1 PETRU 4:9 - Jinghpaw Common Language Bible 2009

⁹ Aput apai n nga ai sha, nanhte shada da manam hkalum ai lam hta ra n rawng hkra galaw daw nga mu.

Jinghpaw Hanson Version Bible

⁹ Aput apai n nga ai sha, nanhte shada da manam daw ai lam adaw nga mu.

1 PETRU 4:9 ပူးပေါင်းရင်းမြစ်များ

NINGPAWT NINGHPANG 24:19

Shi lu ngut jang dai numsha gaw, “Na a gawla-uk ni hpe mung hkru hkra ngai ja jaw na we ai,” ngu nna tsun wu ai.

ROMA 12:13

Ra kadawn nga ai nanhte a Hkristan hpu nau ni hpe tinang lu ai arung arai ni gam jaw gam ya nga mu; chyasam manam ni hpe hkap hkalum daw jaw daw ya nga mu.

ROMA 16:23

Ngai hpe galaw daw ai hta n ga, shi nta hta Hkristan hpung masha yawng nawku zuphpawng galaw ai nta madu wa Geu mung nanhte hpe shakram dat ai. Mare na gumhpraw dum up ai sutsin wa Erastu hte Hpu nau Kuarta yan mung nanhte hpe shakram dat ma ai.

2 KORINHTU 9:7

Lahpawt ai myit hte mung n rai, jaw ra ai lit a majaw sha mung n re ai sha, langai hte langai gaw tinang a kraw lawang e myit da ai hte maren jaw u ga; hpa majaw nga yang, Karai Kasang gaw kabu gara ai myit hte jaw ya ai wa hpe tsaw ra nga ai.

HPILIPI 2:14

Nanhte galaw ra ai hpa lam hpe mung aput angun ndang kalang n rai ai sha galaw nga mu.

1 TIMOHTI 3:2

Hpung a ningbaw ningla langai mi gaw, mara n kap ai wa, madu jan langai sha lu ai wa, sadi sahka re ai wa, tinang hkum hpe hkang lu ai wa, masa hte hkrak rai nna asak hkrung ai wa, shi a nta hta tsasam manam ni hpe hkap hkalum daw jau na sharawng ai wa; sharin shaga chye ai wa, rai ra ai.

TITU 1:8

Shi gaw manam daw ra ai, mai kaja ai lam hpe tsaw ra chye ai wa, tinang hkum hpe hkang chye ai, si si re ai, ding hpring ai, chyoi pra ai, tara hkan ai wa rai ra ai.

HPILEMON 1:14

Rai ti mung na a myit hkrum ai lam n lu la ai sha kaning n chyum nna n galaw n mai shadut jahkat ai hku hpa mung ngai n galaw mayu nngai. Na a myit ra ai hku san san sha rai u ga. Dai rai nna nang myit n hkrum ai hpa hpe mung ngai n galaw na nngai.

HEBRE 13:16

Mai kaja ai amu galaw na nanhte shada da karum shingtau hkat na lam hpe hkum malap kau myit, hpa majaw nga yang, shing re ai hkungga ni gaw Karai Kasang hpe sharawng awng shangun nga ai.

HEBRE 13:2

Nanhte a nta ni hta manam ni hpe hkap hkalum daw jau na hkum malap kau myit. Shing rai daw jau ai nkau mi gaw lamu kasa ni hpe n dum shami daw jau hkrup masai.

YAKU 5:9

Nye a hpu nau ni e nanhte Karai Kasang e daw dan ai n hkrum myit ga, nanhte shada da mara shagun aput angun hkum galaw myit, Tara agyi wa gaw du magang ra ai rai nna dan pru na jin jin rai nga sai.