1 PETRU 5:10 - Jinghpaw Common Language Bible 2009

¹⁰ Rai ti mung nanhte jahkring sha mi nni nkri hkam ngut ai hpang, chyeju yawng mayawng a Madu rai nga ai Karai Kasang gaw nanhte hpe Hkristu hta langai sha tai shangun nna htani htana hpung shingkang hta shang sha lu mu ga, nanhte hpe shaga la ai Madu shi nan nanhte hpe ra n rawng hkra jahkum shatsup ai lam shangang shakang ai lam, n-gun lagaw sharawng ai lam ni jaw nna ngang kang ai npawt hkridun hta tsap nga lu ai ahkang jaw na marin dai.

Jinghpaw Hanson Version Bible

¹⁰ Nanhte mahtang chyahkring chyahkra nni nkri hkrum ai hpang, Hkristu hta e htani htana nga ai hpung shingkang a matu, nanhte hpe shaga la da ai, chyeju hkum hkum rawng ai Karai Kasang gaw, shi hkum nan, nanhte hpe shakup shatsup na, shangang shakang na hte n-gun sharawng na marin dai.

1 PETRU 5:10 ပူးပေါင်းရင်းမြစ်များ

SHAKAWN KUNGDAWN 119:28

Ngai gaw yawn hkyen ai hte dip da hkrum nga nngai majaw; na a ga sadi hta maren, ngai hpe n-gun ban ya e.

SHAKAWN KUNGDAWN 138:7

Ru tsang ai hte gawan da ai ngai hkrum nga ai shaloi, ngai hpe nang makawp maga da nga ndai. Nye a gumlau hpyen ni a sindawng kahtet ai hpe nang hkap shingdang ya nna, na a daru magam n-gun hte ngai hpe hkye hkrang la nga ndai.

SHAKAWN KUNGDAWN 86:15

Rai ti mung, Madu e, nang gaw tsaw ra matsan dum ai Karai Kasang rai nga ndai; nang gaw tut nawng e hkam sharang ai, matsan dum ai hte sadi sahka nga ai wa rai nga ndai.

SHAKAWN KUNGDAWN 86:5

Nang gaw anhte a ntsa e, mai kaja nga nna mara dat kau ya nga ndai; nang kaw akyu hpyi nga ai ni yawng a matu, na a dinggrin tsaw ra myit hpe hpring hpring tsup tsup hkam sha shangun nga ndai.

ZEHKARIA 10:12

Ngai gaw nye a amyu masha ni hpe n-gun ja shangun na nngai; shanhte gaw ngai hpe nawku ai hte nye a ga madat mara na mara ai,” ngu nna tsun wu ai. Dai Madu tsun nu ai.

ZEHKARIA 10:6

“Ngai gaw Yuda amyu masha ni hpe n-gun ja shangun na nngai; Ngai gaw Israela amyu masha ni hpe hkye mawai la na nngai. Ngai gaw shanhte hpe yu matsan dum ai hte shanhte yawng hpe dum nta de woi wa na nngai. Shanhte gaw ngai shanhte hpe galoi mung n ningdang kau yu ai ni zawn tai na mara ai. Ngai gaw dai Madu shanhte a Karai Kasang rai nga nngai; shanhte a akyu hpyi ga ni hpe ngai htan ya na nngai.

LUKA 22:32

Rai ti mung, na a kam sham ai myit n hten lit ga ngu nna, nang Simun a matu ngai akyu hpyi da ni ai. Shing rai nang ngai hpang de bai kayin dum wa yang, na nhpu nnau ni hpe shangang shakang ya lu na rai ndai.”

ROMA 15:13

Ya Chyoi Pra ai Wenyi a n-gun atsam hte nanhte a myit mada ai lam matut nna gumring gumrat galu kaba wa myit ga, myit mada ai lam a npawt rai nga ai Karai Kasang gaw, nanhte a kam sham ai lam hta e chyeju hte ngwi pyaw ai amyu myu nanhte hpe jahpring shatsup ya myit ga law.

ROMA 15:5

Nanhte nga manga hte gaw Hkristu Yesu a kasi ningli hpe hkan nna nanhte shada da myit mang langai sha rai nga lu u ga, hkam sharang ai atsam hte myit shatsam ya ai lam jaw ya nga ai Karai Kasang gaw nanhte hpe woi awn nga u ga law.

ROMA 16:25

Karai Kasang hpe anhte shakawn shagrau nga ga! Ngai nanhte hpe hkaw tsun dan sai Yesu Hkristu a lam Kabu gara shiga hte moi chyaloi nhkoi prat kaw nna makoi magap da ai dai teng man ai lam e shadan shadawng dat ai hte maren shi gaw nanhte hpe nanhte a makam masham hta ngang ngang kang kang tsap shangun lu nga ai.

ROMA 9:11

Rai ti mung kasha yan pyi garai n shangai ai rai nna kaja ai hte n kaja ai garai n chye galaw ai ten kaw nna pyi Karai Kasang gaw Rebeka hpe, “Na kasha kaba ai wa mahtang kaji ai wa hpe daw jau na ra ai,” ngu nna tsun wu ai.

ROMA 9:24

Hpa majaw nga yang anhte gaw Karai Kasang e shaga la sai masha ni rai nna Yuda ni hta na sha n rai, maigan amyu ni hta na mung rai nga ai.

1 KORINHTU 1:10

Hpu nau ni e, anhte a Madu Yesu Hkristu a mying nsang ahkaw ahkang hte nanhte yawng hpe ngai hpyi nem dat nngai. Nanhte hta myit garan nna daw hka bra wa ai lam n nga na matu nanhte tsun shaga ai mung sumtu hta myit hkrum nga mu. Nanhte gaw myit mang ai lam langai sha, yaw shada ai lam langai sha hte tsep kawp myit hkrum kahkyin gumdin nga mu.

1 KORINHTU 1:9

Anhte a Madu ngu ai, Kasha Yesu Hkristu hte kanawn mazum lu mu ga, nanhte hpe shaga la ai Karai Kasang chyawm gaw, kangka re ai wa rai nga ai.

2 KORINHTU 13:11

Nye a hpu nau ni e, ya anhte shakram dat ga ai, nanhte yawng ngwi pyaw nga myit ga law! hkum hkum tsup tsup rai nga lu hkra matut nna shakut shaja nga mu. Nye a hpyi lajin ai ga ni hpe madat mara nna shada da myit hkrum nga let ngwi pyaw sim sa ai hku nga nga mu. Tsaw ra myit rawng ai hte ngwi pyaw shangun ai Karai Kasang gaw nanhte hte rau nga nga na ra ai.

2 KORINHTU 4:17

Bai anhte jahkring jahkra hkrum hkra nga ai tsin-yam tsindam kaji kajaw mahtang gaw anhte hpe ruyak jam jau hta grau kaba ai hte htani htana re hpung shingkang hpe hkam la shangun na ra ai.

HPILIPI 4:13

Ngai hpe n-gun shaja ya ai Hkristu a majaw yawng mayawng hpe ngai galaw lu nngai.

KOLOSE 2:7

Sharin achyin ai hpe hkam la manit dai hte maren, shi hta sung sung ru jung nna, shi hta tinang a asak hkrung lam hpe gaw da let nanhte a makam masham hpe grau nna ngang kang shangun nga mu. Nanhte hta chyeju dum ai myit hte hpring nga mu.

1 HTESALONI 2:12

Anhte gaw nanhte hpe n-gun jaw ai lam hte shadaw shalan ai lam galaw saga ai. Shi a mungdan hta shang sha lu na hte hpung shingkang hkam la lu mu ga, nanhte hpe shaga la ai Karai Kasang hpe sharawng awng shangun ai asak hkrung lam hta e hkawm sa nga na matu anhte matut manoi shadut jahkat saga ai.

2 HTESALONI 2:14

Karai Kasang gaw nanhte hpe anhte hkaw tsun ai dai Kabu Gara Shiga hku nna shaga la manit dai. Shi gaw anhte a Madu Yesu a hpung shingkang hta na nanhte hkam la ang ai hkam bum hpe madu la lu myit ga ngu nna shaga la manit dai.

2 HTESALONI 2:17

nanhte hpe galoi mung mai kaja ai lam tsun shaga galaw gunhpai nga lu myit ga n-gun jaw shangang shakang ya u ga law.

2 HTESALONI 3:3

Rai ti mung Madu gaw kangka nga ai rai nna, shi gaw nanhte hpe myit n-gun shaja ya ai hte N hkru N kaja Ai Wa a hpyen ai kaw na makawp maga na ra ai.

1 TIMOHTI 6:12

Makam masham hte seng ai gat shingjawng poi hta atsam htum hkra gat nna htani htana asak ngu ai kumhpa hpe na a matu lu la hkra di u; hpa majaw nga yang, dai asak hkrung lam hta e, nang hpe Karai Kasang shaga la ai shaloi nang gaw sakse law law ni a man e kam sham sai lam ngang ngang kang kang nang yin la nit dai.

2 TIMOHTI 1:9

Karai Kasang gaw anhte galaw sai mai kaja dum ai amu bungli lama ma a majaw n rai, shi nan a yaw shada ai lam hte chyeju a majaw anhte hpe hkrang la nna shi a amyu masha tai na matu shaga la mani ai. Shi gaw mungkan nnan lat ai ten a shawng kaw nna Hkristu Yesu a marang e dai chyeju anhte hpe jaw da mani ai.

2 TIMOHTI 2:10

Dai re ai majaw ngai gaw Karai Kasang lata la hkrum ai masha ni a matu ruyak jam jau hkam nngai; shing rai hkam ai lam gaw shanhte mung Hkristu Yesu a marang e hkye hkrang la ai chyeju hte de a htani htana hpung shingkang hkam la lu na matu rai nga ai.

HEBRE 9:15

Ndai lam a majaw Karai Kasang e shaga la hkrum ai ni gaw Karai Kasang ga sadi jaw da sai htani htana shaman chyeju sali wunli hkam la lu mu ga nga, Hkristu gaw ga shaka ningnan hpe lajang ya sai. Shing rai hkam la na ahkaw ahkang lu la ai lam gaw, shawng na ga shaka kata e nga ai shaloi shut hpyit tawt lai kau ai yubak mara ni kaw na shalawt dat na matu si hkam ai lam langai mi byin pru wa sai majaw rai nga ai.

1 PETRU 1:15

Nanhte hpe shaga la ai Karai Kasang gaw chyoi pra nga ai hte maren, nanhte mung nanhte galaw ai lam shagu hta chyoi pra nga mu.

1 PETRU 4:10

Nanhte gaw Karai Kasang kaw na laksan chyeju kumhpa ni hpe hkam la lu ai hte maren, Karai Kasang a chyeju kumhpa amyu myu hpe kaja ai lit hkam hpareng wa zawn shada da a mai kaja ai akyu a matu jai lang nga mu.

1 PETRU 4:11

Marai langai ngai hkaw tsun a yang gaw, Karai Kasang a mungga hpe hkaw tsun u ga, marai langai ngai daw jau a yang gaw Karai Kasang jaw da ai n-gun lagaw hte maren galaw daw nga u ga; shing rai yang she galaw ai amu yawng mayawng a majaw Madu Yesu a marang e Karai Kasang a hpung shingkang hpe shakawn kungdawn ai lam tai na rai nga ai. Yesu Hkristu hta hpung shingkang hte daru magam n-gun atsam gaw htani htana prat dingsa e anga nga ai law. Amen.

2 PETRU 1:3

Shi a hpung shingkang hte mai kaja ai lam hpe garan hkam la na matu anhte hpe shaga la ai Hkristu hpe chye chyang ai a marang e Karai Kasang a n-gun atsam gaw teng man ai nawku htung makam masham hta asak hkrung nga lu na matu anhte hta ra kadawn nga ai lam yawng mayawng jaw ya mani ai.

1 YAWHAN 2:25

Ndai gaw Hkristu nan anhte hpe ga ndat jaw da ai htani htana asak hpe lu la ai lam rai nga ai.

YUDA 1:24

Ya chyawm gaw, nanhte kataw katan n rai hkra bau sin lu ai hte shi a hpung shingkang a man e shut hpyit mara n kap nna kabu gara ai lam jaw lu ai,