ngu nna tsun wu ai.

1 SAMUELA 9:16

“Hpawt de ndai aten daram hta e, Benyamin amyu bawsang hta na masha langai mi, nang hpang de ngai shangun dat na nngai; shaloi nye a amyu masha Israela hpe up hkang ai wa shatai nna, shi hpe namman jaw ya na rai ndai; shing rai shi gaw shanhte hpe Hpilisti masha ni a lata kaw nna hkye mawai la na ra ai. Nye a amyu masha ni hkam sha ai nni nkri hpe ngai mu se ai; shanhte hpe karum la na matu shanhte a hpyi jahtau ai nsen ni hpe mung na se ai,” ngu nna tsun wu ai.

1 SAMUELA 9:27

Shan mare shingnawm de du ai shaloi, Samuela gaw Shawlu hpe, “Na a shangun ma wa hpe shawng magang na tsun u,” ngu nna tsun wu ai. Shangun ma wa mung shawng magang mat wa ai hpang, Samuela gaw, “Ndai yang e hkring mi naw tsap u; ngai nang hpe Karai Kasang tsun ai ga htawn tsun dan na de ai,” ngu nna matut tsun wu ai.