1 PETRU 3:5 - Jinghpaw Common Language Bible 2009

⁵ Hpa majaw nga yang, moi shawng de na Karai Kasang hpe myit mada nga ai nawku makam masham kaba ai num ni mung shanhte a madu wa ni a hkang ai hte maren hkan sa ai hku nna shanhte a hkum hpe shatsawm jahtap ma ai.

Jinghpaw Hanson Version Bible

⁵ moi shawng na Karai Kasang hpe myit mada nga ai, chyoi pra ai num ni mung, tinang a hkum hpe shing rai jahtap mu ai rai nna;

1 PETRU 3:5 ပူးပေါင်းရင်းမြစ်များ

GA SHAGAWP 31:10

Atsam marai rawng ai dinghku num hpe mu lu na, gade wa yak nga a hka! Shi gaw lung seng ni hta grau hpu nga ai!

GA SHAGAWP 31:30

Hkum shingyan tsawm ai gaw hkalem chye nga nna, ahpraw nsam gaw hkoi mat chye nga ti mung, dai Madu hpe hkungga ai num chyawm gaw shakawn ging nga ai.

YEREMIA 49:11

Na a jahkrai nmai ni hpe ngai hte tawn da u, shaloi ngai gaw shanhte hpe lanu lahku la na nngai. Na a gaida gaina ni ngai hta shamyet shanat lu nga ma ai.

LUKA 2:37

Dai num gaw Nawku Htingnu kaw na n pru ai sha, lusha gam nna akyu hpyi ai hte Karai Kasang hpe nawku daw jau let anga nga ai.

KASA 1:14

Shanhte nlang hte gaw, Yesu a kanu Mari hte kaga numsha ni mung shi a kanau ni hte mung, akyu hpyi na matu ya sha ya sha myit mang langai sha hte hpawng nga ma ai.

KASA 9:36

Ya, Yopa mare hta Tabihta mying ai kam sham ai; numsha langai mi nga ai. (Shi a mying hpe Grik ga hku Dorka ngu ai rai nna de a lachyum “Chyahkyi” ngu ai re.) Shi gaw shi a aten hpe kaja ai amu bungli galaw nna matsan mayan ni hpe karum madi shadaw alu jaw ai lam hta jai lang nga ai.

EHPESU 5:33

Rai ti mung dai gaw nanhte hte mung seng nga ai. Madu wa shagu gaw shi a madu jan hpe tsaw ra lu na rai nna Madu jan shagu mung tinang madu wa hpe tsaw ra lu na rai nga ai.

1 TIMOHTI 2:10

nawku htung tara atsawm sha hkan shadik ai numsha ni a matu galaw ang ai lam hte maren mai kaja ai arawn alai hte tinang a hkum hpe mawn nga mu ga,

1 TIMOHTI 2:15

Rai ti mung numsha langai mi gaw sari sadang rawng nna, makam masham lam, tsaw ra ai lam hte chyoi pra ai lam hta matut nna shakut sharang nga yang gaw shangai shaprat ai a majaw shi hkye hkrang la ai hkrum na ra ai.

1 TIMOHTI 5:10

Dai hta n ga, shi gaw arawn alai kaja ai lam hta mung gumhkawng ai jan, kashu kasha ni hpe atsawm sha woi lanu lahku shakung jahpan ai jan, tsasam manam ni hpe shi a nta kaw hkap la nna galaw daw ai jan, Hkristan hpu nau ni hte seng nna galaw ra ai lit ni hpe myit nem ai hte galaw gun hpai ai jan, ru yak jam jau hkrum nga ai ni hpe karum ai jan, mai kaja ai magam bungli hpe ap nawng gun hpai ai jan rai ra ai.

1 TIMOHTI 5:5

Masha shingtai rai nna shi hpe yu lanu lahku na kadai n nga ai gaida jan langai mi gaw, Karai Kasang hta myit mada kam hpa let shani shana akyu hpyi ai hte Karai Kasang kaw na karum ai lam hpyi lajin nga ai.

HEBRE 11:11

Abraham gaw grai dingla ugut gu mat sai, Sara shi nan mung aprat lai sai majaw kasha n mai lu mat sai. Rai ti mung Abraham gaw kam sham ai hte kawa tai wa lu sai. Karai Kasang gaw shi ga sadi tawn da ai hte maren kangka ai Madu rai nga ai hpe Abraham kam hpa nga ai.

1 PETRU 1:3

Anhte gaw Madu Yesu Hkristu a Kawa Karai Kasang hpe shagrau sha-a nga ga; hpa majaw nga yang, shi a matsan dum ai myit kaba hte Yesu Hkristu hpe si mat ai kaw nna bai hkrung sharawt la ai a marang e shi anhte hpe asak sumdam ningnan bai jaw da mani ai rai nna anhte hta ahkrung nga ai myit mada shara jahpring shatsup ya mani ai.

1 SAMUELA 2:1

Hana gaw ning ngu akyu hpyi wu ai: “Dai Madu gaw nye a myit masin hpe kabu gara ai lam hte jahpring ya nu ai; shi galaw dan sai amu a majaw ngai kade sha kabu gara nga n hka! Ngai gaw nye a gumlau hpyen ni hpe mani nngai; Karai Kasang ngai hpe karum la nga sai majaw ngai kade sha kabu pyaw nga n hka!