1 PETRU 4:18 - Jinghpaw Common Language Bible 2009

¹⁸ Chyum Laika hta, “Kaja ai masha ni a matu hkye hkrang la hkrum na matu yak la a yang gaw, tara n hkan ai yubak lu ai ni gaw hpa byin sana kun?,” nga nna tsun ai.

Jinghpaw Hanson Version Bible

¹⁸ “Dingman ai wa gaw, hkye hkrang la ai kaw, du yak la nga ai teng yang gaw, tara n hkungga ai hte yubak kap ai wa gaw, kanang ang bang wa na ra ta?”

1 PETRU 4:18 ပူးပေါင်းရင်းမြစ်များ

NINGPAWT NINGHPANG 13:13

dai Madu hpe yubak tawt lai ai masha ni shanu nga ai Sodom mare makau du hkra sum ni gap da nga wu ai.

GA SHAGAWP 11:31

Mai kaja ai masha ni gaw ndai dinghta ga ntsa e, shagrau ai hpe hkam la lu nga ai; tara n lang ai ni hte yubak kap ai masha ni chyawm gaw ari hkrum na mara ai lam, nang hkrak chye lu na ndai.

YEREMIA 25:29

Nye a mare hta jahten sharun ai amu hpe ngai shawng hpang dat na nngai. Shanhte gaw ari jaw ai n hkrum na ga ai nga nna shanhte myit nawn nga ma ni? N rai law, ngai gaw ga ntsa ting hta nga ai masha amyu baw ni yawng a ntsa e hpyen majan shabyin dat na rai nga nngai majaw, shanhte mung ari hkrum sha na mara ai. Chyahtum Chyalai N-gun Rawng ai dai Madu ngai nan tsun ni ai.

EZEKELA 18:24

“Rai ti mung, ding hpring ai masha langai ngai, mai kaja ai amu galaw nga ai kaw na htak mat ai hte n hkru ai masha ni galaw nga ai matsat shabat amu mahkra hpe hkan galaw ai rai yang, dai wa gaw matut nna hkrung nga lu na rai nga a ni? N rai law, shi galaw yu sai mai kaja ai amu langai mi hpe mung matsing da ya na n rai. Shi galaw ai kang n ka ai amu hte yubak ni a majaw shi si na ra ai.

ZEHKARIA 13:9

Ngai gaw dai naw hkrung nga ai htam mi hpe wan hte jasan jaseng la ai gumhpraw zawn shanhte hpe jasan jaseng nna chyam yu na nngai; ngai gaw aja hpe chyam yu ai zawn shanhte hpe chyam yu na nngai. Dai shaloi shanhte ngai kaw hpyi wa nna, ngai mung shanhte hpe htan ya na nngai. Shanhte gaw nye a amyu masha ni rai nga ma ai lam ngai shanhte hpe tsun dan na nngai, ngai gaw shanhte a Karai Kasang rai nga nngai hpe shanhte yin la na mara ai,” ngu nna tsun ai.

LUKA 15:1

Lani mi hta, kang hta ai ni hte, kaga kabai kau hkrum ai yubak kap ai masha ni law law wa, Yesu a ga madat na nga nna, shi hpang de sit sa ma ai.

LUKA 23:31

Hpun katsing nga yang pyi dai lam ni ndai zawn byin ai rai yang, hkraw mat ai aten hta hpa byin wa na rai ta?,” ngu mu ai.

KASA 14:22

Shan gaw, “Anhte gaw Karai Kasang a mungdan hta shang na matu ru yak jam jau law law hpe hkrum hkra lai di kau ra ga ai,” nga nna kam sham ai sape ni myit shangang ya let dai makam masham hta ngang kang grin nga na matu n-gun jaw shadum jahprang ma ai.

KASA 27:24

‘Pawlu e, hkum hkrit e! Hkawseng Kehta a man e nang tsap lu na rin dai; Karai Kasang gaw nang hpe matsan dum nga ai rai nna, nang hte rau ndai sanghpaw li hta jawn ai ni yawng a asak sum shangun na ra ai n rai,’ nga nna ngai hpe tsun sai.

KASA 27:31

Pawlu mahtang hpyen du wa hte hpyen la ni hpe, “Dai sanghpaw la ni sanghpaw ntsa e n nga sa yang gaw nanhte nan asak lawt lu na, myit mada shara nga sana n rai,” ngu mu ai.

ROMA 1:18

Shinggyim masha a shut hpyit mara gaw dai teng man ai lam hpe masha ni n chye hkra pat shingdang nhtawm n hkru n kaja ai amu hpe galaw shangun nga ai karai kata ai masha ni yawng a ntsa de, Karai Kasang a masin pawt ai myit gaw sumsing lamu de nna dan pru ra ai.

ROMA 5:6

Anhte kam hpa na shara kata nga ga yang Hkristu gaw Karai Kasang ladaw da ai ahkying hta tara n hkungga ai, n hkru n kaja ai ni a matu si hkam sai.

ROMA 5:8

Rai ti mung, anhte yubak kap ai ni naw rai nga yang Hkristu gaw anhte a matu mara si hkam sai. Ndai hku nna Karai Kasang gaw anhte hpe gade wa tsaw ra mi ai lam madun dan mani ai.

1 KORINHTU 10:12

Dai rai nna marai langai ngai gaw, tinang a hkum hpe ding hpring kangka ai hta ngang ngang tsap nga ai wa rai nga nngai, nga nna myit yang gaw, shi n kadawng na matu sadi nga u ga.

1 TIMOHTI 1:9

Kaja wa nga yang anhte a myit chye na da ra ai lam gaw; dai jep ai Tara gaw kaja ai masha ni a matu n rai; tara tawt lai ai ni hte si ging ai mara kaba lu ai ni, Karai kata ai hte yubak lu ai ni, nawku htung n hkan ai ni, makam masham shing n rai wenyi lam hta myit n lawm ai ni, tinang a kanu kawa ni hpe sat ai ni, masha sat ai ni a matu,

HEBRE 4:1

Ya Karai Kasang gaw anhte hpe ngwi pyaw ban sa ai lam hkam la shangun na nga nna tsun da ai ga ndat jaw da mani ai. Dai ga ndat jaw da sai ngwi pyaw ban sa ai lam hpe nanhte hta na langai mi mung n lu la ai n nga myit ga, anhte sadi nga ga.

YAKU 5:6

Nanhte gaw mara n kap ai masha ni hpe daw dan nna sat kau manu ai; shanhte gaw nanhte hpe ninghkap nga ai n rai.

1 PETRU 5:8

Nanhte htauli htaula rai nga mu! Nanhte a hpyen wa ngu ai Satan gaw, kadai hpe kawa mayu sha kau lu na i? nga nna shabam ai hkanghkyi zawn ningwan hkawm nga ai.

2 PETRU 3:7

Rai ti mung Karai Kasang gaw ya nga nga ai sumsing lamu ni hte ginding aga hpe wan hte jahten kau na matu moi na mungga hte nan kyem mazing da nga wu ai. Shanhte hpe tara n hkungga ai masha ni hte rau tara daw dan nna jahten kau na nhtoi du hkra naw tawn da wu ai.

YUDA 1:15

Masha yawng a ntsa e dai tara jeyang na ra ai; masha yawng mayawng hpe shanhte galaw ai n hkru n kaja ai amu ni a matu mung Karai kata ai masha ni Karai Kasang hpe ninghkap ai hku tsun shaga kau ai hkrithpa ga ni yawng a matu mung jeyang daw dan na ra ai!,” nga nna myihtoi ga hta tsun da sai.

1 SAMUELA 15:18

shi gaw nang hpe dai n hkru ai Amalek masha ni hpe jahten shaza kau na matu hkang da let shangun dat nit dai; shanhte yawng hpe sat kau ngut ai shani du hkra, htim gasat na matu shi nang hpe tsun nu ai.