1 SAMUELA 1:19 - Jinghpaw Common Language Bible 2009

¹⁹ Hpang jahpawt e, Elakana hte shi a dinghku masha ni jau jau rawt nna, dai Madu hpe nawku ngut jang, Rama mare na nta de bai wa mat ma ai. Elakana mung shi a madu jan Hana hte kanawn wu ai rai nna dai Madu gaw shi a akyu hpyi ga hte maren htan ya wu ai.

Jinghpaw Hanson Version Bible

¹⁹ Ya shanhte jahpawt jau jau rawt nna, Yehowa hpe nawku ngut jang Rama shara nga ai shanhte a nta de bai wa ma ai: Elakana mung shi a madu jan Hana hte kanawn nna, Yehowa shi hpe dum ya wu ai.

1 SAMUELA 1:19 ပူးပေါင်းရင်းမြစ်များ

NINGPAWT NINGHPANG 21:1

Dai Madu gaw shi shagrin da sai ga sadi hte maren, Sara hpe shaman ya ai hte shi hta na-um nasin rai wa nna,

NINGPAWT NINGHPANG 30:22

Karai Kasang gaw Rahkela hpe dum wu ai rai nna shi a akyu hpyi ga hpe htan ya ai hte kashu kasha shaprat na lam hpaw ya wu ai.

NINGPAWT NINGHPANG 4:1

Dai hpang Adam gaw shi a madu jan hte kanawn nna, shi hta na-um nasin hkum tai wa sai. Shi gaw shadang sha langai shangai nhtawm, “Dai Madu karum la ai a jaw e, shadang sha langai ngai lu se ai,” nga nna tsun wu ai. Dai rai nna shi gaw dai shadang sha hpe Ka-in ngu nna shamying wu ai.

NINGPAWT NINGHPANG 8:1

Karai Kasang gaw Noa hte shi hte rau sanghpaw li hta rawng nga ai yam nga ni yawng hpe malap kau wu ai n rai; shi gaw nbung wa shangun dat ai rai nna, dai hka gaw yawm hpang wa nga ai.

2 HKAWHKAM 4:17

Rai ti mung Elisha tsun nu ai hte maren, dai aten shaning ladu wa hkrum jang shadang sha langai shangai wu ai.

SHAKAWN KUNGDAWN 119:147

Karum la na matu, jan garai n pru yang, nang hpe ngai shaga nngai; na a ga sadi hpe ngai myit mada nga nngai.

SHAKAWN KUNGDAWN 136:23

Anhte sum mat ga ai shaloi, anhte hpe shi malap kau mi ai n rai; shi a tsaw ra myit htani htana agrin nga ai.

SHAKAWN KUNGDAWN 25:7

Nye a ram prat na shut hpyit ai lam ni hte yubak mara ni hpe, raw dat kau ya e. Madu e, na a dinggrin tsaw ra ai myit hte mai kaja ai myit hta ngai hpe adum nga e law!

SHAKAWN KUNGDAWN 5:3

nang gaw jahpawt manap aten hta nye a nsen hpe na ya nga ndai; jan pru wa yang mung nye a akyu hpyi ga hpe ngai sak jaw nna, na a mahtai hpe ala nga nngai.

SHAKAWN KUNGDAWN 55:17

Jahpawt manap, shani ka-ang hte shana na aten ni hta, nye a hpyi aput ai hte madai ai nsen gaw shi kaw hkrang lung wa ai; shi gaw nye a nsen hpe na ya na ra ai.

MARKU 1:35

Hpang jahpawt manap jau jau e, nhtoi garai n htoi yang shi yup rawt nna nta na pru mat wa ai. Shi gaw mare kata na pru nhtawm machyi shim ai shara de sa wa nna dai yang e akyu hpyi nga ai.

LUKA 23:42

Shing nga nhtawm shi gaw, “Yesu e, hkawhkam hku nna du sa ai shaloi, ngai hpe dum rit law!,” ngu nna hpyi wu ai.

YAWSHU 18:25

Bai Gibeon, Rama, Berot,

1 SAMUELA 1:1

Ehprim amyu bawsang hta na Elakana mying ai wa langai mi gaw Ehprim bum ga na Rama mare hta nga nga ai. Shi gaw Zuhpa lakung lama na Tohu a dinghku hte seng ai Elihu a kashu, Yeroham a kasha rai nga ai.

1 SAMUELA 1:11

Hana chyawm gaw dagam ga sadi hte ning ngu tawn da wu ai: “Chyahtum Chyalai N-gun rawng ai Madu e, na a shangun ma rai nga ai ngai hpe mada yu e law! Nye a ru yak tsin-yam tsindam hpe mu ya nna ngai hpe dum nga u law! Ngai hpe hkum malap kau et! Nang ngai hpe shadang sha jaw n yang gaw shi a kara galoi mung n doi kau ya ai sha, shi a prat dingsa, nang hpe ap ya na nngai, ngu nna ngai ga sadi jaw nngai.”

1 SAMUELA 15:34

Dai hpang, Samuela gaw Rama de wa nna, Shawlu mung Gibea na shi a dum nta de wa mat wa wu ai.

1 SAMUELA 16:13

Samuela gaw tsanlun sau la nhtawm kahpu ni a man e Dawi hpe namman jaw ya wu ai. Dai shaloi jang, dai Madu a wenyi gaw Dawi hpe up hkang wu ai; dai shani kaw nna shi hte rau arai nga sai. Dai hpang Samuela mung Rama mare de nhtang mat wa wu ai.

1 SAMUELA 19:18

Dawi gaw hprawng lawt mat wa nhtawm Rama e nga ai Samuela kaw du sa let Shawlu shi hpe kaning rai galaw ai lam magup tsun dan wu ai. Dai hpang, shi hte Samuela gaw Nayut de sa mat wa nhtawm dai yang e sa nga nga ma ai.

1 SAMUELA 2:11

Dai hpang, Elakana gaw Rama shara e nga ai shi a nta de nhtang mat wa ti mung, ma Samuela chyawm gaw Shilo mare e nga let, hkinjawng Eli a npu hta nga nhtawm dai Madu hpe daw jau nga ai.

1 SAMUELA 25:1

Samuela si mat sai rai nna, Israela amyu masha ni yawng zup hpawng nna shi a matu sharung shayawt nga ma ai. Dai hpang shi hpe Rama shara na shi a nta e makoi mayang ma ai. Dai amu ngut ai hpang, Dawi gaw Paran nam mali de rawt sa mat wa wu ai.

1 SAMUELA 7:17

Dai hpang, Rama mare na shi a dum nta de nhtang wa nhtawm dai kaw mung tara agyi amu wa galaw ya nga ai. Shi gaw dai Madu a matu tawn hkungri langai Rama mare e gaw da nga ai.

1 SAMUELA 8:4

Dai hpang, Israela ningbaw ni yawng jawm hkrum zup nhtawm Rama e nga ai Samuela hpang de sa nna,

1 SAMUELA 9:26

shi yup nga ai. Jahpawt nhtoi htoi wa ai aten hta, Samuela gaw nta ntsa htap e nga ai Shawlu hpe, “Rawt u, nang hpe ngai shabawn dat na we ai,” ngu nna shaga dat wu ai. Shaloi Shawlu rawt nna Samuela hte rau nmaw lam de pru wa ma ai.