1 PETRU 4:10 - Jinghpaw Common Language Bible 2009

¹⁰ Nanhte gaw Karai Kasang kaw na laksan chyeju kumhpa ni hpe hkam la lu ai hte maren, Karai Kasang a chyeju kumhpa amyu myu hpe kaja ai lit hkam hpareng wa zawn shada da a mai kaja ai akyu a matu jai lang nga mu.

Jinghpaw Hanson Version Bible

¹⁰ Langai hte langai chyeju kumhpa lu la ai hte maren, Karai Kasang a chyeju amyu myu hpe, kaja ai hpajau wa jau ai zawn, nanhte shada da dai hpe jau hkat nga mu.

1 PETRU 4:10 ပူးပေါင်းရင်းမြစ်များ

MAHTE 20:28

Hpa majaw nga yang, dai Masha Kasha wa pyi, masha kaga wa hpe yam sha na nga nna du sa ai n rai; masha kaga hpe galaw daw na matu mara, shi a asak hpe gawng malai jahpu shatai na nga nna du sa ai,” ngu mu ai.

MAHTE 24:14

Dai mungdan a Kabu Gara Shiga a lam hpe, masha amyu baw shagu a matu mara sakse tai u ga, mungkan ting hta e hkaw dan lu na rai nga ai; dai hpang e jahtum nhtoi gaw du na ra ai.

MAHTE 24:21

Hpa majaw nga yang, mungkan ga nnan lat kaw nna dai ni du hkra galoi mung garai n byin yu ai hte hpang de mung galoi n byin lu na ru tsang kaba hta grau sawng ai rai na ra ai.

MAHTE 24:45

“Dai rai yang, sadi dung nna hpaji rawng ai mayam gaw kadai wa rai nga a ta? Dai wa gaw kaga mayam ni hpe up hkang na hte aten du jang lusha garan jaw na matu shi a madu e san da hkrum ai wa rai nga ai.

MAHTE 25:17

Joi lahkawng lu ai wa mung dai hte maren ga nna joi lahkawng bai myat la nu ai.

MAHTE 25:44

“Shaloi shanhte mung, ‘Madu e, nang kawsi ai, hpang gara ai, manam tai hkawm ai, singgu krin re ai, machyi hkrum ai hte htawng rawng ai hpe anhte galoi mu nna, nang hpe n gawn lajang, n galaw daw ai nga ga ta?,’ ngu nna shanhte htan na mu ai.

MARKU 10:45

Hpa majaw nga yang, dai Masha Kasha wa pyi, masha hpe yam sha na nga nna du sa ai n rai; Masha hpe galaw daw ya na hte shi a asak hpe nawng ya kau nna masha law law hpe hkye mawai shaw la na matu du sa ai,” ngu nna tsun mu ai.

LUKA 12:42

Dai Madu gaw, “Dai rai yang gaw, kangka ai hte hpaji rawng ai shangun ma gaw kadai wa rai na rai ta? Nta Madu wa e, shangun ma ni hpe up hkang na hte, aten du jang lusha karan jaw na san da hkrum ai wa rai nga ai.

LUKA 19:13

Shi garai n pru sa wa yang, shi a shangun ma ni marai shi hpe shaga la nhtawm, ja dengga langai hpra, shanhte hpe ap ya da nna, ‘Ngai bai wa ai du hkra ndai hte hpaga ga mu,’ ngu nna shanhte hpe hkang da mu ai.

LUKA 8:3

Herod a nta dinghku hpe yu hpajang ai kunhting wa Kuhta a madu jan Yawhana Susanna hte num ni law law wa, tinang a lu lawm ai ja gumhpraw arung arai ni hte, Madu hte sape ni hpe karum madi shadaw jai lang nna galaw daw let hkan nang nga ma ai.

ROMA 15:25

Ya hkyak hkyak e chyawm gaw, Karai Kasang a amyu masha ni hpe karum madi shadaw ai amu gun hpai na matu Yerusalem mare de sa wa nga nngai.

ROMA 15:27

Shing rai shanhte daw dan ai lam gaw, masha e shadut ai majaw n rai, rai ti mung, teng sha tsun ga nga yang dai matsan mayan ni hpe karum madi shadaw na shanhte hta lit nga nga ai. Hpa majaw nga yang, Yuda amyu masha ni hkam la ai Wenyi shaman chyeju sali wunli ni hpe maigan masha ni hpe mung jawm hpawm hkam la shangun masai rai nna maigan masha ni mung shanhte hkam la ai shaman chyeju ni ngu ai mungkan arung arai ni hte Yuda masha ni hpe chyeju htang ai hku bai karum la ang ma ai.

1 KORINHTU 15:10

Rai ti mung, Karai Kasang a chyeju majaw, ngai gaw ngai wa rai nga nngai; ngai hpe Karai Kasang jaw ai chyeju mung kaman lila n rai nga ai sha, kaga kasa ni yawng hta, ngai grau nna bungli galaw gun hpai shaja nngai. Shing rai galaw lu ai gaw, nye a atsam majaw n rai, ngai hte rau amu galaw nga ai Karai Kasang a chyeju a majaw rai nga ai.

1 KORINHTU 3:10

Karai Kasang ngai hpe jaw ai chyeju kumhpa hpe lang let, hpaji rawng ai nta shachyaw ai wa zawn, ngai npawt nhpang gaw jahkrat da se ai; kaga masha langai mi gaw dai hta e gaw kahtap nga ai. Rai ti mung gaw kahtap ai ni langai hte langai gaw, tinang gara hku gaw kahtap ai hpe sadi sahka hte yu yu nga u ga.

1 KORINHTU 4:7

Kadai wa mi nang hpe masha kaga hta grau shangun nga a ta? Nanhte lu ai yawng mayawng hte gaw Karai Kasang jaw ai n rai ni? Dai re ai mi nanhte hkam la lu ai arai ni gaw Karai Kasang kaw na hkam la lu ai chyeju kumhpa n re ai zawn nanhte gumrawng ai gaw, kaning re ai rai ta?

2 KORINHTU 6:1

Nanhte gaw Karai Kasang a chyeju hkam la ai ni rai nga myit dai hte maren dai chyeju hpe lahpawt lama n di kau myit ga, anhte Karai Kasang a shingdep shingtau ni hku nna nanhte hpe hpyi lajin dat ga ai.

2 KORINHTU 9:1

Yuda mung na Karai Kasang a masha ni hpang de shagun dat ai karum madi shadaw ai lam hte seng nna, nanhte hpang de ngai ka dat shara n nga ai.

EHPESU 3:8

Ngai gaw Karai Kasang a masha ni hta kaji dik ai wa hta pyi grit nem ai wa rai nga nngai; rai ti mung, Karai Kasang gaw Hkristu a chyahtum chyalai re ai ngamu ngamai lam hte seng ai dai Kabu Gara Shiga hpe maigan masha ni hpang de la sa na matu mung,

EHPESU 4:11

Shinggyim masha ni hpe chyeju kumhpa ni hpe jaw ya ai Madu mung shi nan rai nga ai. Shi gaw nkau mi hpe kasa, nkau mi hpe myihtoi, nkau mi hpe Kabu Gara Shiga hkaw hkawm ai ni, nkau mi hpe hpung up ni hte sara ni di nna san da shajang mu ai.

2 TIMOHTI 1:18

Madu gaw shi hpe dai tara jeyang ai nhtoi hta matsan dum ai lam jaw ya u ga; Ehpesu mare e shi ngai hpe gade wa karum sai gaw, nang atsawm sha chye nga ndai.

TITU 1:7

Hpa majaw nga yang Hpung up wa gaw Karai Kasang a magam amu hpe lit la nna gun hpai ai wa rai nna, mara n rawng ai wa mai rai nga ai. Shi gaw myit tsaw myit dap ai wa, sindawng katawt ai wa, chyaru len ai wa, ga li ga law anu ajin rai chye ai wa, shing n rai gumhpraw marin ai wa n mai rai nga ai.

HEBRE 6:10

Hpa majaw nga yang, Karai Kasang gaw n tara ai wa n rai nga ai. Shi gaw nanhte galaw gun hpai lai wa sai magam bungli hpe mung, Madu hpe tsaw ra ai lam nanhte madun dan na matu lai wa sai ten kaw nna ya du hkra Hkristan masha shada da karum la hkat ai hpe mung, Karai Kasang malap kau wu ai n rai.

1 PETRU 5:10

Rai ti mung nanhte jahkring sha mi nni nkri hkam ngut ai hpang, chyeju yawng mayawng a Madu rai nga ai Karai Kasang gaw nanhte hpe Hkristu hta langai sha tai shangun nna htani htana hpung shingkang hta shang sha lu mu ga, nanhte hpe shaga la ai Madu shi nan nanhte hpe ra n rawng hkra jahkum shatsup ai lam shangang shakang ai lam, n-gun lagaw sharawng ai lam ni jaw nna ngang kang ai npawt hkridun hta tsap nga lu ai ahkang jaw na marin dai.

1 PETRU 5:12

Ngai gaw ndai laika kadun ni hpe Sila a karum ai hte ka dat we ai; shi gaw ngai grai kam lu ai kangka ai Hkristan hpu nau wa langai mi rai nga ai ngu nna ngai sawn da ai rai nga ai. Ndai gaw Karai Kasang a teng man ai chyeju rai nga ai lam ngai nanhte hpe n-gun jaw let sakse hkam na matu ndai laika ka dat nngai, Dai hta ngang ngang tsap ngu mu.