1 PETRU 3:20 - Jinghpaw Common Language Bible 2009

²⁰ Dai wenyi ni gaw shawng de Noa sanghpaw li shachyaw ai nhtoi ni hta Karai Kasang gaw myit galu kaba hte ala nga yang shi hpe n madat n mara ai ni a wenyi ni rai ma ai. Dai sanghpaw li hta masha n law la ai-yawng rai yang she marai matsat sha hka hta na hkye la ai hkrum ma ai.

Jinghpaw Hanson Version Bible

²⁰ dai ni gaw, moi shawng na Noa lakhtak e, Karai Kasang a matsan dum ai myit ala nga timung, masha law ma ai n rai, marai matsat sha, hka hta na sai la jahkrum ai sanghpaw li hpe shachyaw da nga ai shaloi e, n madat mara re ai ni hpe nan, rai nga ma ai.

1 PETRU 3:20 ပူးပေါင်းရင်းမြစ်များ

NINGPAWT NINGHPANG 6:13

Karai Kasang gaw Noa hpe, “Ndai shinggyim masha ni yawng hpe jahtum kau na matu, ngai daw dan da se ai. Shanhte a kashun kashe du daw sai hkaw amu ni gaw ndai mungkan hta hpring chyat nga ai majaw, shanhte hpe ngai atsai awai shamyit kau na nngai.

NINGPAWT NINGHPANG 6:3

Dai hpang dai Madu gaw, “Shinggyim masha ni hpe ngai htani htana ahkrung nga shangun na n rai; shanhte gaw si chye ai ni rai nga ai. Shanhte gaw ya kaw nna asak latsa e hkun ning hta n jan ai sha nga lu na rai ma ai,” ngu nna tsun wu ai.

NINGPAWT NINGHPANG 6:5

Ga ntsa na shinggyim masha shagu hte gaw kade wa n shawp n kap nga ai hte aten shagu hta shanhte a myit mang ai lam kade wa n hkru nga ma ai hpe dai Madu mu ai shaloi,

NINGPAWT NINGHPANG 6:8

Rai ti mung dai Madu chyawm gaw Noa hpe awng sharawng nga wu ai.

NINGPAWT NINGHPANG 7:13

Dai shani jang, Noa hte shi a madu jan, shan a shadang sha masum rai nga ai Shem, Ham, Yahpet ni hte shanhte a madu jan ni gaw sanghpaw li kata de shang ma ai.

NINGPAWT NINGHPANG 8:1

Karai Kasang gaw Noa hte shi hte rau sanghpaw li hta rawng nga ai yam nga ni yawng hpe malap kau wu ai n rai; shi gaw nbung wa shangun dat ai rai nna, dai hka gaw yawm hpang wa nga ai.

NINGPAWT NINGHPANG 8:18

Dai rai nna Noa gaw shi a madu jan hte mung, shi a shadang sha ni hte shanhte a madu jan ni hte mung sanghpaw li kaw na pru wa ma ai.

ESAIA 30:18

Ti mung, dai Madu gaw nanhte hpe matsan dum la na matu ala nga ai. Shi gaw teng man ai amu tut nawng galaw ai majaw, nanhte hpe matsan dum la na matu jin jin rai nga ai. Dai Madu hpe kam hpa ai ni gaw a nga ai.

MAHTE 7:14

Rai ti mung, asak hkrung ai de hkrang ai chyinghka chyawm gaw, gyip nga ai hte de a lam yak la nga ai rai nna, dai hpe mu tam ai ni n law la ma ai.

LUKA 12:32

Sagu hpung kaji e, hkum hkrit et; hpa majaw nga yang, dai mungdan nanhte hpe jaw na, nanhte a Kawa myit ra sharawng nga ai.

KASA 2:41

Shanhte hta law law wa shi a ga hpe kam sham hkap la nna hkalup hkam la shajang nhtawm dai shani e masha hkying masum dang jat bang wa ma ai.

ROMA 9:22

Karai Kasang mung dai zawn galaw nga ai, Shi gaw shi a pawt sindawng ai hpe madun nna shi a atsam hpe shadan dan mayu nga ai. Rai ti mung, shi a pawt sindawng ai a majaw hten run sum hkrum mat na ging dan ai ni hpe myit galu ai hte hkam sharang ya nga ai.

EHPESU 5:26

Madu shi a asak hpe nawng kau ai lam gaw, dai hpung hpe hka hte jasan jaseng kashin kau nhtawm, shi a mungga hte Karai Kasang kaw nawng jau ai hte

HEBRE 11:7

Du na ra ai aten hta byin na ra ai garai n mu lu ai arai ni hte seng nna Karai Kasang sadi jaw ai hpe Noa na lu ai gaw shi a makam masham a majaw rai nga ai. Shi gaw Karai Kasang a ga hpe madat mara let sanghpaw li langai mi shachyaw nna shi hte shi a nta dinghku gaw hkye hkrang la ai hkrum manu ai. Shing re ai majaw, mungkan ga hpe shi jeyang nna Noa gaw makam masham hte seng ai ding hpring ai sali wunli hkam la nu ai.

1 PETRU 1:22

Ya nanhte gaw dai teng man ai lam hpe madat mara nga let nanhte a hkum ni hpe jasan jaseng kau nhtawm, nanhte a kam sham ai manaw manang ni hpe kaja wa tsaw ra nga myit dai. Dai rai nna nanhte shada da myit masin mahkra hte tsaw ra nga mu.

1 PETRU 1:9

Hpa majaw nga yang, Yesu Hkristu hta kam sham asak hkrung ai a yaw shada ai lam rai nga ai nanhte a asak wenyi ni a hkye hkrang la ai lam hpe hkam la lu nga manit dai.

1 PETRU 2:25

Nanhte gaw lam dam mat ai sagu ni zawn rai nga myit dai; ya chyawm gaw sagu rem wa hte nanhte a myit masin ni hpe up madu da ya ai wa a hpang e hkan nang na matu shi hpang de bai woi du wa manit dai.

1 PETRU 3:19

Shi gaw shi a wenyi hkum hta rai nga yang htawng rawng nga ai wenyi ni hpang de sa nna hkaw dan mu ai.

1 PETRU 4:19

Dai rai nna shanhte a matu Karai Kasang a myit ra ai hku hte maren nni nkri hkrum ai ni gaw kaja ai amu bungli galaw nga let galoi mung sadi dung nga ai tinang a Hpan Da Madu hta awm dawm kam hpa nga mu ga.

2 PETRU 2:5

Karai Kasang gaw moi prat nna mungkan masha ni hpe mung hkyamsa n jaw ai sha tara n hkung ga ai masha ni a mungkan hpe sha-u sha-ing kau mu ai; ding hpring ai lam hpe hkaw tsun ai wa Noa hpe chyu sha, kaga marai sanit hte hpawn shi hkye la wu ai.

2 PETRU 3:15

Anhte tsaw ra ai hpu nau Pawlu mung, Karai Kasang jaw ai hpaji byeng-ya hte nanhte hpang de ka dat sai hte maren anhte a Karai Kasang hkam sharang let la ding da nga ai lam gaw nanhte Hkye Hkrang la hkrum na matu ahkaw ahkang jaw ai lam she rai nga ai hpe mu chye nga mu.