1 PETRU 4:11 - Jinghpaw Common Language Bible 2009

¹¹ Marai langai ngai hkaw tsun a yang gaw, Karai Kasang a mungga hpe hkaw tsun u ga, marai langai ngai daw jau a yang gaw Karai Kasang jaw da ai n-gun lagaw hte maren galaw daw nga u ga; shing rai yang she galaw ai amu yawng mayawng a majaw Madu Yesu a marang e Karai Kasang a hpung shingkang hpe shakawn kungdawn ai lam tai na rai nga ai. Yesu Hkristu hta hpung shingkang hte daru magam n-gun atsam gaw htani htana prat dingsa e anga nga ai law. Amen.

Jinghpaw Hanson Version Bible

¹¹ Yesu Hkristu a marang e, lam shagu hta e, Karai Kasang gaw shagrau shatsaw ai hkrum wa u ga, marai langai ngai ga tsun nga a yang gaw, Karai Kasang a mungga hte maren tsun nga u ga; langai ngai galaw daw nga a yang gaw, Karai Kasang jaw da ai n-gun lagaw hte maren, galaw daw nga u ga. Yesu Hkristu nan, hpung shingkang hte n-gawn tawa hpung shingkang, htani htana prat dingsa e anga nga ai law. Amen.

1 PETRU 4:11 ပူးပေါင်းရင်းမြစ်များ

SHAKAWN KUNGDAWN 145:13

Na a up hkang lam gaw htani htana agrin nga nna, nang gaw htani htana prat dingsa agrin nga ai hkawhkam wa rai nga ndai; Madu gaw shi a ga sadi ni hta sadi dung nga ai hte magam bungli ni yawng hta tsaw ra matsan dum ai wa rai nga ai.

ESAIA 8:20

Nanhte gaw shanhte hpe, “Dai Madu nanhte hpe kaning nga sharin nga ai hpe madat mu! Nat myihtoi ni tsun ai ga hpe hkum madat myit, shanhte nanhte hpe tsun ai ga gaw ru yak tsin-yam hpe yeng seng kau ya lu ai n rai,” ngu nna htan na myit dai.

YEREMIA 23:22

Shanhte gaw nye a makoi magap da ai myit mang lam ni hpe chye ya ma ai rai yang gaw, nye a amyu masha ni hpang de nye a mungga hkaw tsun na ma ai; shanhte hkawm sa ai n hkru ai asak hkrun lam ni hte shanhte galaw ai n shawp n kap ai amu ni hta na shanhte hpe shabai la lu na ma ai.

Daniela 4:3

“Karai Kasang anhte hpe madun dan ai mauhpa amu ni gaw kade wa galu kaba nga a hka! Shi galaw dan sai mauhpa lamik kumla ni kade sha hpung dagu rawng nga a hka! Karai Kasang gaw htani htana hkawhkam rai nga ai; shi gaw prat mi hte prat mi a up nga na ra ai.

Daniela 4:34

Ya sanit ning lai jang, hkawhkam wa gaw, “Sumsing lamu de mada yu nna shi a myit bai grin wa nga ai. Ngai gaw Tsaw Htum ai Karai Kasang hpe shakawn kungdawn ai hte htani htana ahkrung nga ai wa hpe shagrau hkungga let shi a hpung shingkang hpe kungdawn nngai. “Shi gaw htani htana a up nga na ra ai, shi a mungdan prat mi hte prat mi agrin nga na ra ai.

Daniela 7:14

Shi gaw ahkang aya, shagrau sha-a ai hte hkawhkam a daru magam jaw shagrau hkrum ai wa rai nna, amyu baw ni yawng a masha ni yawng mung, amyu bawsang ni hte ga amyu myu shaga ai ni yawng mung shi hpe daw jau na mara ai. Shi a ahkang aya gaw htani htana agrin nga nna, shi a mungdan htum mat na ra ai n rai.

MAHTE 6:13

Agung alau nga ai de anhte hpe n sa shangun ai sha, n kaja ai lam hta na mung shaw la mi law, (N gawn tawa hpe hkang ai ahkang hte hpung shingkang arawng sadang gaw, htani htana nang hta anga nga u ga law) Amen.

YAWHAN 13:31

Yuda pru mat wa ai hpang Yesu gaw, “Masha Kasha gaw ya hpung shingkang dan hkung nga ai rai nna, Karai Kasang mung Masha Kasha a hkum hta hpung shingkang dan hkung nga ai.

KASA 7:38

Nam mali e hpawng nga ai Israela amyu masha ni hte mung, anhte a ji wa ni hte mung, Sina bum e shingran jaw ai lamu kasa hte mung rau rai nga ai wa gaw shi nan rai nga ai. Anhte hpe bai htawn tsun na ap ya ai Karai Kasang kaw na asak hkrung ai mungga hkap la ai wa mung shi rai nga ai.

ROMA 11:36

Hpa majaw nga yang arai yawng mayawng hte hpe shi hpan da nu ai rai nna yawng mayawng hte gaw shi a matu mara pra nga ai a majaw shi kaw e htani htana hpung shingkang anga nga u ga law! Amen.

ROMA 12:3

Dai rai nna, kadai mung tinang hkum hpe mai myit ai hta jan nna nau wa n rai dum na matu Karai Kasang ngai hpe jaw ai Wenyi chyeju kumhpa a marang e nanhte langai hte langai hpe ngai htet shana dat nngai. Shing rai na malai nanhte langai hte langai hpe makam masham ren di nna garan jaw da sai hte maren tinang a hkum hpe sari rawng ai hku myit yu nna daw dan la u ga

ROMA 16:27

Langai sha rai nga ai, shi chyu sha hpaji rawng htum ai Karai Kasang hta, Yesu Hkristu a marang e htani htana hpung shingkang anga nga u ga law. Amen.

ROMA 3:2

Lam shagu hta akyu grai nga ai! Shawng nnan e Yuda amyu masha ni gaw Karai Kasang a shingran ga hkam la lu ma ai.

1 KORINHTU 10:31

Rai sa! Dai majaw, nanhte sha ti mung, lu ti mung, hpa galaw ti mung, nga manga hta Karai Kasang a hpung shingkang hpe tam let, a galaw nga mu.

1 KORINHTU 12:4

Ya Wenyi kumhpa ni gaw amyu myu nga ai, Rai ti mung dai chyeju kumhpa ni hpe Wenyi langai kaw nna jaw ya nga ai.

1 KORINHTU 3:10

Karai Kasang ngai hpe jaw ai chyeju kumhpa hpe lang let, hpaji rawng ai nta shachyaw ai wa zawn, ngai npawt nhpang gaw jahkrat da se ai; kaga masha langai mi gaw dai hta e gaw kahtap nga ai. Rai ti mung gaw kahtap ai ni langai hte langai gaw, tinang gara hku gaw kahtap ai hpe sadi sahka hte yu yu nga u ga.

1 KORINHTU 6:20

Madu gaw nanhte hpe jahpu manu daw nna mari da sai ni rai nga myit dai; dai re ai majaw, nanhte a hkum hkrang hpe Karai Kasang a hpung shingkang dan hkung na matu jai lang nga mu.

2 KORINHTU 2:17

Anhte gaw kaga masha law law ni zawn, Karai Kasang a mungga hpe manu hpa ai gun rai hpe zawn dut mari ai lam n galaw ga ai. Rai ti mung anhte gaw Karai Kasang e shangun dat ai ni rai nna, Hkristu a shangun ma ni hku nna Karai Kasang a man e dai mungga hpe teng man san seng ai myit hte hkaw tsun ga ai.

2 KORINHTU 9:13

Ndai nanhte a galaw daw ai amu a awng dang ai kasi kaja a majaw, masha law law gaw, nanhte Hkristu a kabu gara shiga hpe kangka sadi dung ai hku hkap la kam sham myit dai majaw mung, nanhte a shawang myit hte shanhte hte kaga masha ni hpe ndaw nhta alu jaw ya myit dai majaw mung, Karai Kasang a hpung shingkang hpe shagrau sha-a na mara ai.

EHPESU 1:19

Madu hpe kam sham ai ni hta amu galaw nga ai shi a atsam gaw kade wa galu kaba nga ai hpe mung, nanhte mu chye lu na matu, nanhte a kraw lawang nyan hpaji myit hpaw wa malit ga, ngai hpyi nngai.

EHPESU 4:29

Nse ai ga hkaw mi mung nanhte a n- gup na n pru u ga, madat mara nga ai ni a matu akyu byin hkra ra nga ai hte maren shadaw shalan na matu mai kaja ai ga sha atsun nga mu.

EHPESU 5:20

Anhte a Madu Yesu Hkristu a mying ningsang gang nna lam shagu a matu Kawa Karai Kasang a chyeju hpe tut nawng e shakawn kungdawn nga mu.

EHPESU 6:10

Hpang jahtum dai Madu hte langai sha tai ai hku nna mung, shi a hpung shingkang hte mung, nanhte a n-gun lapyin shagreng da nga mu.

HPILIPI 1:11

Dai hta n-ga, Karai Kasang a hpung shingkang dan hkung wa na hte shi a arawng sadang hpe masha ni shakawn shagrau mu ga, Yesu Hkristu a marang e sha, lu la ai kaja dik ai ding hpring ai asi ni gaw nanhte a asak hkrung lam ni hta hpring tsup wa na malit dai.

HPILIPI 2:11

Kawa Karai Kasang a hpung shingkang a matu mara, Yesu Hkristu gaw Madu rai nga ai nga, shinglet yawng mayawng e yin la hkam la na mara ai.

KOLOSE 4:6

Nanhte tsun ai ga gaw galoi mung jum shum ai zawn na ra shing-nyi rawng nna chyeju masa hku myit lawm shangun ai ga rai nna san ai masha shagu hpe jaw ai mahtai jaw lu na matu shajin da nga mu.

1 HTESALONI 2:4

Shing rai na malai anhte gaw Karai Kasang tsun shangun ai hte maren galoi mung atsun nga ga ai; hpa majaw nga yang, Karai Kasang gaw anhte hpe gingdan ai ni re ai lam jep sagawn mu chye lu sai rai nna, dai Kabu Gara Shiga hkaw tsun na matu kam da mani ai. Anhte gaw masha hpe sharawng awng shangun na shakut ga ai n rai, anhte a maw mawn ai myit hpe manaw jep yu ai Karai Kasang hpe sharawng awng shangun na matu she shakut ga ai.

1 TIMOHTI 1:17

Ya htani htana Hkawhkam rai nna, n hten n mat chye ai hpe myi hte n mu lu ai, langai sha rai nga ai Karai Kasang kaw arawng sadang hte hpung shingkang gaw htani htana prat dingsa e anga nga u ga law! Amen.

1 TIMOHTI 6:16

Shi chyu sha n si n mat ai wa rai nna, shi gaw kadai mung n shani sa lu ai nhtoi hta shanu nga ai. Kadai mung shi hpe n mu yu ai hte kadai mung shi hpe n mu lu nga ai. Shi hta arawng sadang hte htani htana hpung shingkang a nga nga u ga law! Amen.

TITU 2:1

Rai ti mung nang chyawm gaw teng man ai makam masham hte myit hkrum ai lam hpe hkaw tsun sharin shaga lu na rai ndai.

TITU 2:15

Nang gaw ndai lam ni hpe hkaw tsun sharin shaga u. Nang n-gun jaw shadum shahprang sharin shaga ai shaloi nang lu ai ahkang aya nga manga jai lang u; kadai mung nang hpe n gawn n sawn, n yu kaji mu ga.

HEBRE 13:7

Nanhte hpe Karai Kasang a mungga tsun dan lai wa sai shawng de na nanhte a lam woi ningshawng ni hpe myit dum nga mu. Shanhte kaning rai asak hkrung nna gara hku si wa masai hpe amyit dum nga nna, shanhte a makam masham hpe len ningli la nga mu.

HEBRE 5:12

Aten hpe sawn yu yang nanhte gaw sara ni tai ram manit dai, rai ti mung Karai Kasang a shawng na ga kanu mungga hpe pyi marai langai ngai e nanhte hpe naw sharin ya ra nga myit dai. Nanhte gaw ja ai lu sha sha na malai chyu sha naw alu ra nga myit dai.

YAKU 1:19

Nye a tsaw ra ai hpu nau ni e, ndai lam matsing tawn da nga mu! Nanhte langai hte langai gaw na la na mahtang lawan nna tsun shaga na hte masin pawt na lam hta hkum tin nga mu.

YAKU 1:26

Ngai gaw nawku htung shadik ai wa rai nngai nga nna marai langai ngai myit nawn dam ti mung, shi a shinglet hpe n hkang lu yang gaw, shi a nawku htung gaw kaman lila sha rai nna shi a hkum hpe hkalem kau da wu ai.

1 PETRU 2:12

Tara maigan de na ni nanhte hpe n hkru n kaja ai lam galaw ai ni re ngu nna shadu myit yang, nanhte a kaja ai amu mu lu nna dai Madu bai du sa ai Nhtoi hta Karai Kasang hpe shakawn shagrau mu ga, nanhte gaw shanhte a man e nanhte a arawn alai lam hta tsawm htap kup tsup nga myit ga law.

1 PETRU 2:5

Nanhte gaw asak hkrung nga ai nlung ni zawn Karai Kasang kaw sa nna dai wenyi hte seng ai htingnu gaw gap ai hta nanhte ni nan shang lawm jai lang hkam nga mu. Dai shara hta Madu Yesu a marang e wenyi hte seng nna sharawng awng hkap la ging ai shagu hkungga ni hpe Karai Kasang kaw nawng ya na matu chyoi pra ai hkinjawng ni zawn nanhte daw jau na rai myit dai.

1 PETRU 4:10

Nanhte gaw Karai Kasang kaw na laksan chyeju kumhpa ni hpe hkam la lu ai hte maren, Karai Kasang a chyeju kumhpa amyu myu hpe kaja ai lit hkam hpareng wa zawn shada da a mai kaja ai akyu a matu jai lang nga mu.

1 PETRU 4:16

Rai ti mung Hkristan rai nga ai majaw nni nkri hkrum a yang gaw, dai hpe hkum kaya nga mu; de a malai Hkristu a mying nsang hkam la lu ai majaw Karai Kasang hpe chyeju dum shakawn nga mu.

1 PETRU 5:11

Shi kaw htani htana n-gawn tawa n-gun atsam anga nga u ga law. Amen.

YUDA 1:25

anhte a langai sha rai nga ai Karai Kasang hkye hkrang la ai Madu kaw anhte a Madu Yesu Hkristu a marang e, hpung shingkang daru magam hpung dagu hte ahkang aya, chyi nma pri npra aten kaw nna, ya e rai ti mung, htani htana prat dingsa e rai ti mung anga nga u ga law. Amen.