1 SAMUELA 1:3 - Jinghpaw Common Language Bible 2009

³ Elakana gaw Chyahtum Chyalai N-gun rawng ai dai Madu hpe nawku let shagu hkungga nawng ya na nga, Rama mare kaw nna dai Madu a hkinjawng ni rai nga ai Eli a shadang sha lahkawng ngu na Hopni hte Hpineha nga ai Shilo mare de shaning shagu sa sa rai wu ai.

Jinghpaw Hanson Version Bible

³ Dai la wa gaw, Zaw nawng zaw wa up ai Yehowa hpe nawku nna hkungga nawng jau na nga, shi a nga shara mare kaw nna, Shilo mare de, shaning shagu alung nga ai. Dai yang e, Yehowa a hkinjawng Eli a kasha Hopni yan Hpineha nga ma ai.

1 SAMUELA 1:3 ပူးပေါင်းရင်းမြစ်များ

SHAKAWN KUNGDAWN 78:60

Shi gaw anhte a ka-ang hta nga lai wa sai Shilo mare na sum nta hpe kau da nu ai.

PRU MAT 23:14

“Ngai hpe shagrau sha-a na matu laning mi hta poi kaba masum galaw na rai myit dai.

PRU MAT 23:17

Nanhte hta na lasha ni yawng gaw shaning shagu galaw ai ndai poi masum hta dai Madu na a Karai Kasang rai nga ai Ngai hpe sa nawku lu na rai myit dai.

PRU MAT 34:23

“Nanhte a lasha ni yawng gaw laning mi hta kalang, dai Madu Israela a Karai Kasang Ngai hpe sa nawku lu na rai myit dai.

LUKA 2:41

Yesu a kanu yan kawa gaw, Shalai Wa ai Poi du jang, shaning shagu Yerusalem mare de sa ma ai.

TARA JAHPRANG 16:16

“Laning mi hta masum lang ngu na san da ai nawku shara langai hta Shalai Wa Ai Poi, Nmut Shang Poi hte Sum Poi ni hpe galaw myit dai shaloi nanhte a amyu bawsang hta na lasha ni yawng dai Madu hpe nawku na matu sa lu na rai ma ai.

YAWSHU 18:1

Shanhte gaw mungdan hpe gasat dang la ngut ai hpang, Israela shawa hpung ting Shilo mare e zup hpawng nna, dai Madu a hpung shingkang shanu nga ai Sum hpe sharawt ma ai.

TARA AGYI 18:31

Karai Kasang hpe nawku ai Sum gaw Shilo e naw nga nga dingsa Mihka galaw ai hpara sumla mung dai yang e naw nga nga ai.

TARA AGYI 21:19

Dai hpang shanhte gaw, “Shilo mare e shaning shagu galaw ai dai Madu a matu galaw ai poi gaw kade n na yang du wa ra ai,” ngu nna myit nawn da ma ai. (Shilo mare gaw Behtela a dingdung, Lebona a dingda, Behtela hte Shehkem lapran na lam a sinpraw de nga nga ai.)

1 SAMUELA 1:21

Aten bai du wa ai shaloi, shi ga sadi tawn da nu ai hte maren, Elakana hte shi a dinghku masha ni Shilo mare de lung wa nhtawm shaning shagu nawng ya ai shagu hkungga hte lak san shagu hkungga, dai Madu a matu nawng ya wu ai.

1 SAMUELA 1:9

Shilo mare na dai Madu a nta hta shanhte lusha sha ngut ai hpang, lani mi na aten hta Hana rawt sa wa wu ai. Shi gaw grai yawn la ai hte jahtau hkrap let, dai Madu kaw akyu hpyi wu ai. Dai shaloi hkinjawng Eli gaw chyinghka makau na shi a tingnyang hta dung nga ai.

1 SAMUELA 14:3

(Shilo mare na dai Madu a hkinjawng rai nga ai Eli a kashu, Hpineha a kasha, Ihkabu a kahpu Ahitub a kasha, hpa hkai lawng hpai ai hkinjawng Ahiya mung lawm nga ai.) Yonahtan pru mat wa ai hpe dai masha ni kadai mung n chye dat ma ai.

1 SAMUELA 2:19

Shi a kanu gaw shaning shagu kaji ai ntsa palawng galu chywi nhtawm shaning shagu, shagu hkungga nawng ya na matu galaw ai shara de shi a madu wa hte rau lung wa ai shaloi, shi hpe la lung wa ya ya di nga ai.

1 SAMUELA 2:34

Na a kasha Hopni yan Hpineha shan lahkawng lani jan e sha si mat ai shaloi, dai gaw ngai tsun matsun hte maren teng teng byin wa na ra ai lam nang hpe madun dan na ra ai.

1 SAMUELA 3:13

Shi a kasha yan ngai hpe n shawp ai ga tsun kau manu ai; dai zawn galaw ai hpe Eli chye nga ti mung shan hpe n hkum kau ai majaw shi a dinghku masha ni hpe htani htana ari jaw na ngu nna ngai shi hpe tsun se ai.

1 SAMUELA 4:11

Karai Kasang a Ga Shaka Sumpu mung la kau ya hkrum ai hte Eli a kasha Hopni yan Hpineha shan lahkawng sat kau hkrum ma ai.

1 SAMUELA 4:4

Shanhte gaw Shilo de kasa ni hpe shangun dat nhtawm singkaw tu ai hkrung kanu ntsa e dung ai Chyahtum Chyalai N-gun rawng ai dai Madu a Ga Shaka Sumpu hpe la sa ma ai. Eli a kasha Hopni hte Hpineha yan mung dai Ga Shaka Sumpu hte rau hkan sa wa ma ai.