1 PETRU 3:17 - Jinghpaw Common Language Bible 2009

¹⁷ Hpa majaw nga yang, Karai Kasang a myit ra ai lam she rai yang gaw, mai kaja ai amu galaw ai a majaw nni nkri hkrum ai gaw n hkru n kaja ai lam galaw nna nni nkri hkrum ai hta grau kaja nga ai.

Jinghpaw Hanson Version Bible

¹⁷ Dai rai nna, Karai Kasang dai hku hkraw nga a yang gaw, n kaja ai amu galaw nna nni nkri hkrum nga ai hta, kaja ai amu galaw ninglen nni nkri hkrum ai gaw, grau nna kaja nga ai.

1 PETRU 3:17 ပူးပေါင်းရင်းမြစ်များ

MAHTE 26:39

Shaloi, dai yang na shi loi mi lai sa nhtawm, ga de myi man gum dagup let akyu hpyi wu ai gaw, “Wa e, ndai n ni n kri ngu ai gawm hpe ngai kaw na shalai kau lu yang gaw, shalai kau ya e! Rai ti mung nye a myit n rai, na a myit she rai u ga,” ngu nna tsun wu ai.

MAHTE 26:42

Lang mi bai sa nna, “Wa e, ndai nni nkri gawm hpe ngai n lu ai sha, ngai kaw na shalai kau lu yang gaw, na a myit ra ai hku rai u ga law,” ngu nna akyu hpyi nga ai.

KASA 18:21

“Karai Kasang hkraw yang gaw, ngai nanhte hpang de bai du na ring ngai,” ngu nna shanhte hpe shakram da nhtawm, Ehpesu mare kaw na li hte pru mat wa ai.

KASA 21:14

Shingrai anhte Pawlu hkraw hkra n lu tsun ai majaw, “Madu a myit rai nu ga,” ngu nna anhte mung atsin sha nga mat ga ai.

1 PETRU 1:6

Nanhte hkrum hkra nga ai agung alau amyu myu a majaw ya jahkring jahkra yawn hkyen hkrum ra mat ti mung, dai hkye hkrang la ai lam a marang e nanhte akabu gara nga mu.

1 PETRU 2:15

Hpa majaw nga yang, nanhte galaw ai mai kaja ai amu ni a marang e machye machyang n rawng ai angawk angak nga nna shaga ai masha ni a ga hpe nanhte shazim kau mu ga, Karai Kasang ra sharawng nga ai.

1 PETRU 2:20

Nanhte gaw tinang galaw shut ai mara a majaw hkam la ging ai arai hpe hkam la ai rai yang, hpa baw shakawn shara mi nga na rai ta? rai ti mung teng man ai hpe galaw nga ninglen nni nkri hkrum sha ai hte machyi sharang nga myit yang gaw, Karai Kasang nanhte hpe de a matu shaman chyeju jaw na ra ai.

1 PETRU 3:14

Rai ti mung lama rai nna teng man ai lam hpe hkan sa galaw nga ninglen nanhte nni nkri hkrum myit yang gaw, kabu lu nga na rai myit dai. Kadai wa hpe mung hkum hkrit nga myit; myit mung hkum ru myit.

1 PETRU 4:15

Nanhte hta na langai ngai nni nkri hkrum yang, dai gaw masha sat ai wa shing n rai lagu ai wa, n hkru n kaja ai majaw daw dan hkrum ai wa, masha ni a amu hta hkan kajam chyau lau ai wa re ai majaw hkrum ai nni nkri n rai u ga.

1 PETRU 4:19

Dai rai nna shanhte a matu Karai Kasang a myit ra ai hku hte maren nni nkri hkrum ai ni gaw kaja ai amu bungli galaw nga let galoi mung sadi dung nga ai tinang a Hpan Da Madu hta awm dawm kam hpa nga mu ga.