1 SAMUELA 1:11 - Jinghpaw Common Language Bible 2009

¹¹ Hana chyawm gaw dagam ga sadi hte ning ngu tawn da wu ai: “Chyahtum Chyalai N-gun rawng ai Madu e, na a shangun ma rai nga ai ngai hpe mada yu e law! Nye a ru yak tsin-yam tsindam hpe mu ya nna ngai hpe dum nga u law! Ngai hpe hkum malap kau et! Nang ngai hpe shadang sha jaw n yang gaw shi a kara galoi mung n doi kau ya ai sha, shi a prat dingsa, nang hpe ap ya na nngai, ngu nna ngai ga sadi jaw nngai.”

Jinghpaw Hanson Version Bible

¹¹ Shi gaw, “Zaw nawng zaw wa up ai Yehowa e, Na mayam jan hpe n malap kau ai sha, na mayam jan a matsan shagoi hpe mada mara dum ya nna, na a mayam jan hpe shadang sha jaw n yang gaw, shi a kara galoi mung n doi ya ai sha, shi a prat dingsa, nang Yehowa hpe ap ya na nngai,” ngu nna shaka hpyi wu ai.

1 SAMUELA 1:11 ပူးပေါင်းရင်းမြစ်များ

NINGPAWT NINGHPANG 28:20

Dai shara hpe Yaku gaw dai Madu hpe, “Nye wa a nta de shim lum ai hte ngai bai nhtang wa lu hkra,

NINGPAWT NINGHPANG 29:32

Lea hta na-um nasin hkum tai wa nna shadang sha langai shangai wu ai. Lea gaw, “Madu nye a tsin-yam tsindam hpe mu ya nu ai. Ya chyawm gaw nye madu wa ngai hpe tsaw ra lu na nu ai,” ngu nna tsun wu ai. Shing rai shi hpe Rubin ngu nna shamying wu ai.

NINGPAWT NINGHPANG 30:22

Karai Kasang gaw Rahkela hpe dum wu ai rai nna shi a akyu hpyi ga hpe htan ya ai hte kashu kasha shaprat na lam hpaw ya wu ai.

NINGPAWT NINGHPANG 8:1

Karai Kasang gaw Noa hte shi hte rau sanghpaw li hta rawng nga ai yam nga ni yawng hpe malap kau wu ai n rai; shi gaw nbung wa shangun dat ai rai nna, dai hka gaw yawm hpang wa nga ai.

2 SAMUELA 16:12

Dai Madu gaw nni nkri lam hpe yu matsing nhtawm, shi matsa ai a marang e, ngai hpe shaman chyeju nkau mi jaw ya nhten,” ngu nna tsun wu ai.

SHAKAWN KUNGDAWN 25:18

Nye a myit ru myit tsang lam hte nni nkri lam ni hpe myit sawn ya e, nye a yubak ni yawng hte hpe mung dat kau ya e.

PRU MAT 4:31

Dai Madu mung shanhte kaw du sa nna shanhte kade mazut ai hku adip arip hkrum sha nga ma ai hpe mu mada ya nu ai lam hpe shanhte na ma ai shaloi, kam sham ai hte gum dagup nna nawku ma ai.

GA SHAGAWP 31:2

Shi gaw, “Nang gaw nye a tsaw ra ai, nye a akyu hpyi ga hte maren, lu la ai kasha rai nga ndai. Ngai nang hpe hpa hte seng ai lam tsun na rai ta?

HPAJI NINGLI 5:4

Dai rai nna, Karai Kasang hpe ga sadi jaw ai shaloi, dai hpe lawan lu ai daram lawan nna shatup u. Shi gaw angawk ai wa hpe akyu jashawn ai n rai. Galaw na ngu ga sadi tawn ai amu hpe galaw u.

JAW JAU 27:2

Israela amyu masha ni a matu hkan sa na tara jaw ya wu ai. Kadai rai ti mung dai Madu hta ap nawng ya na matu laksan ga shaka shatup na nga, jaw ya ai shaloi ndai gumhpraw chyarang hte maren jaw yang, dai wa gaw shalawt dat ai hkrum na rai wu ai.

BU HKAWM 21:2

Dai hpang Israela amyu masha ni dai Madu hpe, “Ndai masha ni hpe dang shangun mi ai rai yang, shanhte hte shanhte a mare ni hpe nang Madu kaw ap ya nna, la hpa shara n nga mat hkra akrin atsai jahten kau na ga ai,” ngu nna dagam ma ai.

BU HKAWM 6:11

Si mang hpe sa hkra wu ai majaw hkinjawng wa gaw htingrai hkungga a matu langai, wan nat hkungga a matu langai nawng ya nhtawm shi a matu san seng ai amu galaw ya na rai wu ai.

BU HKAWM 6:5

Nazari tai na ga shaka tawn da ai nhtoi hte yang, shi a kara rep shangun lu na n rai. Dai Madu a matu ap nawng tawn ai aten tup a matu ga shaka hte masat da ai laman shi a kara madat da na rai wu ai.

BU HKAWM 6:8

Shi gaw Nazari rai nga dingsa dai Madu a matu ap nawng na rai wu ai.

TARA AGYI 11:30

Yephta gaw dai Madu hpe, “Amon masha ni hpe gasat dang lu ai awng padang nang ngai hpe jaw ai rai yang,

TARA AGYI 13:5

na a shadang sha shangai ai hpang, shi a kara hpe nang galoi mung rep ya lu na n rai; hpa majaw nga yang, shi shangai wa ai shani kaw nna Nazari langai zawn Karai Kasang hta ap nawng da hkrum nga nu ai. Shi gaw Israela hpe Hpilisti masha ni a lata kaw na hkye mawai la ai amu galaw hpang na ra ai.

1 SAMUELA 1:12

Hana gaw dai Madu kaw aten na na matut nna akyu hpyi nga ai rai nna, Eli gaw shi a nten galem ai hpe azi yu nga ai.

1 SAMUELA 1:19

Hpang jahpawt e, Elakana hte shi a dinghku masha ni jau jau rawt nna, dai Madu hpe nawku ngut jang, Rama mare na nta de bai wa mat ma ai. Elakana mung shi a madu jan Hana hte kanawn wu ai rai nna dai Madu gaw shi a akyu hpyi ga hte maren htan ya wu ai.

1 SAMUELA 1:22

Rai ti mung, ndai lang hta chyawm gaw Hana n hkan nang wu ai. Shi gaw shi a madu wa hpe, “Ma chyu hka ai hte rau shi a prat tup wa shanu nga na dai Madu a nta de shi hpe woi lung wa na nngai,” ngu nna tsun wu ai.

1 SAMUELA 1:27

Ndai ma hpe ngai hpyi se ai rai nna ngai hpyi ai hte maren ngai hpe jaw ya nga ai.

1 SAMUELA 1:28

Dai rai nna, dai Madu a lata de shi hpe ngai ap nawng ya nga nngai. Shi ahkrung nga dingsa dai Madu a matu rai nga na rai wu ai,” ngu nna tsun wu ai. Dai hpang, dai yang e dai Madu hpe shanhte nawku ma ai.

1 SAMUELA 2:20

Dai hpang, Eli gaw Elakana hte shi a madu jan hpe shaman ya na wu ai rai nna shi hpe, “Shi kaw nang ap nawng da nit dai kasha a malai num ndai hta kaga kashu kasha ni, dai Madu nang hpe jaw ya nga u ga law,” ngu nna tsun wu ai. Dai hpang, nta de shanhte nhtang mat wa ma ai.