1 SAMUELA 1:28 - Jinghpaw Common Language Bible 2009

²⁸ Dai rai nna, dai Madu a lata de shi hpe ngai ap nawng ya nga nngai. Shi ahkrung nga dingsa dai Madu a matu rai nga na rai wu ai,” ngu nna tsun wu ai. Dai hpang, dai yang e dai Madu hpe shanhte nawku ma ai.

Jinghpaw Hanson Version Bible

²⁸ dai re ai majaw, ngai shi hpe Yehowa e jaw da ni ai; shi hpe si ai nhtoi du hkra Yehowa a matu jaw da ai rai sai,” nga nna tsun ngut jang, dai yang e Yehowa hpe nawku ma ai.

1 SAMUELA 1:28 ပူးပေါင်းရင်းမြစ်များ

NINGPAWT NINGHPANG 24:26

Shaloi dai wa gaw hput di di let dai Madu hpe nawku wu ai.

NINGPAWT NINGHPANG 24:48

Ngai mung hput di nna dai Madu hpe nawku nngai. Nye a madu a shadang sha a matu dai shayi sha hpe ngai sa mu ai shara ngu ai nye madu a amyu bawsang hpang de ading sha woi sa wa ai nye madu Abraham a Karai Kasang dai Madu hpe shakawn kungdawn nngai.

NINGPAWT NINGHPANG 24:52

Ga dai hpe Abraham a shangun ma wa na ai shaloi jang shi gum dagup let dai Madu hpe nawku wu ai.

GA SHAGAWP 31:2

Shi gaw, “Nang gaw nye a tsaw ra ai, nye a akyu hpyi ga hte maren, lu la ai kasha rai nga ndai. Ngai nang hpe hpa hte seng ai lam tsun na rai ta?

BU HKAWM 6:8

Shi gaw Nazari rai nga dingsa dai Madu a matu ap nawng na rai wu ai.

2 TIMOHTI 3:15

Nang hpe ma kaji prat kaw nna machye machyang jaw nna Hkristu Yesu hpe kam sham ai a marang e hkye hkrang la ai lam lu la na matu lam matsun madun ai, dai chyoi pra ai Chyum Laika hpe atsawm sha chye ai wa rai nga ndai hpe mung adum nga u.

TARA AGYI 7:15

Dai masha wa htai ai yup mang hte de a lachyum hpe Gidon na ai shaloi, dai Madu hpe hput di let nawku wu ai. Dai hpang shi gaw Israela dap de nhtang wa nhtawm, “Rawt manu! Dai Madu Midian hpyen laba ni hpe dang kau na awng padang nanhte hpe jaw ya nga sai!,” ngu nna tsun wu ai.

1 SAMUELA 1:11

Hana chyawm gaw dagam ga sadi hte ning ngu tawn da wu ai: “Chyahtum Chyalai N-gun rawng ai Madu e, na a shangun ma rai nga ai ngai hpe mada yu e law! Nye a ru yak tsin-yam tsindam hpe mu ya nna ngai hpe dum nga u law! Ngai hpe hkum malap kau et! Nang ngai hpe shadang sha jaw n yang gaw shi a kara galoi mung n doi kau ya ai sha, shi a prat dingsa, nang hpe ap ya na nngai, ngu nna ngai ga sadi jaw nngai.”

1 SAMUELA 1:22

Rai ti mung, ndai lang hta chyawm gaw Hana n hkan nang wu ai. Shi gaw shi a madu wa hpe, “Ma chyu hka ai hte rau shi a prat tup wa shanu nga na dai Madu a nta de shi hpe woi lung wa na nngai,” ngu nna tsun wu ai.

1 SAMUELA 2:11

Dai hpang, Elakana gaw Rama shara e nga ai shi a nta de nhtang mat wa ti mung, ma Samuela chyawm gaw Shilo mare e nga let, hkinjawng Eli a npu hta nga nhtawm dai Madu hpe daw jau nga ai.

1 SAMUELA 2:20

Dai hpang, Eli gaw Elakana hte shi a madu jan hpe shaman ya na wu ai rai nna shi hpe, “Shi kaw nang ap nawng da nit dai kasha a malai num ndai hta kaga kashu kasha ni, dai Madu nang hpe jaw ya nga u ga law,” ngu nna tsun wu ai. Dai hpang, nta de shanhte nhtang mat wa ma ai.

1 SAMUELA 28:2

Dawi gaw, “Mai sa, teng teng rai na nngai. Ngai gaw na a shangun ma wa rai nga nngai hte maren, nang hkum a matu ngai hpa galaw ya lu na lam, nang mu lu na rai ndai,” ngu nna htan wu ai. Ahkisha mung, “Mai sa! Ngai mung nang hpe tut nawng na nye a asak sin ya ai du shatai na de ai,” ngu nna tsun wu ai.