1 SAMUELA 1:23 - Jinghpaw Common Language Bible 2009

²³ Elakana gaw, “Mai sa, nang myit nawn ai kaja htum ai hku galaw u. Shi hpe chyu jahka kau lu ai aten du hkra nta e nga nga u. Dai Madu shi a ga sadi teng wa u ga law,” ngu nna htan wu ai. Dai rai nna, Hana gaw nta e nga nna shi a ma hpe bau maka nga wu ai.

Jinghpaw Hanson Version Bible

²³ Madu wa Elakana mung, “Nang ra ai hku galaw u; chyu hka hkra naw nga u: Yehowa a ga shaka sha grin u ga,” ngu wu ai. Dai rai nna dai numsha gaw ma hpe chyu shachyu let, chyu hka ai du hkra n sa ai nga nga ai.

1 SAMUELA 1:23 ပူးပေါင်းရင်းမြစ်များ

2 SAMUELA 7:25

“Ya chyawm gaw, Madu Karai Kasang e, ngai hte nye a amyu matu ni hte seng ai nang shagrin da nit dai ga sadi hpe jahpring shatsup ya mi law; nang galaw na ngu nna tsun ai ga hte maren shadik ya e law.

1 HKAWHKAM 3:21

Hpang jahpawt e, nye a ma hpe chyu shachyu na ngu rawt wa yang, yu u, ma dai chyasi rai nga ai hpe ngai mu nngai. Shing rai ma dai hpe atsawm sha htep rai yu we yang, dai gaw nye a kasha n rai nga ai hpe mu we ai,” ngu nna tsun wu ai.

SHAKAWN KUNGDAWN 22:9

Nang gaw ngai hpe shangai wa ai shani kaw nna shim lum ai hte bau sin da ai wa nan rai nga ndai, Ngai ma chyangai naw rai nga yang, nang ngai hpe shim lum ai hte bau maka dat nit dai.

ESAIA 44:26

Rai ti mung, nye a shangun ma wa myihtoi ga tsun ai mung, nye a yaw shada lam ni shadan dan na matu kasa langai shangun dat ai shaloi mung, ngai gaw ndai yaw shada lam ni hte myihtoi ga ni hpe teng sha byin shangun nngai. Amyu masha ni Yerusalem hta bai shanu nga na lam mung, shanhte gaw Yuda mung na mare ni hpe bai de da na lam ni hpe mung ngai tsun nngai. Ndai mare ni hten run mat sai kaw na rawt wa na mara ai.

BU HKAWM 30:12

Rai ti mung dai lam hpe shi a madu wa na nna ga shaka shatup na matu hkum shadang ai rai yang, dai ga shaka hpe shi n hkan shatup ra nga ai. Shi a ga shaka hpe madu wa hkum pat kau wu ai majaw dai Madu mung shi hpe mara dat ya na rai wu ai.

MAHTE 24:19

Dai nhtoi hte hta, na-um nasin re ai num ni hte chyu chyu ai ma lu ai kanu ni a matu nachying yak la ai aten rai na ra ai.

LUKA 11:27

Yesu ndai ga tsun ngut ai shaloi, dai shawa hpawng kata na numsha langai mi gaw shi a nsen shaja nna, “Nang hpe shangai nna chyu jaw ai numsha gaw gade wa a nga a hka!,” nga nna shi hpe tsun wu ai.

1 SAMUELA 1:17

Eli gaw, “Ngwi pyaw sim sa ai myit hte wa sanu; ya nang shi kaw hpyi nit dai hte maren, Israela a Karai Kasang gaw nang hpe jaw nit ga law,” ngu nna tsun wu ai.

1 SAMUELA 14:36

Shawlu gaw shi a masha ni hpe, “Sa, anhte yu sa nna Hpilisti masha ni hpe shana e sa htim gasat saga; jahpawt nhtoi htoi ai aten du hkra shanhte hpe hkan hpya nna shanhte yawng hpe sat kau ga,” ngu nna tsun wu ai. Shanhte gaw, “Nang myit yu nna kaja htum ai hku galaw u,” ngu nna htan ma ai. Rai ti mung, hkinjawng wa mahtang, “Karai Kasang hte shawng jahkrum yu ga,” ngu nna tsun wu ai.

1 SAMUELA 14:40

Dai hpang, Shawlu gaw shanhte hpe, “Wora maga de nanhte yawng tsap yu mu; Yonahtan hte ngai chyawm gaw ndai maga de tsap na ga ai,” ngu nna tsun wu ai. Shanhte gaw, “Nang myit ai kaja htum ai hku galaw u,” ngu nna tsun ma ai.