1 PETRU 5:2 - Jinghpaw Common Language Bible 2009

² Karai Kasang nanhte hpe ap ya da sai sagu hpung a sagu rem ai ni zawn, Karai Kasang galaw shangun mayu ai hku hte maren myit lawm ai hte kabu gara let bau rem gawn lajang nga mu. Ja gumhpraw shabrai lu na matu sha galaw ai hku n rai, kaja wa daw jau mayu ai shawang myit hte daw jau mu.

Jinghpaw Hanson Version Bible

² nanhte hte rau rai nga ai Karai Kasang a sagu hpung hpe arem nga mu; adip ahkrip re ai hku zawn n nawn ai sha, dingsa myit hte galaw nga mu; nsan n seng ai amyat majaw n re ai sha, htauli htaula myit hte galaw mu;

1 PETRU 5:2 ပူးပေါင်းရင်းမြစ်များ

2 HKAWHKAM 12:6

Rai ti mung Yosha hkaw dung ai hkun mali ning du hkra dai Nawku Htingnu bai gram lajang ai lam hpe hkinjawng ni hpa mung garai n lu galaw da nga ma ai.

Shawlumon A Mahkawn Ga 1:8

Num ni yawng hta tsawm htum ai jan e, dai shara hpe nang n chye n ni? Sagu hpung a hpang hkan sa nna sagu rem ni a sum makau hkan e na a bainam ni a matu udat shara tam la u.

ESAIA 40:11

Shi gaw sagu rem ai wa zawn shi a sagu hpung hpe lanu lahku na ra ai; shi gaw sagu kasha ni hpe shinggyin la nna dai ni hpe shi a lata lahpum hta pawn da na ra ai; shi gaw dai ni a kanu ni hpe angwi sha woi sa na ra ai.

ESAIA 56:11

Shanhte gaw galoi mung kan n hkru ai lawhpa gwi ni zawn rai ma ai. Ndai ningbaw ni gaw chye na hkawn hkrang ai nyan hpa mung n rawng ma ai. Shanhte awng sharawng ai hte shanhte a akyu mu tam ai shaloi sha, shanhte langai hte langai galaw ma ai.

ESAIA 6:8

Dai hpang Madu gaw, “Ngai kadai hpe shangun dat na i? Kadai wa anhte a shiga htawn ai wa tai na kun?,” ngu nna tsun ai ga hpe ngai na nngai. Ngai mahtang, “Ngai sa na nngai! Ngai hpe shangun dat e!,” ngu nna htan we ai.

ESAIA 63:11

Rai ti mung, shanhte gaw lai sai aten, dai Madu a shangun ma Mawshe a nhtoi ni hpe dum ma ai rai nna shanhte gaw, “Panglai kaw na shi a amyu masha ni a ningbaw ni hpe hkye hkrang la sai dai Madu gaw ya kanang rai nga a ta? Mawshe hpe shi a wenyi jaw ya ai dai Madu gaw kanang rai nga a ta?

YEREMIA 13:17

Dai ga ni hpe nang n madat ai rai yang, na a gumrawng gumtawng ai myit a majaw, ngai gaw n dan n leng ai shara hta hkrap na nngai; Dai Madu a amyu masha ni gaw bawng dung hkrum ai ni zawn rim hkrum nga ma ai majaw, ngai gaw ahkup ahka nga hkra hkrap ai hte nye a myi prwi lwi na ra ai.

YEREMIA 13:20

Yerusalem e, yu u! Na a gumlau hpyen ni gaw dingdung maga de nna sa wa na mara ai! Nang hpe kam hpa ai amyu masha ni hte nang grai gumrawng lu ai na a amyu masha ni kanang rai nga ma ta?

YEREMIA 6:13

Masha kaji kaba yawng hte gaw n ding n man ai hku gumhpraw tam shakut nga ma ai; myihtoi ni hte hkinjawng ni pyi amyu masha ni hpe masu hkalem nga ma ai.

YEREMIA 8:10

Dai re ai majaw, ngai gaw shanhte a yi hkauna ni hpe madu nnan ni a lata de jaw kau na we ai; shanhte a madu jan ni hpe mung kaga masha ni a lata de ap kau na we ai. Masha kaji kaba yawng hte gaw n ding n man ai hku gumhpraw tam shakut ma ai. Myihtoi ni hte hkinjawng ni pyi amyu masha ni hpe masu hkalem nga ma ai.

EZEKELA 34:23

Shanhte hpe rem ai sagu rem wa langai tai wa na matu, nye a shangun ma Dawi hte bung ai hkawhkam langai ngai shanhte hpe jaw na nngai, shing rai shi gaw shanhte hpe rem ai sagu rem wa tai nna lanu lahku na ra ai.

EZEKELA 34:31

“Nye a sagu ni e, ngai bau rem ai sagu hpung nanhte gaw nye a amyu masha ni rai nga myit dai; ngai gaw nanhte a Karai Kasang rai nga nngai,” ngu nna Tsaw Htum ai dai Madu tsun ai.

EZEKELA 46:24

Dai masha wa gaw ngai hpe, “Ndai shara ni gaw amyu masha ni nawng jau ya ai shagu hkungga ni hpe Nawku Htingnu kaw na shangun ma ni shadu ya ai Nawku Htingnu a shat dap ni rai nga ma ai,” ngu nna tsun wu ai.

MIHKA 3:11

Mare du salang ni gaw mayun kumhpa a matu up hkang nga ma ai; hkinjawng ni gaw shabrai a matu, Tara laika ni hpe lachyum htai sharin ya nga ma ai. Myihtoi ni gaw shanhte lu la na gumhpraw a matu shanhte a shingran ni hpe jaw ya nga ma ai. Shanhte yawng mung dai Madu shanhte hte rau rai nga ai nga nna tsun nga ma ai. Shanhte gaw, “Anhte hta hpa mung machyi hkra na ra ai n rai; dai Madu gaw anhte hte rau anga nga ai,” ngu nna tsun ma ai.

MIHKA 5:4

Shi du sa ai shaloi, shi gaw dai Madu kaw nna n-gun atsam hte Madu Karai Kasang shi hkum nan a daru magam hpung shingkang hte shi a amyu masha ni hpe up hkang wa na ra ai. Shi a amyu masha ni mung shim lum ai hte nga lu na mara ai; hpa majaw nga yang, aga ting na masha ni yawng shi a galu kaba ai magam amu hpe yin la na mara ai,

MIHKA 7:14

Madu e, nang lata san da sai na a amyu masha ni a matu sagu rem wa tai nga u. Shanhte gaw nam mali kata hkan dumbri dumbra rai nga nga ma ti mung, dai shara hta ga sau kaja ai lamu ga gaw shanhte hpe gawan da nga ai. Bashan hte Gilead mung na udat shara hta lai sai aten shanhte nga ningngai lu ma ai zawn shanhte sa nna sha lu mu ga.

ZEHKARIA 11:17

Dai manu n dan ai sagu rem wa gaw dingnye hkrum nga ai! Shi gaw shi a sagu hpung hpe kau da nga ai rai nna, hpyen majan gaw shi a daru magam n-gun hpe tsep kawp jahten kau na ra ai. Shi a lahpum nyui mat nna, shi a hkra maga na myi, kyaw mat na ra ai,” ngu nna tsun wu ai.

MALAHKI 1:10

Chyahtum Chyalai N-gun rawng ai dai Madu gaw, “Nye a tawn hkungri ntsa e akyu n rawng ai wan n sa shachyi lu myit ga, nanhte hta na marai langai ngai Nawku Htingnu chyinghka ni hpe la kau wu ga, ngai ra sharawng nga nngai. Ngai nanhte hpe n ra nngai; nanhte ngai hpang de la sa ai shagu hkungga ni hpe ngai hkap la na n rai.

BU HKAWM 18:7

Rai ti mung, nang hte na a shadang sha ni chyu sha Chyoi Pra Htum ai Shara hte tawn hkungri hta jaw jau ra ai hkinjawng amu yawng galaw shatup na rai myit dai. Nanhte galaw na hkinjawng amu hpe kumhpa zawn ap ya ma sade ai majaw ndai amu ni gaw na a lit rai nga ai. Dai rai nna chyoi pra ai arai nga ai de sit sa ai ra rawng ai masha kadai mung sat kau ai hkrum na rai wu ai,” ngu nna tsun wu ai.

LUKA 12:32

Sagu hpung kaji e, hkum hkrit et; hpa majaw nga yang, dai mungdan nanhte hpe jaw na, nanhte a Kawa myit ra sharawng nga ai.

KASA 20:29

Ngai pru mat wa ai hpang masha nkau mi nanhte kaw shang nna matse n hkru ai chyahkyawn zawn sagu hpung hpe matsan n dum, hkyamsa n jaw na mara ai hpe ngai chye nga nngai.

KASA 21:13

Pawlu chyawm gaw, “Nanhte hpa rai hkrap ngu hkrap ngoi nga nna nye myit hpe gawng run shangun ya nga myit ta? Yerusalem mare e gyit hkang da ai hkrum na sha n ga, Madu Yesu a mying nsang a majaw dai yang sa si hkam na pyi ngai jin jin rai nga nngai,” ngu nna htan shangap mu ai.

ROMA 1:15

Dai rai nna Roma e nga ai nanhte hpe mung dai Kabu Gara Shiga hkaw tsun dan na ngai grai myit hkut nga nngai.

1 KORINHTU 9:7

Kadai hpyen la wa mi tinang a jarik hte majan amu gun a ta? Kadai sun galaw sha ai wa, tinang a sun kaw na sabyi si n di sha ai nga ga a ni? Kadai sagu rem ai wa tinang a sagu kaw na chyu n shup lu ai nga ga a ni?

1 TIMOHTI 3:3

Chyaru n len ai wa, adup ajin n re ai wa, rai nna sumnung shingdi ai wa, sim sa ai lam hpe ra ai wa rai ra ai. Shi gaw gumhpraw n marin ai wa rai nna;

1 TIMOHTI 3:8

Hpungtau ni mung myit ding hpring nna arawn alai kaja ai ni rai ra ai. Shanhte gaw ga mashe n rawng ai ni, chyaru n len ai ni, gumhpraw lam hta lawhpa marin ai myit n rawng ai ni rai lu na hte,

TITU 1:11

Shanhte a tsun shaga ai n-gup pat kau ya ra sai; hpa majaw nga yang, shanhte gaw n mai sharin ai lam ni hpe sharin ya nna htinggaw ting ting hpe shabra kau mu ai. Dai lam ni yawng gaw shanhte a gumhpraw lu lam hte seng ai kaya kahpa re ai yaw shada ai lam a matu rai nga ai.

TITU 1:7

Hpa majaw nga yang Hpung up wa gaw Karai Kasang a magam amu hpe lit la nna gun hpai ai wa rai nna, mara n rawng ai wa mai rai nga ai. Shi gaw myit tsaw myit dap ai wa, sindawng katawt ai wa, chyaru len ai wa, ga li ga law anu ajin rai chye ai wa, shing n rai gumhpraw marin ai wa n mai rai nga ai.

TITU 2:14

Anhte hpe tara tawt lai ai n hkru n kaja ai mara yawng mayawng hta na hkye hkrang shaw la na matu mung, anhte gaw myit masin san seng nna shi hte chyu sha seng ai amyu tai let, kaja reng ai magam bungli galaw na myit katu sharawng ai amyu tai na matu mung, Hkristu gaw anhte a matu mara shi hkum dai hpe ap ya kau nu ai.

TITU 3:1

Mungdan up hkang ai ni hte ahkaw ahkang lu ai ni a npu e taw nga nna madat mara nga na matu mung, mai kaja ai magam bungli nga manga hpe galaw na jin jin rai nga na matu mung, na a hpung masha ni hpe shadum nga u.

HPILEMON 1:14

Rai ti mung na a myit hkrum ai lam n lu la ai sha kaning n chyum nna n galaw n mai shadut jahkat ai hku hpa mung ngai n galaw mayu nngai. Na a myit ra ai hku san san sha rai u ga. Dai rai nna nang myit n hkrum ai hpa hpe mung ngai n galaw na nngai.

HEBRE 12:15

Karai Kasang a chyeju kaw na htak mat wa ai lam n byin u ga, makawp maga nga mu. Hka ai hpun ru gaw tu kaba wa nna shi a gung hte jam jau law law jaw lu ai zawn, nanhte kadai hta mung dai zawn n byin u ga, sadi nga mu.

2 PETRU 2:3

Ndai masu ai sara ni gaw shanhte a nam mak law hpa ai myit hte gyin shalat la ai maumwi ni tsun dan let amyat tam na mara ai. Moi jau jau kaw nna pyi shanhte hpe ari jaw na tara agyi wa gaw shajin da nga sai hte shanhte hpe jahten shabyak kau na wa gaw yup shamwi yup pyaw nga ai n rai.