1 PETRU 5:7 - Jinghpaw Common Language Bible 2009

⁷ Nanhte a myit tsang ai nlang hte hpe shi hta kabai ap da mu; hpa majaw nga yang shi gaw nanhte hpe lanu lahku tsang ya nga ai.

Jinghpaw Hanson Version Bible

⁷ shi nanhte hpe myit dum ya nga ai majaw, nanhte a myit ru myit tsang ai nlang hte nan, shi a ntsa e kabai mara da mu.

1 PETRU 5:7 ပူးပေါင်းရင်းမြစ်များ

SHAKAWN KUNGDAWN 34:15

Dai Madu gaw ding hpring ai ni hpe mada mara nga nna; shanhte a hpyi jahtau ai nsen ni hpe madat ya nga ai.

SHAKAWN KUNGDAWN 37:5

Na hkum dai Madu hpe ap ya u; shi hta kam hpa nga u, nang hpe shi karum la na ra ai.

SHAKAWN KUNGDAWN 40:17

Madu e, ngai gaw gawng kya nga nngai hte matsan mayan re ai wa rai nga nngai, rai ti mung, nang gaw ngai hpe malap kau nga ndai n rai. Nang gaw nye a hkye hkrang la ai wa hte nye a Karai Kasang rai nga ndai- ngai hpe karum la na tin tin du rit law!

SHAKAWN KUNGDAWN 55:22

Na a ru yak tsin-yam ni hpe Madu hta tawn da u, shi nang hpe makawp maga la na ra ai; ding hpring ai masha ni hpe shi galoi mung sum shangun nga ai n rai.

GA SHAGAWP 16:3

Na a bungli masing hta chyeju hpe hkam la lu na matu, dai Madu hpe hpyi nem u; shing rai yang nang galaw ai amu lamang ni hta awng dang wa na ra ai.

MAHTE 6:27

Nanhte hta na kadai rai ti mung, myit tsang ai hte tinang a prat hpe loi mi galu jat shangun lu myit ni?

MAHTE 6:28

“Bai hpun palawng ni a matu hpa rai myit tsang nga myit ta? Nam na nampan ni kaning rai tu kaba wa ma ai hpe yu nna myit sumru yu nga mu; shanhte gaw magan bungli mung n galaw, shanhte a hpun palawng a matu ri mung n ri ma ai.

MAHTE 6:31

Dai re ai majaw anhte hpa sha na, hpa lu na, hpa bu hpa hpun na i? nga nna myit hkum ru hkum tsang nga myit.

MARKU 4:38

Yesu chyawm gaw li mai de bunghkum langai mi hkum nna yup pyaw taw nga ai. Sape ni gaw Yesu hpe jasu nna, “Sara e, anhte si wa hkyen nga ai hpe nang hpa n nawn nga n ni?,” ngu nna tsun mu ai.

LUKA 12:22

Dai hpang Yesu gaw sape ni hpe, “Dai re ai majaw, ngai nanhte hpe tsun made ga, hpa lu hpa sha na nga nna asak a matu, hpa bu hpa hpun na nga nna hkum hkrang a matu hkum tsang nga myit.

LUKA 12:26

Kaji htum ai lam langai mi hpe pyi n di lu myit dai rai yang, kaga lam ni hpe hpa rai myit tsang nga myit ta?

YAWHAN 10:13

Dai nchyang wa gaw, nchyang sha rai nga ai majaw, sagu ni a matu n tsang ai, hprawng mat wa ai.

HPILIPI 4:6

Hpa lam hta mung myit hkum ru hkum tsang nga myit; lam shagu hta akyu hpyi nna tawng ban ai hte chyeju dum ai myit masin hte shakawn kungdawn let nanhte a ra mara hpe Karai Kasang kaw shana ya mu.

1 SAMUELA 30:6

Dawi a masha ni gaw shanhte a kashu kasha ni mat mat nna shanhte yawng ahkup ahka nga ai hte shi hpe nlung hte kabai sat na nga jahkrit sharim ma ai majaw, dai aten hta Dawi gaw ru tsang kaba hkrum sha nga wu ai; rai ti mung dai Madu shi a Karai Kasang mung shi hpe nden marai jaw ya wu ai.