1 SAMUELA 1:20 - Jinghpaw Common Language Bible 2009

²⁰ Shing rai, shi hta na-um nasin rai wa nna shadang sha shangai wu ai. Hana gaw shi hpe Samuela ngu shamying ya nga ai; dai gaw, “Shi hpe dai Madu kaw na ngai hpyi la nngai,” ngu nna shaleng dan nga ai.

Jinghpaw Hanson Version Bible

²⁰ Shing rai Hana na-um nasin rai nna, nhtoi gu jang shadang sha shangai wu ai; dai wa hpe Yehowa kaw hpyi la ai re ai majaw, Samuela ngu nna shamying wu ai.

1 SAMUELA 1:20 ပူးပေါင်းရင်းမြစ်များ

NINGPAWT NINGHPANG 16:11

Nang hta shadang sha shangai wa na ra ai; shi hpe Ishmaela ngu nna nang shamying lu na rai ndai; hpa majaw nga yang nang jahtau ai matsan tsin-yam nsen hpe dai Madu na ya nit dai.

NINGPAWT NINGHPANG 30:22

Karai Kasang gaw Rahkela hpe dum wu ai rai nna shi a akyu hpyi ga hpe htan ya ai hte kashu kasha shaprat na lam hpaw ya wu ai.

NINGPAWT NINGHPANG 4:25

Adam hte shi a madu jan hta kaga shadang sha bai lu ma ai. Madu jan gaw, “Karai Kasang gaw Ka-in e sat kau ai Abela a shara hta shadang sha langai jaw ni ai,” ngu nna tsun wu ai. Dai rai nna shi hpe Shet ngu nna shamying wu ai.

NINGPAWT NINGHPANG 5:29

“Dai Madu e dagam kau ai ga hta, ndai ma gaw anhte hkrum ai laja lana re ai amu bungli ni yawng hta na anhte a matu ngwi pyaw ai lam sa ya na ra ai,” ngu nna tsun wu ai; dai rai nna shi hpe Noa ngu nna shamying wu ai.

1 HKAWHKAM LABAU 4:10

Rai ti mung Yabet chyawm gaw Israela Karai Kasang hpe, “Karai Kasang e, ngai hpe shaman ya e, ngai hpe lamu ga dam lada jat ya e. Ngai hte rau a nga nga nna ngai hpe machyi hkra shangun ai n hkru n kaja ai lam hta na makawp maga la e law,” ngu nna hpyi wu ai. Shi hpyi ai hte maren, Karai Kasang jaw ya nga ai.

SHAKAWN KUNGDAWN 120:1

Ngai ru tsang hkrum nga ai shaloi, dai Madu hpe ngai shaga ai hte ngai hpe shi htan ya ni ai.

PRU MAT 2:10

Hpang e ma dai loi mi kaba wa ai shaloi, shi gaw dai ma hpe hkawhkam shayi sha hpang de woi sa ai rai nna shi hpe shi a shadang sha majing zawn hkap shatai la wu ai. Hkawhkam shayi sha shi nan, “Ngai shi hpe hka hta na shaw la ai re majaw shi hpe Mawshe ngu nna shamying na nngai,” ngu nna myit wu ai.

PRU MAT 2:22

shi gaw shadang sha langai shangai ya wu ai. Mawshe gaw shi a kraw kata e, “Ngai gaw ndai mung e maigan masha langai mi rai nga nngai majaw ngai shi hpe Gershom ngu na nngai,” ngu nna tsun wu ai.

MAHTE 1:21

Shi gaw shadang sha shangai na ra ai rai nna, nang shi a mying hpe, Yesu ngu nna shamying lu na rai nga ai; hpa majaw nga yang, shi a amyu hpe tinang a yubak mara kaw na hkye hkrang la na shi rai nga ai,” ngu wu ai.

HEBRE 11:32

Ngai naw matut tsun ra na rai ni? Hpa majaw nga yang, Gidon, Barak, Samson, Yephta, Dawi, Samuela hte myihtoi ni a lam hkai dan na nga yang, nye a aten n dang law nga li ai.