1 PETRU 5:8 - Jinghpaw Common Language Bible 2009

⁸ Nanhte htauli htaula rai nga mu! Nanhte a hpyen wa ngu ai Satan gaw, kadai hpe kawa mayu sha kau lu na i? nga nna shabam ai hkanghkyi zawn ningwan hkawm nga ai.

Jinghpaw Hanson Version Bible

⁸ Nanhte htauli htaula rai nga mu; a maja nga mu; nanhte a gumlau wa ngu ai, Nat gaw, kadai wa hpe mahtang mayu kau lu na, nga nna shabam ai hkanghkyi zawn, ningwan kahkrang hkawm nga ai.

1 PETRU 5:8 ပူးပေါင်းရင်းမြစ်များ

ESHTA 7:6

Eshta gaw, “Anhte a gumlau hpyen, anhte hpe zingri ai wa gaw ndai n hkru ai Haman nan rai nga ai,” ngu nna htan wu ai. Shaloi Haman gaw hkawhkam wa hpe azi yu let hkawhkam jan a man e hkrit gari nga ai.

YOBA 2:2

Dai Madu gaw shi hpe, “Nang kade nna du pru n ta?,” ngu nna san wu ai. Satan gaw, “Wo de, le de kahkrang hkawm let ga ntsa e wam hkawm nngai,” ngu nna htan wu ai.

SHAKAWN KUNGDAWN 104:21

Hkanghkyi hkalung ni shan hpe gyam ai shaloi, shabam nga ma ai; shanhte gaw Karai Kasang jaw ya ai lusha ni hpe hkan tam nga ma ai.

SHAKAWN KUNGDAWN 109:6

Nye a gumlau hpyen wa hpe tara jeyang na matu gumhpraw marin ai tara agyi ni hpe lata san da u, shi a gumlau hpung kaw na marai langai ngai shi hpe mara shagun ai wa tai shangun u.

GA SHAGAWP 19:12

Hkawhkam wa a masin kahtet ai gaw hkanghkyi shabam ai zawn rai nga ai; shi a chyeju myit gaw marang nhpaw hte bung nga ai.

GA SHAGAWP 20:2

Shabam nga ai hkanghkyi hpe zawn masin pawt ai hkawhkam wa hpe hkrit nga u; shi hpe shapawt ai gaw tinang hkum sat si ai lam rai nga ai.

GA SHAGAWP 28:15

N hkru ai mung du wa a man e, matsan mayan masha ni gaw karum la masha n lu nga ma ai; Dai wa gaw, shabam ai hkanghkyi hte lagyim hkawm ai tsap hte maren, hkrit tsang ra ai wa rai nga ai.

ESAIA 50:8

Karai Kasang gaw ani sha nga nga ai majaw, shi gaw ngai hpe mara n kap ai wa hku sakse madun na ra ai. Kadai wa ngai hpe mara tam dangrang gwi nga a ta? Tara rung de anhte rau sa ga! Shi gaw shi a mara shagun ai lam shawng u ga!

YEREMIA 2:15

Shanhte gaw hkanghkyi ni zawn shi hpe shabam ma ai; shanhte gaw shi a mungdan hpe zaibru jang shatai kau ma ai, shi a mare ni gaw hten run taw mat nna tsep kawp kabai kau nga masai.

YEREMIA 51:38

Babelon mung masha ni yawng gaw hkanghkyi ni zawn shabam nna, hkanghkyi hkalung ni zawn nying na mara ai.

EZEKELA 19:7

Shi gaw hpyen dap ni hpe agrawp jahten kau nna mare ni hpe jahten sharun kau nu ai. Shi shabam ai aten shagu, mungdan masha ni hkrit gari nga ma ai.

EZEKELA 22:25

Dai ningbaw ni gaw shabam nna ashan ni hpe amya sat kau ai hkanghkyi ni zawn rai ma ai. Shanhte gaw amyu masha ni hpe sat shamyit kau nhtawm gumhpraw hte sut gan mahkra hpe dang lu ai daram hta la ma ai, shanhte galaw ai masha sat amu ni a majaw, gaida law law shabyin shangun ma ai.

Daniela 6:24

Dai hpang hkawhkam wa gaw Daniela hpe mara shagun ai ni yawng hpe rim la na matu hkang dat wu ai. Shanhte hte rau shanhte a madu jan ni hte ma ni hte hpawn hkanghkyi ni hte hpring ai nhkun kata de kabai bang kau ai hkrum ma ai. Dai ni nhkun htumpa de garai n du ai kaw nna pyi shanhte hpe hkanghkyi ni htim amya nna shanhte a nrut nra ni hpe agrawp daw kau ya ma ai.

HOSEA 11:10

“Shanhte a gumlau hpyen ni hpe hkanghkyi zawn ngai marawn shabam dat ai shaloi, nye a amyu masha ni nye a hpang de hkan nang na mara ai. Shanhte gaw sinna maga de nna ngai hpang de tin tin du na mara ai.

HOSEA 13:8

Ngai gaw nanhte hpe kasha shamat kau ai tsap kanu zawn htim gasat nna nanhte hpe gang je mahka kau na nngai. Hkanghkyi zawn htim ai shara hta nan mayu sha kau nhtawm matse labye dusat ni zawn nanhte hpe amya je kau na made ai.

YOELA 3:16

Dai Madu gaw Ziun Bum kaw nna shabam dat nhtawm, shi a nsen Yerusalem kaw na ngoi kadu nga ai; Ginding aga hte sumsing lamu gari ashun nga ai. Rai ti mung, shi gaw shi a amyu masha ni hpe makawp ninggang tai ya na ra ai.

AMO LAIKA (AMOS) 1:2

Amo gaw, “Dai Madu gaw Ziun Bum kaw na shabam nga ai; shi a nsen hpe Yerusalem kaw na sharawt dat nga ai. Udat shara ni hkun hkraw mat nna Hkarmela Bum ntsa na tsing nyui mat nga ai,” nga nna tsun wu ai.

AMO LAIKA (AMOS) 3:4

Hkanghkyi gaw nam maling kata e htim na shan shi n mu yang shabam ga a ni? Hkanghkyi uram gaw shahpa n lu rim yang, shi a nhkun kata e nying ga a ni?

AMO LAIKA (AMOS) 3:8

Hkanghkyi shabam ai shaloi, n hkrit ai wa kadai nga lu a ta? Tsaw Htum ai dai Madu shaga yang, myihtoi n htoi na kadai wa rai nga a ta?

ZEHKARIA 11:3

Mung up salang ni jahtau let yawn ma ai; shanhte a hpung shingkang htum mat manu ai! Hkanghkyi ni a shabam ai nsen hpe madat u; Yawdan hka mayan hku na shanhte a maling nta hten za mat sai!

ZEHKARIA 3:1

Dai Madu gaw ngai hpe kaga shingran hta Hkinjawng Kaba Yawshu dai Madu a lamu kasa a man e tsap nga ai hpe madun dan nga ai. Yawshu a makau e, shi hpe mara shagun na matu Satan wa tsap nga ai.

MAHTE 13:39

Dai hpe gat ai gumlau wa gaw, nat rai nga ai; nmut ta gaw lamu ga htum na aten rai nga ai, mam dan ai ni gaw, lamu kasa ni rai nga ma ai.

MAHTE 24:42

“Dai rai nna, nanhte a Madu gaw gara shani e du sa na hpe nanhte n chye myit dai majaw, amaja nga mu.

MAHTE 25:41

“Dai hpang, shi a pai maga de nga ai ni hpe, ‘Dagam dala hkrum ai ni e, ngai kaw na hka mat wa mu! Nat gumlau hte shi a salung sala ni a matu lajang da ai n htum n wai wan de shang wa mu!

MAHTE 4:1

Dai hpang Nat e gunglau ai hkrum u ga, dai Wenyi gaw Yesu hpe nam mali de woi bang wa nu ai.

MAHTE 4:11

Shaloi jang dai Nat gaw shi kaw na pru mat wa nna, lamu kasa ni du nna shi hpe galaw daw mu ai.

MARKU 4:15

Masha nkau mi gaw lam hkan e hkrat taw ai nli tum ni hte bung nga ma ai, shanhte dai mungga hpe na la ai shaloi jang, Satan wa sa du nna shanhte hta gat da ai mungga hpe shaw la kau ya mu ai.

LUKA 21:34

“Nanhte gaw, lu lai, sha lai, chyaru nang ai, dinghta asak hkrung lam a matu myit ru myit tsang ai lam ni hte nanhte hpe n ka-up dang kau u ga, sadi hte nga nga mu. Dai n rai yang, dai tara dawdan ai nhtoi gaw mahkam htim ai zawn nanhte a ntsa e akajawng sha dan pru na ra ai.

LUKA 21:36

Nanhte gaw dai byin wa na ra ai lam ni yawng hpe lai di nna lawt lu na n-gun atsam lu la myit ga hte Masha Kasha a man e tara daw dan hkam na matu tsap lu ging ai ni tai lu myit ga akyu hpyi nga let amaja nga mu,” ngu mu ai.

LUKA 22:31

“Simun, Simun! Madat yu u! Nanhte hpe kaja ai hte n kaja ai garan ginhka na matu hkauna galaw ai wa gaw hkaulan mam hpe numhkaw hte mam gu hking ginhka ai zawn, nanhte yawng mayawng hpe jep sagawn na matu Satan wa gaw ahkang lu da nu ai.

YAWHAN 8:44

Nanhte gaw, nanhte a kawa ngu ai gumlau nat a kashu kasha ni rai nga myit dai rai nna, nanhte a kawa a kayut ai hku hkan mayu myit dai. Shi gaw shawng npawt kaw nna, masha sat ai wa rai nga ai rai nna, tengman ai maga de galoi mung n nga ai, hpa majaw nga yang shi hta teng man ai lam n rawng nga ai. Shi gaw masu magaw ai wa langai mi rai nna masu magaw lam yawng a kawa mung rai nga ai majaw, shi a masu ai ga tsun yang, dai gaw shi a shingra myit hte maren tsun ai lam rai nga lu ai.

2 KORINHTU 2:11

Ngai ndai hku galaw ai gaw, Satan wa anhte hpe shawng n nyan sha kau u ga, galaw ai re. Hpa majaw nga yang Satan wa a hpaji daw ai lam hpe anhte n chye ga ai n rai.

EHPESU 4:27

Nat hpe mung, ahkaw ahkang hkum jaw myit.

EHPESU 6:11

Nat e maw ai hkalem hkalau ai lam ni yawng hte hpe nanhte hkap manga kau lu myit ga, Karai Kasang nanhte hpe jaw da ai hpyen hking nlang hpe bu hpun dagraw da nga mu.

1 TIMOHTI 2:15

Rai ti mung numsha langai mi gaw sari sadang rawng nna, makam masham lam, tsaw ra ai lam hte chyoi pra ai lam hta matut nna shakut sharang nga yang gaw shangai shaprat ai a majaw shi hkye hkrang la ai hkrum na ra ai.

1 TIMOHTI 2:9

Numsha ni hpe mung sumnung shingdi ai hte shanhte a bu hpun palawng bu hpun ai lam hta sari sadang rawng ai hku atsawm sha bu hpun shangun mayu nngai. Kara hpe majaw jaw hkri shatsawm ai lam, aja, pale shing n rai manu hpu ging ai hpun palawng re ai ni hte mawn sumli ai lam; n galaw ai sha,

1 TIMOHTI 3:11

Shanhte a madu jan ni mung arawn alai kaja ai ni rai nna shatan nhkan ga tsun n lem ai ni n re ai sha, sari sadang hte hpring nna lam shagu hta myit matu ding ai ni rai lu na rai.

1 TIMOHTI 3:2

Hpung a ningbaw ningla langai mi gaw, mara n kap ai wa, madu jan langai sha lu ai wa, sadi sahka re ai wa, tinang hkum hpe hkang lu ai wa, masa hte hkrak rai nna asak hkrung ai wa, shi a nta hta tsasam manam ni hpe hkap hkalum daw jau na sharawng ai wa; sharin shaga chye ai wa, rai ra ai.

2 TIMOHTI 4:17

Rai ti mung Madu gaw ngai hte rau nga nna ngai hpe n-gun lagaw shaja ya nga ai majaw ngai gaw maigan amyu masha ni yawng na lu hkra dai Kabu Gara Shiga hpe hkum hkum tsup tsup hkaw dan lu u ga, sat kau na daw dan hkrum ai kaw na mawai la ai hkrum ni ai.

TITU 1:8

Shi gaw manam daw ra ai, mai kaja ai lam hpe tsaw ra chye ai wa, tinang hkum hpe hkang chye ai, si si re ai, ding hpring ai, chyoi pra ai, tara hkan ai wa rai ra ai.

TITU 2:12

Anhte gaw anhte a galu kaba ai Karai Kasang ngu ai hkye hkrang la ai Madu Yesu a hpung shingkang dan pru na a lu ai nhtoi hpe ala nga let, tara n hkungga ai myit hte mungkan ga hpe marin marit ai myit hpe kabai kau na matu mung,

TITU 2:2

Asak kaba sai dingla ni hpe chyaru n len ai sha sadi na matu, temsi rai nga na matu, mu mada chye na ya na matu hte tinang hkum hpe hkang lu na matu mung, teng man ai makam masham rawng nga na hte, tsaw ra nna shakut sharang ai lam hta hpring tsup kunghpan nga mu ga mung sharin shaga u.

TITU 2:4

Shing rai Karai Kasang a mungga gaw shatan nhkan n hkrum u ga, shanhte mung tinang ni hta asak naw kaji ai hpawmi ni tinang a madu wa hte kashu kasha ni hpe tsaw ra ai,

TITU 2:6

Dai hte maren shabrang ni mung, tinang hkum hpe hkang nna sari sadang hte nga mu ga, shadum shahprang nga u.

YAKU 4:7

Dai re ai majaw Karai Kasang a npu e taw nga nna shi a myit ra ai lam hkan mu. Satan wa hpe ninghkap gasat kau mu; shing rai yang shi nanhte kaw na hprawng mat na ra ai.

1 PETRU 1:13

Dai re ai majaw, nanhte amu galaw shamu shamawt sa wa na matu nanhte a myit masin ni hpe shajin da mu. Yesu Hkristu dan pru ai shaloi e nanhte hpe jaw ya na ra ai chyeju hpe ung ang ai myit n rawng ai sha amaja nga let tsep kawp myit mada ala nga mu.

1 PETRU 4:7

Arai yawng mayawng a hpang jahtum ai aten gaw ni wa magang ra ai, Dai re ai majaw nanhte gaw akyu hpyi lu na matu tinang hkum hpe hkang da nna su hprang let majen maja nga mu.

SHINGRAN 12:10

Dai hpang sumsing lamu kata na nsen kaba gaw, “Ya anhte a Karai Kasang a hkye hkrang la ai lam du ra ai! Ya Karai Kasang gaw hkawhkam rai nga ai lam shi a atsam madun dan nu ai! Ya shi a Meshia gaw shi a daru magam ahkang aya hpe madun dan nu ai! Hpa majaw nga yang, anhte a hpu nau ni hpe, shani shana anhte a Karai Kasang a man e mara shagun, jahte tam ai wa hpe sumsing lamu kata kaw nna jahkrat kau ai hkrum nu ai.

SHINGRAN 12:12

Dai re ai majaw, sumsing lamu ni hte dai hta rawng nga ai ni e, kabu gara nga mu! Rai ti mung, ginding aga hte nammukdara chyawm gaw dingnye lu ma ai. Hpa majaw nga yang, nat gaw, shi a aten nhtoi loi sha ngam sai hpe chye wu ai majaw, n yun bu let nanhte hpang de yu wa sai,” nga nna tsun ma ai hpe ngai na nngai.

SHINGRAN 12:9

Shaloi, mungkan ting hpe masu hkalem kau ai Nat Satan ngu ai, moi na lapu rai nga ai baren numraw kaba gaw, shi a ali ama ni hte rau ga de jahkrat kau ai hkrum wu ai.

SHINGRAN 20:10

Dai hpang, shanhte hpe hkalem ai Nat mung, wan hte kan grung ai nawng hta jahkrat bang kau ai hkrum wu ai. Dai yang e, dai matse labye hte dai masu ai myihtoi mung, shawng kaw nna rawng nga ma ai. Shanhte gaw shani shana nni nkri hkrum let, htani htana prat dingsa arawng nga lu na mara ai.

SHINGRAN 20:2

Shi gaw, dai Nat Satan rai nga ai, moi na lapu ngu ai baren numraw hpe rim la nna, shaning hkying mi du hkra sharen da na matu gyit hkang wu ai.

TARA AGYI 14:5

Shaloi Samson gaw shi a kanu yan kawa hte rau Timna mare de yu wa ma ai. Shanhte gaw dai yang e nga ai sabyi sun hku lai yu wa nga ma yang hkanghkyi uram langai shabam nga ai hpe shi na wu ai.