1 PETRU 3:8 - Jinghpaw Common Language Bible 2009

⁸ Hpungdim hku nna tsun mayu ai gaw, nanhte yawng hte hta maren mara re ai myit masa hte myit hta hkam sha ai lam rawng nga lu na rai nna; shada da shinggyim nau na zawn tsaw ra ai hte shada da matsan dum nna shagrit shanem hkat nga mu.

Jinghpaw Hanson Version Bible

⁸ Dai hta n-ga, nanhte nlang shada da myit hkrum nna, myit yu machyi ai, hpunau shada da tsawra nna, matsan dum ai hte myit gyip ai;

1 PETRU 3:8 ပူးပေါင်းရင်းမြစ်များ

SHAKAWN KUNGDAWN 103:13

Kawa gaw kasha ni hpe matsan dum lama ai zawn, Dai Madu gaw shi hpe shagrau sha-a ai ni hpe matsan dum nga ai.

GA SHAGAWP 28:8

Amyat sha nna masha kaga wa hpe zai hku nna dip sha let na a sut gan hpe shalaw la ai wa rai yang, matsan mayan ni hpe matsan dum ai wa a lata de, na a sut gan shang mat wa na ra ai.

ZEHKARIA 7:9

“Moi shawng de nye a amyu masha ni hpe ning ngu ai hkang da ai ga ngai jaw ni ai: ‘Teng man ai hku amu daw dan ai hpe nanhte mu lu na myit dai. Langai hte langai matsan dum ai myit hte n-gaw n wai ai myit madun hkat nga mu;

MAHTE 18:33

Ngai nang hpe matsan dum de ai hte maren, na a mayam manang wa hpe mung, nang matsan mai dum ndai n rai ni?,’ ngu wu ai.

LUKA 10:33

Rai ti mung, Samari masha langai mi mung, dai lam hku hkawm sa wa yang, dai wa kaw du nna, shi hpe mu jang, matsan yu dum ai myit hte sit sa wu ai.

KASA 2:1

Ya, Pentekoti shani du jang, kam sham ai ni nlang hte gaw shara mi hta sha hpawng nga ma ai.

KASA 27:3

Hpang shani e anhte Sidon mare de du ga ai, Yuli gaw Pawlu hpe matsan dum nna shi a jinghku ni kaw sa jahkrum na hte shi hta ra kadawn ai lam ni jaw ya, galaw da na ahkang jaw mu ai.

KASA 28:7

Ya dai shara hte nau wa n tsan ai shara hta zunlawng up ai Popli agyi kaba wa madu ai lamu ga ni nga shajang nga ai. Dai wa gaw anhte hpe matsan dum ai hte hkap hkalum la nna masum ya tup anhte shi a manam tai ga ai.

KASA 4:32

Dai kam sham ai shawa hpawng ting gaw myit mang langai sha rai nga ma ai. Kadai mung tinang lu ai arai hpe nye a n nga ai sha shanhte yawng gaw lu ai arai hpa hpe rai tim shada da jawm garan lang ma ai.

ROMA 12:10

Nanhte shada da tsaw ra ai hta langai hte langai shinggyim nau na myit majing rawng nga mu, hkungga lara ai hta shada da shagrau hkat nga mu.

ROMA 15:5

Nanhte nga manga hte gaw Hkristu Yesu a kasi ningli hpe hkan nna nanhte shada da myit mang langai sha rai nga lu u ga, hkam sharang ai atsam hte myit shatsam ya ai lam jaw ya nga ai Karai Kasang gaw nanhte hpe woi awn nga u ga law.

1 KORINHTU 1:10

Hpu nau ni e, anhte a Madu Yesu Hkristu a mying nsang ahkaw ahkang hte nanhte yawng hpe ngai hpyi nem dat nngai. Nanhte hta myit garan nna daw hka bra wa ai lam n nga na matu nanhte tsun shaga ai mung sumtu hta myit hkrum nga mu. Nanhte gaw myit mang ai lam langai sha, yaw shada ai lam langai sha hte tsep kawp myit hkrum kahkyin gumdin nga mu.

1 KORINHTU 12:26

Shing rai daw shan langai mi nji nmu hkrum yang, daw shan kaga ni yawng mung, dai hte rau machyi hkrum ma ai. Daw shan langai mi shakawn shagrau ai hkrum yang, daw shan kaga ni yawng mung rau kabu gara nga ma ai.

EHPESU 4:2

Tut nawng e shagrit shanem nna sumnung shingdi ai hte hkam sharang nga mu. Nanhte a tsaw ra myit hpe madun nna shada da hkam mana nga mu.

EHPESU 4:31

Dai majaw myit machyi ai, sindawng kahtet ai, masin pawt ai, marawn ahkre ai, n kaw n law di ai, n ju n dawng ai myit amyu myu hte kaga dai hte bung ai lam ni yawng mayawng hpe yeng seng kau mu.

EHPESU 4:32

Nanhte shada da matsan dum ai, mai kaja ai myit madun hkat nna Karai Kasang gaw Hkristu hta e nanhte a mara raw ya manit dai hte maren nanhte mung shada da mara raw dat hkat nga mu.

HPILIPI 2:3

Gumrawng gumtawng mayu ai myit, tinang akyu tam mayu ai myit, hte hpa mung hkum galaw mu; masha kaga wa gaw tinang hta grau kaja nga ai ngu nna tut nawng myit la let shada da shagrit shanem ai myit hte kanawn mazum nga mu.

HPILIPI 3:16

Gara hku mi rai ti mung, anhte gaw dai ni du hkra hkan sa lai wa sai lai masa ni hte maren shawng de shanang nna hkawm sa wa ga.

KOLOSE 3:12

Nanhte gaw Karai Kasang a masha ni rai nga myit dai rai nna, shi gaw nanhte hpe tsaw ra nna shi a matu mara lata la hkrum ai ni rai nga myit dai. Dai re ai majaw nanhte gaw n ja n hpra ai, matsan dum lama ai, myit nem ai, sumnung shingdi ai myit galu kaba ai hpe bu hpun dagraw nga mu.

HEBRE 13:1

Nanhte gaw Hkristan hpu nau ni rai nga myit dai hte maren shada da tsaw ra nga mu.

YAKU 2:13

Hpa majaw nga yang matsan dum ai lama myit n rawng ai masha hpe daw dan ai shaloi Karai Kasang gaw matsan dum lama ai lam madun na ru ai n rai; rai ti mung matsan dum lama ai lam gaw tara daw dan ai hpe awng dang kau wu ai.

YAKU 3:17

Rai ti mung ntsa de na du sa ai hpaji byeng-ya chyawm gaw shawng npawt e san seng ai, dai hpang ngwi pyaw sim sa ai, sumnung shingdi ai hte hku hkau ai lam hpe byin shangun nga ai hta n ga, tsaw ra matsan dum myit hte hpring nna kaja ai magam bungli ni ngu ai apu asi ni hpe shabyin shapraw nga ai. Dai gaw myi man lata ai lam hte hpyi hpun ai lam hta n lawm nga ai.

YAKU 5:11

Shanhte gaw hkam sharang lu ai ni rai ma ai majaw anhte gaw shanhte hpe a lu ai ni ngu gaw ai. Yoba a myit galu ai lam hpe nanhte na yu manit dai. Hpang jahtum Madu gaw shi hpe gara hku karum madi shadaw jaw ya sai lam nanhte chye nga myit dai. Hpa majaw nga yang dai Madu gaw tsaw ra matsan dum nna n gaw n wai myit hte hpring tsup ai wa rai nga ai.

1 PETRU 1:22

Ya nanhte gaw dai teng man ai lam hpe madat mara nga let nanhte a hkum ni hpe jasan jaseng kau nhtawm, nanhte a kam sham ai manaw manang ni hpe kaja wa tsaw ra nga myit dai. Dai rai nna nanhte shada da myit masin mahkra hte tsaw ra nga mu.

1 PETRU 2:17

Masha shagu hpe hkungga lara di mu; nanhte a kam sham ai hpu nau ni hpe tsaw ra nga mu. Karai Kasang hpe hkrit kamyin nga mu; hkawseng wa hpe mung hkungga lara di mu.

1 PETRU 5:5

Dai hte maren, Brang ram ni e, asak kaba sai myit su ni a npu e taw nga lu na rai myit dai. Nanhte shada da daw jau na matu, nanhte yawng mayawng shagrit shanem ngu ai lawngsap bu hpun dagraw da nga mu; hpa majaw nga yang, Chyum Laika hta, “Karai Kasang gaw gumrawng gumtawng ai ni hpe mung hkap shadang nga ai rai ti mung, myit shagrit shanem ai ni hpe chyeju jaw nna myi man pa shangun da mu ai,” ngu nna tsun nga ai.

2 PETRU 1:7

Tara hkungga ai lam hta hpu nau hpe n-gaw n wai ai, hpu nau hpe n-gaw n wai ai hta tsaw ra ai myit, a shajat nga mu.

1 YAWHAN 3:14

Anhte hpu nau ni hpe tsaw ra nga ga ai majaw, anhte si ai kaw nna hkrung ai de kawt lu sagaw ai hpe anhte chye ga ai. Kahpu kanau ni hpe n tsaw ra ai wa gaw dai si ai a n-gun atsam kata e sha anga nga ai wa rai nga ai.