1 PETRU 5:6 - Jinghpaw Common Language Bible 2009

⁶ Dai re ai majaw Karai Kasang gaw shi a ram ging hkrak dum ai aten du jang nanhte hpe shagrau shatsaw dat myit ga, Karai Kasang a n-gun atsam rawng ai lata a npu e nanhte a hkum hpe shagrit shanem nna nga mu.

Jinghpaw Hanson Version Bible

⁶ Dai rai nna, Karai Kasang gaw ram ging ai aten e, nanhte hpe shagrau shatsaw dat myit ga, shi a n-gun rawng ai lata npu e, tinang dai myit anem nga mu:

1 PETRU 5:6 ပူးပေါင်းရင်းမြစ်များ

1 HKAWHKAM 21:29

Ahab shi hkum nan gade wa shagrit shanem da wu ai hpe nang yu matsing nga n ni? Ndai amu hpe shi galaw kau tim, shi a prat hta shi a ntsa e tsin-yam tsindam shabyin dat na we ai n rai; dai gaw shi a kasha a prat hta mahtang, Ahab a dinghku ntsa e tsin-yam tsindam shapraw dat na we ai,” ngu nna tsun wu ai.

2 HKAWHKAM 22:19

nang myit malai nna nye a man e nang hkum nan shagrit shanem ai myit hte na a hpun palawng ni hpe gang je kau nhtawm hkrap ngu hkrap ngoi nga ndai majaw Yerusalem mare hte dai hta nga ai amyu masha ni hpe ari jaw na matu ngai kaning ngu jahkrit shama ai hpe nang na nit dai. Ngai gaw dai mare hpe hkrit hpa mada mu shara shatai kau nna dai shara a mying hpe dagam dala ai hku masha ni tsun lang na mara ai, rai ti mung na a akyu hpyi ai ga hpe ngai na ya se ai majaw,

2 HKAWHKAM LABAU 12:12

Shi gaw dai Madu hpe shi hkum shi shagrit shanem let ap ya nu ai majaw dai Madu a pawt sindawng ai gaw shi hpe atsai awai n shamyit kau wu ai rai nna Yuda mung a matu ngamu ngamai lam ni naw nga nga ai.

2 HKAWHKAM LABAU 30:11

Ti mung, Ashe, Manashe hte Zebulun amyu bawsang ni hta na masha nkau mi mahtang Yerusalem mare de sa wa na lam ra sharawng nga ma ai.

2 HKAWHKAM LABAU 32:26

Rai ti mung hpang jahtum e chyawm gaw Hezekia hte Yerusalem mare masha ni shanhte hkum hpe shagrit shanem ma ai rai nna dai Madu mung Hezekia si mat ai hpang du hkra amyu masha ni hpe ari n jaw da wu ai.

2 HKAWHKAM LABAU 33:12

Shi nni nkri hkrum wu ai majaw shagrit shanem ai myit hte dai Madu shi a Karai Kasang hpang de kayin wa nhtawm hpyi nem wu ai.

2 HKAWHKAM LABAU 33:19

Hkawhkam wa a akyu hpyi ga hte dai hte seng ai Karai Kasang a mahtai, shi myit malai garai n lu yang, n hkru ai amu galaw nna shi shut hpyit kau ai yubak mara ni a lam, tara maigan masha ni nawku ai shara ni, shi tawk galaw ai Ashera karai num a hkrang sumla ni hte shi nawku ai hpara sumla ni yawng a lam hpe Myihtoi ni a Labau Laika hta ka matsing da nga ai.

2 HKAWHKAM LABAU 33:23

Rai ti mung shi a kawa hte n bung ai sha, n shagrit shanem ai hte dai Madu hpang de n kayin wa nga ai. Shi gaw kawa hta pyi grau sawng hkra yubak mara shut hpyit nga ai.

2 HKAWHKAM LABAU 36:12

Shi mung dai Madu hpe shut hpyit kau nna dai Madu a mungga htawn tsun ai myihtoi Yeremia a ga hpe myit nem ai hte madat ai n rai.

YOBA 36:22

Karai Kasang a daru magam n-gun kade kaba nga ai hpe dum u; shi gaw yawng hta kaba htum ai sara rai nga ai.

SHAKAWN KUNGDAWN 75:10

Tara n lang ai ni a n-gun atsam hpe shi shadaw kau ya na ra ai; rai ti mung, ding hpring ai ni a daru magam n-gun hpe chyawm gaw shi rawt jat kaba shangun na ra ai law.

SHAKAWN KUNGDAWN 89:13

Nang gaw daru magam n-gun kade wa kaba nga lit hka! na a n-gun kade wa galu kaba nga lit hka!

PRU MAT 10:3

Dai rai nna Mawshe yan Arun gaw hkawhkam wa kaw shang nna shi hpe, “Hebre masha ni a Madu Karai Kasang mahtang, ‘Nang gaw galoi aten du hkra nye a ga n madat na ngu nga n ta? Nye a amyu masha ni hpe sa wa shangun u, shaloi shanhte ngai hpe nawku lu na rai ma ai.

PRU MAT 3:19

Egutu hkawhkam wa chyawm gaw n-gun kaba hte shadut n hkrum hkrum gaw nanhte hpe sa wa shangun na n rai nga ai gaw ngai chye nngai.

PRU MAT 32:11

Rai ti mung, Mawshe mahtang dai Madu shi a Karai Kasang hpe, “Madu e, chyalai n-gun kaba, daru magam n-gun hte Egutu mung kaw na nang hkrang shaw wa ai na a amyu masha ni hpe hpa majaw masin grai pawt nga n ta?

GA SHAGAWP 29:23

Myit tsaw myit dap ai gaw nang hpe hkrat sum shangun ti mung, nang mahtang shagrit shanem nga ai wa rai yang chyawm gaw hkungga ai hpe nang hkam la lu na ra ai.

ESAIA 2:11

Masha a gumrawng gumtawng ai gaw htum mat wa nna masha a myit tsaw myit dap ai gaw jahten kau ai hkrum na ra ai nhtoi gaw du wa nga sai. Dai hpang dai Madu chyu sha shagrau shatsaw ai hkrum na ra ai.

ESAIA 40:4

Kadit shagu hpe jahpring mu; bum shagu hpe shara mu. Kawng ni gaw pa layang tai mat nna rawk marak re ai mungdan gaw pri tsawm mat na ra ai.

ESAIA 57:15

“Ngai gaw htani htana agrin nga ai matsaw ntsa na chyoi pra ai Karai Kasang rai nga nngai. Ngai gaw tsaw nna chyoi pra ai shara hta nga nngai, rai ti mung ngai gaw shagrit shanem ai hte myit malai lu ai ni hte rau mung nga nngai, shaloi ngai gaw shanhte a kam hpa shara hte myit mada shara hpe bai jaw ya lu nngai.

YEREMIA 13:18

Dai Madu gaw ngai hpe, “Shanhte a htoi kabrim tsawm htap ai janmau ni di hkrat mat mu ai majaw, shanhte a magam tingnyang ni kaw na yu na matu, hkawhkam wa hte shi a kanu hpe tsun u.

YEREMIA 44:10

Rai ti mung, nanhte gaw dai ni du hkra nanhte a hkum hpe shagrit shanem nga myit dai n rai. Nanhte gaw ngai hpe hkrit hkungga nga myit dai n rai; nanhte hte nanhte a nji nwa ni hpe ngai jaw da sai tara ni yawng hte maren, hkan sa shadik shatup nga myit dai n rai.

EZEKELA 17:21

Shi a magrau grang htum ai hpyenla ni gaw majan pa hta sat kau ai hkrum na mara ai, naw ngam nga ai ni gaw man ang ai shara de shaden kau ai hkrum na mara ai. Dai shaloi, dai Madu ngai nan tsun ni ai hpe nang chye lu na rai ndai.”

EZEKELA 21:6

“Si chye ai masha wa e, na a myit masin gaw myit daw myit hten nga ai zawn madai nga u. Masha shagu nang hpe mu mada ai shara ni hta yawn hkyen ai hte madai nga u.

Daniela 5:22

“Rai ti mung, shi a shadang sha rai nga ai nang chyawm gaw dai lam yawng mayawng hpe chye nga ti mung, nang nan shagrit shanem nga ndai n rai.

JAW JAU 26:41

ngai hte nhtan shai shangun sai majaw shanhte a gumlau hpyen ni a mung de sa kau dat ai hpe shanhte yin la na mara ai. Hpang jahtum e, nanhte a amyu matu ni shagrit shanem ai hte shanhte a yubak mara hte gumlau ai amu a ari hpe hkam la ai shaloi,

MIHKA 6:8

N rai law, dai Madu gaw anhte hpe mai kaja ai amu galaw na matu she hkang da sai. Anhte kaw na shi hpyi ai gaw ndai lam rai nga ai: “Teng man ai amu galaw na lam, dinggrin tsaw ra myit madun dan na lam, anhte a Karai Kasang hte kanawn mazum ai hta myit grit myit nem hte asak hkrung hkawm nga na lam ni hpe sha, shi hpyi nga ai.”

MAHTE 23:12

Kadai rai ti mung, tinang hkum hpe shagrau ai wa gaw, grit nem mat wa na ra ai, tinang hkum hpe shagrit ai wa chyawm gaw, shagrau shatsaw ai hkrum na ra ai.

LUKA 1:52

Shi gaw n'gun atsam rawng ai hkawhkam ni hpe jahkrat kau nna, myit gyip grit nem nga ai ni hpe shagrau ya nu ai.

LUKA 14:11

Tinang hkum hpe shagrau shatsaw ai wa kadai mung, shagrit kau ai hkrum na ra ai; tinang hkum hpe shagrit ai wa kadai mung, shagrau shatsaw ai hkrum na ra ai,”

LUKA 18:14

Ngai nanhte hpe tsun made ga, Hparishe n re ai sha kang hta ai wa gaw Karai Kasang a man e, jaw ai hku galaw nna nta de wa lu nu ai. Hpa majaw nga yang, tinang hkum hpe shagrau ai wa kadai mung shagrit kau ai hkrum nna, tinang hkum hpe shagrit ai chyawm gaw shagrau ai hkrum na ra ai,” ngu mu ai.

ROMA 5:6

Anhte kam hpa na shara kata nga ga yang Hkristu gaw Karai Kasang ladaw da ai ahkying hta tara n hkungga ai, n hkru n kaja ai ni a matu si hkam sai.

1 KORINHTU 10:22

Shing n rai anhte gaw dai Madu hpe manawn masham rai shangun mayu nga ga ni? Anhte gaw dai Madu hta grau n-gun ja ai ni rai nga ga ai ngu nna myit nga ga ni?

TARA JAHPRANG 32:35

Dai Madu gaw shanhte hpe matai htang nna, ari jaw na rai wu ai; shanhte hkrat sum ai aten du wa nna, kyindut hkrum na nhtoi ni wa nga sai.

1 TIMOHTI 2:6

Shi gaw masha amyu yawng hpe hkye hkrang la na matu shi hkum nan lala hpe ap kau nu ai; Dai gaw anhte aten ladaw du jang Karai Kasang gaw masha hpe hkye hkrang la mayu ai sakse madun ai lam rai nga ai.

TITU 1:3

Shing rai aten ladaw hkrak jaw ai shaloi dai htani htana asak hpe shi a mungga hta shapraw shadan wu ai. Dai mungga ngai hpe ap ya ni ai rai nna, anhte a hkye hkrang la ai Madu a hkang da ai ga hte maren, dai hpe ngai hkaw tsun nngai.

YAKU 4:10

Nanhte gaw nanhte a hkum hpe dai Madu a man e shagrit shanem nga mu; shing rai yang shi nanhte hpe shagrau shatsaw na marin dai.

YAKU 4:7

Dai re ai majaw Karai Kasang a npu e taw nga nna shi a myit ra ai lam hkan mu. Satan wa hpe ninghkap gasat kau mu; shing rai yang shi nanhte kaw na hprawng mat na ra ai.

YAKU 5:10

Nye a hpu nau ni e, Madu a mying ningsang hte htawn tsun ai myihtoi ni a lam hpe myit dum sum ru yu mu; nni nkri hkrum ai shaloi myit galu ai hte hkam sharang ai hpe kasi ningli la mu.