1 PETRU 3:7 - Jinghpaw Common Language Bible 2009

⁷ Dai hte maren madu wa ni e, madu jan ni gaw n-gun kya ai amyu ni re ai ngu ai hpe atsawm sha chye na let nanhte a madu jan ni hte kanawn mazum nga mu. Shanhte hpe hkungga lara di mu, hpa majaw nga yang shanhte mung nanhte hte maren Karai Kasang kaw na asak a sali wunli kumhpa hpe hkam la na ni rai ma ai. Ndai lam galaw mu, shaloi she nanhte a akyu hpyi ai ga ni hpe hpa e mung dingbai dingna n shabyin na re.

Jinghpaw Hanson Version Bible

⁷ Dai hte maren, lasha ni e, chye chyang ai hku hkan nna, n-gun kya ai hkumhkrang ngu ai numsha hte rau kanawn mazum nga mu: nanhte a akyu hpyi ai ga gang kau ya ai n hkrum myit ga, nanhte hte maren asak a sali wunli akyu lu la na ni hpe zawn, shanhte hpe hkungga lara di mu.

1 PETRU 3:7 ပူးပေါင်းရင်းမြစ်များ

YOBA 42:8

Ya, usu sanit hte sagu la sanit Yoba hpang de la sa nna, dai ni hpe nanhte a matu shagu hkungga shatai let nawng ya mu. Shaloi, Yoba gaw nanhte a matu akyu hpyi ya na ra ai; ngai mung shi a akyu hpyi ga hpe htan ya na nngai; nanhte hkam la ging ai ari hte maren ngai kaya n jahkrum na nngai. Nanhte gaw shi galaw ai zawn nye a lam hpe teng man ai hku n tsun nga myit dai,” ngu nna tsun wu ai.

MAHTE 18:19

Bai ngai nanhte hpe naw tsun made ga, nanhte hta na marai lahkawng dinghta ga hta e myit hkrum da ai hte hpa lam hpe mung hpyi mu yang gaw, sumsing lamu e nga ai nye Wa gaw shan a matu dai hpe shatup ya na mu ai.

1 KORINHTU 7:3

Madu wa gaw htung hte maren madu jan hte kanawn u ga, madu jan mung dai hte maren madu wa hte kanawn nna, langai wa gaw langai wa a ra ai lam ni hpe jahkum shatsup ya u ga.

EHPESU 3:6

Dai sung htum ai lam gaw, Kabu Gara Shiga a marang e maigan masha ni gaw Yuda masha ni hte rau Karai Kasang a shaman chyeju ni hpe hkam la lu ai ahkang lu la lu ai lam rai nga ai. Shanhte hte Yuda masha ni gaw hkum hkrang langai sha hta na daw shan ni rai nna Hkristu Yesu a marang e Karai Kasang jaw ai ga ndat a sali wunli kamhtaw hkam la na ahkang lu la ma ai.

EHPESU 4:30

Dai hta n ga Chyoi Pra ai Wenyi hpe hkum shayawn kau nga myit; hpa majaw nga yang dai Chyoi Pra ai Wenyi gaw nanhte hpe Karai Kasang madu nga ai lam sakse masat dazik rai nna hpang jahtum nhtoi e nanhte hpe Karai Kasang shalawt dat hkrum na ra ai hpe pahkam hkam ya ai lam langai mi mung rai nga ai.

EHPESU 5:33

Rai ti mung dai gaw nanhte hte mung seng nga ai. Madu wa shagu gaw shi a madu jan hpe tsaw ra lu na rai nna Madu jan shagu mung tinang madu wa hpe tsaw ra lu na rai nga ai.

EHPESU 6:18

Karai Kasang kaw na karum ai lam lu la u ga, hpyi nem let akyu hpyi ai hta ndai lam yawng hte hpe agalaw nga mu. Ndai lam a majaw amaja nga mu; galoi mung myit shayaw asum hkum jaw myit; Karai Kasang a masha ni a matu tut tut akyu hpyi nga mu.

KOLOSE 3:19

Madu wa ni e, nanhte a madu jan ni hpe tsaw ra nga nna, shanhte hpe kajet kaje hkum rai nga myit.

1 HTESALONI 4:4

Nanhte la ni langai hte langai gaw tinang a madu jan hte chyoi pra nna sari rawng tsawm htap ai hku kaning rai nga lu na lam chye ra nga ai.

TITU 3:7

Shing rai galaw ai lam gaw, anhte gaw shi a chyeju hte Karai Kasang e sharawng awng hkap la ai lam hkam la nna anhte myit mada nga ai htani htana asak hpe lu madu hkam la na matu rai nga ai.

HEBRE 1:14

Dai rai yang gaw, lamu kasa ni gaw kadai ni rai nga ma ta? Shanhte gaw hkye hkrang la ai sali wunli hkam la na ni hpe karum na matu Karai Kasang e shangun dat hkrum ai hte Karai Kasang hpe daw jau nga ai wenyi ni rai ma ai.

1 PETRU 3:1

Dai hte maren madu jan ni e, tinang a madu wa hkang ai hku hkan nga mu; ndai lai hku nna nanhte hta Karai Kasang a mungga hpe garai n kam n sham ai madu wa ni lawm ai rai yang gaw, nanhte a arawn alai hpe mu nna ga hkaw mi n tsun ra ai sha kam sham ai masha shatai la lu na myit dai.