1 SAMUELA 1:22 - Jinghpaw Common Language Bible 2009

²² Rai ti mung, ndai lang hta chyawm gaw Hana n hkan nang wu ai. Shi gaw shi a madu wa hpe, “Ma chyu hka ai hte rau shi a prat tup wa shanu nga na dai Madu a nta de shi hpe woi lung wa na nngai,” ngu nna tsun wu ai.

Jinghpaw Hanson Version Bible

²² Hana chyawm gaw, madu wa hpe, “Ma chyu garai n hka yang, ngai n lung na nngai; chyu hka jang she, Yehowa man e prat tup anga nga na matu sa da ai hte hpawn, woi lung na nngai,” nga nna nta e anga nga ai.

1 SAMUELA 1:22 ပူးပေါင်းရင်းမြစ်များ

SHAKAWN KUNGDAWN 110:4

“Nang gaw Melhkizedek a hkringhtawng lam hta na htani htana hte seng ai hkinjawng tai na rin dai,” nga nna Madu dagam da ai ga sadi rai nhtawm, dai ga sadi hpe bai nhtang dawm la kau na n rai.

SHAKAWN KUNGDAWN 23:6

Na a mai kaja ai lam hte tsaw ra myit gaw nye a asak prat tup hta ngai hte rau nga nga na ra ai gaw ngai chye nga nngai, na a nta gaw prat dingsa na nye a shanu shara tai na ra ai.

SHAKAWN KUNGDAWN 27:4

Ngai gaw ngai ra sharawng ai lam langai mi hpe dai Madu kaw hpyi se ai; dai gaw, ngai ahkrung nga dingsa dai Madu a nta hta shanu nga lu nna; shi a mai kaja ai lam hpe dai shara hta mu lu nga ai; shi a lam woi ai hpe hpyi lajin na matu chyu sha ngai ra nga nngai.

PRU MAT 21:6

shi a madu gaw shi hpe nawku ai shara de woi sa na rai wu ai. Dai yang na chyinghka shing n rai chyinghka shadaw hta shi hpe shatsap da nna, shi a na hpe shajut ya na rai wu ai. Dai hpang shi gaw shi a matu prat tup mayam tai nga na rai wu ai.

ESAIA 9:7

Shi a hkawseng daru magam n-gun gaw matut nna galu kaba wa na ra ai; shi a mungdan tut nawng ngwi pyaw sim sa na ra ai. Shi gaw Hkawhkam Dawi a hkringhtawng dagraw ai wa zawn up hkang nna, shi a daru magam n-gun gaw ding man ai hte teng man rap ra ai hta rudi nga ai rai nna, ya kaw nna jahtum ai aten du hkra agrin nga na ra ai. Chyahtum Chyalai N-gun rawng ai dai Madu gaw ndai amu yawng galaw na matu daw dan da nga sai.

JAW JAU 25:23

Nanhte a lamu ga hpe tut nawng madu nga lu na matu dai hpe dut lu na myit dai n rai; hpa majaw nga yang, lamu ga hpe nanhte madu ai n rai, Karai Kasang mahtang madu nga ai. Nanhte gaw dai hpe gan lang na matu ahkang lu ai tsasam masha ni zawn sha rai nga myit dai.

LUKA 2:22

Mawshe a Tara hte maren, shanhte a jasan jaseng ai nhtoi gu jang, shadang sha alat shagu dai Madu a rai nga ai ngu na matu,

TARA JAHPRANG 16:16

“Laning mi hta masum lang ngu na san da ai nawku shara langai hta Shalai Wa Ai Poi, Nmut Shang Poi hte Sum Poi ni hpe galaw myit dai shaloi nanhte a amyu bawsang hta na lasha ni yawng dai Madu hpe nawku na matu sa lu na rai ma ai.

YAWSHU 4:7

nanhte gaw shanhte hpe dai Madu a Ga Shaka Sumpu hka rap sa wa yang, dai Yawdan hka mahtang lwi nga ai kaw na hkring mat ai rai nga ai, ngu nna tsun dan na rai myit dai. Dai nlung ni gaw ndai shara e Israela amyu masha ni hpa byin lai wa sai lam hpe myit dum shangun na matu rai nga ai,” ngu nna tsun na rai myit dai.

1 SAMUELA 1:11

Hana chyawm gaw dagam ga sadi hte ning ngu tawn da wu ai: “Chyahtum Chyalai N-gun rawng ai Madu e, na a shangun ma rai nga ai ngai hpe mada yu e law! Nye a ru yak tsin-yam tsindam hpe mu ya nna ngai hpe dum nga u law! Ngai hpe hkum malap kau et! Nang ngai hpe shadang sha jaw n yang gaw shi a kara galoi mung n doi kau ya ai sha, shi a prat dingsa, nang hpe ap ya na nngai, ngu nna ngai ga sadi jaw nngai.”

1 SAMUELA 1:28

Dai rai nna, dai Madu a lata de shi hpe ngai ap nawng ya nga nngai. Shi ahkrung nga dingsa dai Madu a matu rai nga na rai wu ai,” ngu nna tsun wu ai. Dai hpang, dai yang e dai Madu hpe shanhte nawku ma ai.

1 SAMUELA 13:13

Samuela gaw, “Dai gaw angawk ai bungli rai nga sai. Dai Madu na a Karai Kasang nang hpe jaw ai hkang da ai ga hpe n hkan nit hka. Nang lama madat mara nna hkan sa taw gaw, nang hpe mung, na a matu mara ni hpe mung Israela mung hpe htani htana up shangun na rai wu ai.

1 SAMUELA 2:11

Dai hpang, Elakana gaw Rama shara e nga ai shi a nta de nhtang mat wa ti mung, ma Samuela chyawm gaw Shilo mare e nga let, hkinjawng Eli a npu hta nga nhtawm dai Madu hpe daw jau nga ai.

1 SAMUELA 2:18

Ndai aten hta, dai ma Samuela gaw chyoi pra ai lachyit hpa hkai lawng hpun let dai Madu hpe matut nna daw jau wu ai.

1 SAMUELA 28:2

Dawi gaw, “Mai sa, teng teng rai na nngai. Ngai gaw na a shangun ma wa rai nga nngai hte maren, nang hkum a matu ngai hpa galaw ya lu na lam, nang mu lu na rai ndai,” ngu nna htan wu ai. Ahkisha mung, “Mai sa! Ngai mung nang hpe tut nawng na nye a asak sin ya ai du shatai na de ai,” ngu nna tsun wu ai.

1 SAMUELA 3:1

Ma Samuela gaw Eli a matsun madun ai hku dai Madu hpe daw jau nga ai dai prat e, dai Madu kaw na mungga ni nau wa n pru, shi kaw na shingran ni mung nau wa n du rai nga ai.