1 PETRU 5:5 - Jinghpaw Common Language Bible 2009

⁵ Dai hte maren, Brang ram ni e, asak kaba sai myit su ni a npu e taw nga lu na rai myit dai. Nanhte shada da daw jau na matu, nanhte yawng mayawng shagrit shanem ngu ai lawngsap bu hpun dagraw da nga mu; hpa majaw nga yang, Chyum Laika hta, “Karai Kasang gaw gumrawng gumtawng ai ni hpe mung hkap shadang nga ai rai ti mung, myit shagrit shanem ai ni hpe chyeju jaw nna myi man pa shangun da mu ai,” ngu nna tsun nga ai.

Jinghpaw Hanson Version Bible

⁵ Dai hte maren, brang ram ni e, salang ni a npu e a taw nga mu. Dai hta n-ga, nanhte nlang shada da daw nga myit ga, myit gyip ngu ai hpajet hpe kyit nga mu: kaning rai nme law, “Karai Kasang gaw gumrawng ai ni hpe shadang da timung, myit gyip ai ni hpe chyeju jaw mu ai law.”

1 PETRU 5:5 ပူးပေါင်းရင်းမြစ်များ

2 HKAWHKAM LABAU 6:41

Madu Karai Kasang e ya rawt u; Ga Shaka Sumpu hte na a daru magam n-gun ndai Nawku Htingnu de shang nna dai yang e htani htana a shanu nga nu ga law. Na a hkinjawng ni galaw ai amu magup hpe shaman ya u law: na a mai kaja ai chyeju a majaw na a amyu masha ni yawng kabu gara lu mu ga law.

YOBA 22:29

Karai Kasang gaw gumrawng gumtawng ai ni hpe shayu kau nna, shagrit shanem ai ni hpe hkye hkrang la nga ai.

YOBA 29:14

Ngai gaw tut nawng rap ra ai tara hte amu galaw nngai.

SHAKAWN KUNGDAWN 132:16

Dai mare na hkinjawng ni galaw ai lam shagu hpe mung, ngai shaman ya na nngai; shing rai, dai mare na amyu masha ni mahkawn mangoi ai hte kabu gara jahtau garu wa na mara ai.

SHAKAWN KUNGDAWN 132:9

Na a hkinjawng ni gaw teng man ai lam hpe tut nawng hkan galaw nga mu ga; na a amyu masha ni mung kabu gara jahtau garu nga mu ga!

SHAKAWN KUNGDAWN 138:6

Nang gaw tsaw htum ai shara hta nga nga ai rai tim, grit nem nga ai ni hpe nang lanu lahku nga ndai; gumrawng gumtawng ai ni mung nang kaw nna, makoi yen lu ma ai n rai.

GA SHAGAWP 25:7

Na a dung shara hpe grau ahkyak ai marai langai ngai a lata de ap ya na matu, shadut hkrum ai hta, grau tsaw ai madang de lung wa na matu, tsun hkrum ai gaw grau nna kaja nga ai.

GA SHAGAWP 3:34

Shi gaw myit tsaw myit dap ai masha ni hpe n ra sharawng ti mung, shagrit shanem ai masha ni hpe chyawm gaw myi man pa shangun nga ai.

ESAIA 57:15

“Ngai gaw htani htana agrin nga ai matsaw ntsa na chyoi pra ai Karai Kasang rai nga nngai. Ngai gaw tsaw nna chyoi pra ai shara hta nga nngai, rai ti mung ngai gaw shagrit shanem ai hte myit malai lu ai ni hte rau mung nga nngai, shaloi ngai gaw shanhte a kam hpa shara hte myit mada shara hpe bai jaw ya lu nngai.

ESAIA 61:10

Dai Madu galaw sai amu a majaw Yerusalem gaw kabu gara nga ai. Yerusalem gaw hkungran poi a matu mawn sumli da ai num nnan hte bung nga ai. Karai Kasang gaw hkye hkrang la ai hte awng dang ai lam hte hpun da nga nu ai.

ESAIA 66:2

Ngai hkum nan nga yawng danghta n-gawn tawa ting hpe hpan da ni ai! Ngai gaw shagrit shanem ai hte myit malai lu nna ngai hpe hkrit kamyin ai hte nye a ga madat mara ai ni hpe awng sharawng nga nngai.

EZEKELA 26:16

Panglai ntsa bu hkawm ai masha amyu baw ni a hkawhkam ni yawng gaw shanhte a tingnyang kaw nna yu mat na mara ai. Shanhte gaw palawng galu hte maka ka da ai palawng ni hpe raw kau nna hkrit gari ai hte ga e dung nga na mara ai. Shanhte gaw nang hta byin ai gam maka a majaw, nau hkrit mat nna gari ai pyi n hkring hkraw na mara ai.

Daniela 11:12

Shi gaw shi a awng padang hte shi sat kau lu ai hpyenla law law a majaw gumrawng gumtawng wa na ra ai, rai ti mung shi gaw matut nna awng dang lu na ra ai n rai.

JAW JAU 19:32

“Asak kaba sai ni hpe hkungga lara ai lam madun dan mu; shanhte hpe shagrau sha-a mu. Ngai hpe hkrit hkungga lu na rai myit dai. Ngai gaw dai Madu rai nga ai.

LUKA 22:26

Rai ti mung, nanhte shada da gaw dai hku n mai rai ang ai. Nanhte hta kaba dik ai wa gaw, asak kaji dik ai wa zawn rai u ga; ningbaw tai ai wa gaw, shangun ma zawn rai u ga.

ROMA 12:10

Nanhte shada da tsaw ra ai hta langai hte langai shinggyim nau na myit majing rawng nga mu, hkungga lara ai hta shada da shagrau hkat nga mu.

ROMA 13:14

Dai hta n ga Madu Yesu Hkristu hpe hpyen hking zawn bu hpun dagraw nga mu; hkum shan a myit marin ai hta myit lawm myit shadik la ai lam ni hpe jahkring kau mu.

EHPESU 5:21

Nanhte a Hkristu hpe hkrit kamyin ai myit a majaw shada da a npu e ataw nga mu.

HPILIPI 2:3

Gumrawng gumtawng mayu ai myit, tinang akyu tam mayu ai myit, hte hpa mung hkum galaw mu; masha kaga wa gaw tinang hta grau kaja nga ai ngu nna tut nawng myit la let shada da shagrit shanem ai myit hte kanawn mazum nga mu.

KOLOSE 3:12

Nanhte gaw Karai Kasang a masha ni rai nga myit dai rai nna, shi gaw nanhte hpe tsaw ra nna shi a matu mara lata la hkrum ai ni rai nga myit dai. Dai re ai majaw nanhte gaw n ja n hpra ai, matsan dum lama ai, myit nem ai, sumnung shingdi ai myit galu kaba ai hpe bu hpun dagraw nga mu.

1 TIMOHTI 5:1

Asak kaba sai salang wa hpe hkum daru kau et; na a kawa hpe zawn lajin ai hku tsun shaga u. Asak kaji ai shabrang ma ni hpe na a kahpu kanau ni hpe zawn,

HEBRE 13:17

Nanhte a lam woi ningshawng ni a ga hpe madat mara nna shanhte a hkang da ai ga ni hpe hkan sa galaw mu. Shanhte gaw shanhte galaw daw ai amu a jahpan hpe Karai Kasang kaw dan lu na rai nna, shanhte gaw nanhte a myit masin ni hpe n hkring n sa sin ya nga ma ai. Shanhte a ga hpe nanhte madat mara myit yang gaw shanhte galaw ai bungli hpe kabu gara ai hte galaw na mara ai: dai n rai yang shanhte myit yawn let galaw na mara ai rai nna na a matu hpa akyu mi rawng na n rai.

YAKU 4:6

Rai ti mung Karai Kasang anhte hpe jaw ya ai dai chyeju mahtang gaw grau nna n gun atsam rawng nga ai. “Karai Kasang gaw gumrawng gumtawng ai ni hpe nhtan shai ninghkap nna myit shagrit shanem ai ni hpe chyeju jaw nga ai,” nga nna Chyum Laika hta tsun ai hte maren rai nga ai.

1 PETRU 3:8

Hpungdim hku nna tsun mayu ai gaw, nanhte yawng hte hta maren mara re ai myit masa hte myit hta hkam sha ai lam rawng nga lu na rai nna; shada da shinggyim nau na zawn tsaw ra ai hte shada da matsan dum nna shagrit shanem hkat nga mu.

1 PETRU 4:1

Hkristu gaw hkum shan hta nni nkri hkrum nu ai rai nna shi a hkam la ai myit mang ai baw hte nanhte mung tinang a hkum ni hpe n-gun shaja la mu; hpa majaw nga yang hkum shan nni nkri hkam sai wa gaw yubak mara hte shi n seng mat nu ai.

1 PETRU 4:5

Rai ti mung shanhte gaw hkrung nga ai ni hte si mat ai ni hpe tara daw dan na matu shajin tawn nga ai Karai Kasang a man de shanhte nan a jahpan dan lu na rai ma ai.