1 SAMUELA 1:9 - Jinghpaw Common Language Bible 2009

^9-10 Shilo mare na dai Madu a nta hta shanhte lusha sha ngut ai hpang, lani mi na aten hta Hana rawt sa wa wu ai. Shi gaw grai yawn la ai hte jahtau hkrap let, dai Madu kaw akyu hpyi wu ai. Dai shaloi hkinjawng Eli gaw chyinghka makau na shi a tingnyang hta dung nga ai.

Jinghpaw Hanson Version Bible

⁹ Shing rai Shilo mare e lu sha ngut jang Hana rawt sa wa ai. Dai shaloi e hkinjawng Eli gaw, Yehowa nawku nta chyinghka hkadun makau e, shi a tingnyang hta dung nga ai.

1 SAMUELA 1:9 ပူးပေါင်းရင်းမြစ်များ

2 SAMUELA 7:2

Dai hpang hkawhkam wa gaw myihtoi Nahtan hpe, “Yu u, ngai chyawm gaw marau hpun hte galaw ai nta hta rawng nga nngai; rai ti mung Karai Kasang a Ga Shaka Sumpu mahtang sumpan sum kata e rawng nga ai le!,” ngu nna tsun wu ai.

SHAKAWN KUNGDAWN 27:4

Ngai gaw ngai ra sharawng ai lam langai mi hpe dai Madu kaw hpyi se ai; dai gaw, ngai ahkrung nga dingsa dai Madu a nta hta shanu nga lu nna; shi a mai kaja ai lam hpe dai shara hta mu lu nga ai; shi a lam woi ai hpe hpyi lajin na matu chyu sha ngai ra nga nngai.

SHAKAWN KUNGDAWN 29:9

Dai Madu a nsen gaw wamyi hpun ni hpe ashun dat nna, hpun lap ni hpe sharun kau wu ai shaloi, “Karai Kasang gaw hpung shingkang rawng nga u ga,” nga nna shi a Nawku Htingnu kata na masha shagu hte jahtau garu ma ai.

SHAKAWN KUNGDAWN 5:7

Rai ti mung, na a galu kaba ai tsaw ra myit a majaw ngai na a nta de sa lu nngai; na a chyoi pra ai Nawku Htingnu hta ngai nawku lu nna nang hpe hkrit hkungga ai hte dingnyawm lu nga nngai.

PRU MAT 21:6

shi a madu gaw shi hpe nawku ai shara de woi sa na rai wu ai. Dai yang na chyinghka shing n rai chyinghka shadaw hta shi hpe shatsap da nna, shi a na hpe shajut ya na rai wu ai. Dai hpang shi gaw shi a matu prat tup mayam tai nga na rai wu ai.

1 SAMUELA 3:15

Samuela gaw jahpawt du hkra yup ra e nga nga wu ai; dai hpang shi rawt nhtawm dai Madu a nta chyinghka ni hpe hpaw wu ai. Dai shingran Eli hpe tsun dan na shi hkrit nga ai.

1 SAMUELA 3:3

Samuela mung chyoi pra ai Ga Shaka Sumpu nga ai chyoi pra ai shara hta yup nga ai. Shaloi jahpawt nhtoi garai n htoi, pyengdin naw chyi nga yang,

1 SAMUELA 4:13

Eli mung Ga Shaka Sumpu a majaw grai myit tsang ai hte lam makau na dung shara langai mi a ntsa hta dung nga let azi yu nga ai. Dai wa mare ting de ashi wa shamawng dat wu ai majaw, hkrit gari ai hte jahtau hkrap nga ma ai.