1 PETRU 4:2 - Jinghpaw Common Language Bible 2009

² Dai re ai majaw ya kaw nna ndai mungkan hta nanhte asak hkrung na matu naw ngam nga ai asak aprat laman shinggyim hkum shan a ra marit ai myit n hkan ai sha, Karai Kasang a myit ra ai lam a hkang ai hku nanhte asak hkrung sa wa lu na rai myit dai.

Jinghpaw Hanson Version Bible

² ndai hkum tsawp hta e naw ahkrung nga ai aprat e, masha a myit marin ai hku n hkan ai sha, Karai Kasang a myit hpe hkan nang lu myit ga, nanhte mung dai myit hpe nan, hpyen palawng zawn ahpun da nga mu.

1 PETRU 4:2 ပူးပေါင်းရင်းမြစ်များ

SHAKAWN KUNGDAWN 143:10

Nang gaw nye a Karai Kasang rai nga ndai, na a myit ra ai hku, galaw lu na matu ngai hpe sharin ya e. Mai kaja ai lam madun ya nna, shim ai hkrun lam hta woi lakawn wa ya rit.

HOSEA 6:7

“Rai ti mung shanhte gaw Adam nga ai lamu ga de shang wa ai hte rau, ngai shanhte hte tawn da ai ga shaka hpe shanhte jahten kau manu ai.

MAHTE 12:50

“Ngai nu hte ngai nau ni hpe yu mu: Sumsing lamu hta nga ai Nye Wa a myit hku hkan galaw ai ni kadai mung, ngai nau, ngai jan, ngai nu, rai nga ma ai,” ngu nna tsun mu ai.

MAHTE 20:4

‘Nanhte mung dai sun de sa wa masu, ging ram ai hte maren ngai nanhte hpe jaw na made ai,’ ngu nna shanhte hpe tsun mu ai.

MAHTE 21:31

Dai yan hta na kadai wa mahtang kawa a ra ai lam hpe hkan galaw ma ta?,” ngu nna san mu ai. Shanhte gaw, “Kasha kaba ai wa rai nga ai,” ngu mu ai. Dai rai nna Yesu gaw, “Ngai nanhte hpe teng teng tsun made ga, kang hta ai ni hte shawa num ni, nanhte a shawng e, Karai Kasang a Mungdan hta shang ma ai.

MAHTE 7:21

“Ngai hpe, ‘Madu e, Madu e,’ nga ai ni yawng mayawng wa, sumsing lamu a Mungdan hta shang lu na ma ai n rai: Sumsing lamu hta nga ai, nye Wa a myit ra ai lam hte maren hkan galaw ai ni chyu sha shang lu na mara ai.

MARKU 3:35

Karai Kasang a myit ra ai lam hte maren hkan sa galaw ai ni kadai rai ti mung, ngai nau, ngai jan, ngai nu, rai nga ma ai,” ngu mu ai.

MARKU 7:21

Hpa majaw nga yang, masha a myit kata de nna n kaja ai myit mang ai lam ni pru wa nna, dai gaw shi hpe n hkru n kaja ai arawn alai lam ni hkan sa galaw na, masha arai lagu na, masha sat na,

YAWHAN 1:13

Shanhte gaw shingra maka tara hkan nna shinggyim kawa a kasha ni tai ai hku Karai Kasang a kasha ni tai wa ma ai n rai, Karai Kasang e nan, kasha shatai la hkrum ai ni she rai ma ai.

YAWHAN 7:17

Dai Madu a myit ra ai lam hkan galaw mayu ai wa kadai mung, ngai sharin shaga ai ga gaw Karai Kasang kaw na re ai, shing n rai nye a myit hte sha tsun ai rai kun?, chye ginhka lu na wu ai.

ROMA 12:2

Nanhte gaw ndai dinghta mungkan a lai madang ni hpe n hkan dagraw ai sha, nanhte gaw Karai Kasang hku nna nanhte a kata lam myit masin hpe tsep kawp galai shai kau shangun mu. Dai shaloi nanhte gaw Karai Kasang a myit ra ai lam, mai kaja ai lam, shi hpe sharawng awng shangun ai lam, hkum tsup re ai lam gaw, hpa rai nga ai ngu ai hpe chye ginhka lu na marin dai.

ROMA 14:7

Hpa majaw nga yang anhte kadai rai ti mung tinang hkum a matu mara sha hkrung nga ai n rai; kadai rai ti mung tinang hkum a matu mara sha si wa ai n rai.

ROMA 6:11

Dai hte maren yubak mara hte seng nna tsun ga nga yang nanhte gaw nanhte a hkum hpe si mat ai ni zawn myit nawn da ra myit dai. Rai ti mung nanhte gaw Yesu Hkristu hta e Karai Kasang hte kanawn mazum asak hkrung nga lu manit dai.

ROMA 6:2

Kaja wa dai hku n rai law! Yubak mara hte si hka mat sai ni anhte gaw dai hta e kaning rai naw matut nna pra nga lu na ga ta?

ROMA 7:4

Hpu nau ni e, nanhte dai ga shadawn hte bung nga myit dai. Nanhte gaw Hkristu a hkum hkrang daw shan ni rai nna jep ai Tara hta e nanhte si wa manit dai, ya gaw Karai Kasang a magam amu hta akyu rawng asi si lu u ga, si ai kaw na hkrung sharawt la hkrum ai Hkristu hte seng ai ni rai wa manit dai.

2 KORINHTU 5:15

Asak hkrung nga ai ni mung, shanhte a akyu a matu mara asak n hkrung ai sha, shanhte a matu mara si hkam nna bai hkrung rawt wa ai wa a matu chyu sha hkrung nga mu ga, yawng mayawng a matu mara shi si hkam sai.

EHPESU 2:3

Kaja wa anhte yawng mung shawng de kalang mi shanhte zawn rai nna anhte a hkum shan a marin marit ai lam ni hta hkan sa let hkum shan a ra ai lam ni hte myit masin a ra ai lam shagu hpe hkan sa galaw nga ga ai. Anhte mung hkum shan lam hku nna kaga masha ni hte maren Karai Kasang a pawt sindawng ai hpe hkrum ging ai ni rai nga ga ai.

EHPESU 4:17

Manu n rawng ai myit mang ai lam lu ai maigan masha ni zawn matut nna asak n hkrung na matu Madu a mying ningsang hte ngai nanhte hpe sadi jaw made ai.

EHPESU 5:17

Dai rai nna angawk angak re ai ni hkum tai myit; dai Madu a myit ra ai lam hpa rai nga ai gaw tam shakut nga mu.

EHPESU 6:6

Madu ni yu nga ai shaloi myi man pa mayu ai majaw sha hkum galaw myit; Hkristu a mayam ni zawn, Karai Kasang a myit ra ai hku hte maren, myit masin yawng hte galaw nga mu.

KOLOSE 1:9

Dai re ai majaw, nanhte a lam na yu ai shani kaw nna, anhte gaw nanhte a matu mara n sim n sa akyu hpyi nga ga ai. Nanhte gaw Karai Kasang a myit ra ai lam hpe chye lu ai nyan hpaji, dai Wenyi e jaw ya ai hpaji byeng-ya yawng mayawng hte machye machyang ni, hte jahpring ya ai hkrum myit ga Karai Kasang kaw anhte akyu hpyi ya nga ga ai.

KOLOSE 3:3

Hpa majaw nga yang, nanhte gaw si mat sai ni rai nna, nanhte a asak gaw Hkristu hte rau, Karai Kasang hta kyem makoi da nga sai.

KOLOSE 4:12

Nanhte kaw na rai nga ai Hkristu a mayam wa Epahpra gaw nanhte hpe shakram dat ai. Shi gaw nanhte a matu myit rawt sharawng awng ai hte akyu hpyi nga ai. Nanhte gaw Karai Kasang a myit ra ai lam hta tup hkrak madat mara hkan sa nna myit su kunghpan ai hte kam sham ai lam hta atsawm sha myit hkawn ai Hkristan tai nga let, dinggrin lahpran tsap nga lu myit ga, shi gaw Karai Kasang kaw hpyi nem ya nga ai.

1 HTESALONI 5:18

Lam shagu hta chyeju dum shakawn kungdawn nga mu. Dai gaw Hkristu hta e nanhte a asak hkrung lam hte seng nna Karai Kasang a myit ra ai lam rai nga ai.

HEBRE 13:21

Nanhte gaw shi a myit ra ai lam hkan galaw lu na matu nanhte hta ra kadawn nga ai mai kaja ai lam shagu hpe ngwi pyaw ai Karai Kasang gaw nanhte hpe jaw ya myit ga; Madu gaw shi a myit ra ai hku hte maren, Hkristu a marang e anhte hpe jahkum shatsup ya mi ai. Yesu Hkristu a marang e, shi a sharawng awng ai lam hpe anhte shabyin shatai u ga, Hkristu hta htani htana prat dingsa hpung shingkang anga nga u ga law. Amen.

YAKU 1:18

Shi hpan tawn da ai amyu ni yawng hta e anhte nambat langai shara lu ai alat amyu tai u ga, shi a myit ra ai hku hte maren dai teng man ai mungga hte shi anhte hpe shaprat dat mi ai.

1 PETRU 1:14

Karai Kasang a ga hpe madat mara nna nanhte n chye n chyang re ai ni naw rai nga ai ten hta nanhte a myit shadang ai hku hkawm sa lai wa sai zawn matut nna hkum hkan galaw manu.

1 PETRU 2:1

Dai re ai majaw nanhte gaw n hkru n kaja ai lam amyu myu hte masu hkalem ai lam sawt ai lam, manawn masham ai lam hte roi asawng ai ga ni hpe yeng seng kabai kau mu.

1 YAWHAN 2:17

Dinghta ga hte hpawn, dai hta na shinggyim masha ni marin marit ai lam shagu gaw lai mat wa nga sai rai ti mung Karai Kasang a myit ra ai hku hkan galaw ai wa chyawm gaw, htani htana e anga nga ai.