1 PETRU 3:10 - Jinghpaw Common Language Bible 2009

¹⁰ Chyum Laika hta, “Tinang a asak hkrung lam hta kabu gara ai lam hkam sha let ngamu ngamai ai prat ladaw ni hpe ra sharawng mu mayu ai ni kadai mung, n hkru n kaja ai lam tsun shaga ai ga hpe koi kau nna masu ai ga tsun ai lam jahkring kau ra ai.

Jinghpaw Hanson Version Bible

¹⁰ Dai rai nna, “Asak hkrung ai tsawra nga ai hte Nhtoi kaja mu mayu ai wa kadai mung Shi a shinglet hpe n hkru ai kaw na, Shi a nten hkalem ga kaw na, jahka la u ga.

1 PETRU 3:10 ပူးပေါင်းရင်းမြစ်များ

YOBA 2:4

Satan gaw, “Masha gaw asak hkrung nga lu na matu lam shagu hpe asum hkam shagawm kau na rai nga ai.

YOBA 33:28

Shi gaw ngai hpe katsan ga de yu sa wa ai kaw nna mawai la nga ai, ngai naw ahkrung nga nngai,” ngu nna tsun wu ai.

YOBA 9:25

Nye a nhtoi ni gaw gat chyang ai wa hta grau lawan ti mung, dai nhtoi langai mi mung mai kaja lam byin wa ai n rai.

SHAKAWN KUNGDAWN 106:5

Na a amyu masha ni a ngamu ngamai ai lam hpe mung, na a amyu baw a kabu gara ai lam hpe mung, nang madu da ai amyu masha ni a kabu gumrawng ai lam hpe mung ngai hpe mu mada shangun e law.

SHAKAWN KUNGDAWN 27:13

Ngai naw hkrung nga ai prat hte hta Madu a mai kaja ai lam hpe ngai mu lu na hpe ngai chye nga nngai.

SHAKAWN KUNGDAWN 49:19

shi si ai aten hta, shi a kaji kawa ni yawng nga ai htani htana sin mak ai shara hta rau wa nga na ra ai.

GA SHAGAWP 3:18

Hpaji byeng-ya chye chyang ai ni gaw a lu ma ai; hpaji byeng-ya gaw shanhte hpe asak jaw ya na ra ai.

GA SHAGAWP 3:2

Nye a sharin shaga ai ga gaw nang hpe aprat galu shangun nna, ngamu ngamai ai asak hpe jaw ya na ra ai.

GA SHAGAWP 4:22

Shanhte gaw dai lam ni hpe chye na hkawn hkrang ai masha kadai hpe mung asak hkrung ai lam hte hkam kaja ai lam jaw ya na ra ai.

GA SHAGAWP 8:35

Ngai hpe mu tam ai masha wa gaw asak hpe mu la nna, dai Madu mung shi hta awng sharawng nga na ra ai.

HPAJI NINGLI 2:3

Hpaji byeng-ya a matu nye a myit ra sharawng ai hku shadut ai hta hkan let, nye a hkum hpe sabyi ntsin hte shapyaw nna mai kaja lam hkam la na nngai ngu daw dan da ni ai. Dai gaw ginding aga ntsa e hkring mi sha asak hkrung ai shinggyim masha ni aten shama kau lu ai kaja htum ai lam rai na re ngu, ngai myit nawn la nngai.

MAHTE 19:17

Yesu gaw, “Nang gaw mai kaja ai amu hte seng ai lam, hpa rai ngai hpe san yu n ta? Kaja ai wa Langai mi sha nga ai. Nang nan asak hkrung ai de shang mayu n yang gaw jep ai tara hpe hkan sa u,” ngu nna shi tsun wu ai.

MARKU 8:35

Hpa majaw nga yang, tinang a asak hpe hkye la mayu ai wa kadai mung asak sum na ra ai; rai ti mung nye a majaw hte dai Kabu Gara Shiga a majaw shi a asak sum ai wa chyawm gaw, dai hpe hkye la lu na wu ai.

YAWHAN 1:47

Yesu hpang de Nahtanela sa wa nga ai hpe mu wu ai shaloi, shi hpe sha-ang nna, “Sawt ai myit n rawng ai, Israela masha majing hpe yu yu mu,” ngu wu ai.

YAWHAN 12:25

Tinang a asak hpe tsaw ra nna lahpawt dum ai wa gaw asak sum na ra ai; ndai mungkan ga e, tinang a asak hpe n dawng ai wa chyawm gaw htani htana asak hpe makawp maga kyem da ai wa tai na ra ai.

TARA JAHPRANG 32:47

Ndai sharin shaga ai ga ni gaw kaman nmai nhkai re ai ga ni sha n rai; dai gaw nanhte a asak hkrun lam rai nga ai; nanhte madu la hkyen ai dai Yawdan hka wora hkran na mungdan hta asak galu nga malit ga gaw, dai ga ni hpe madat mara hkan sa nga mu,” ngu nna tsun wu ai.

YAKU 1:26

Ngai gaw nawku htung shadik ai wa rai nngai nga nna marai langai ngai myit nawn dam ti mung, shi a shinglet hpe n hkang lu yang gaw, shi a nawku htung gaw kaman lila sha rai nna shi a hkum hpe hkalem kau da wu ai.

1 PETRU 2:1

Dai re ai majaw nanhte gaw n hkru n kaja ai lam amyu myu hte masu hkalem ai lam sawt ai lam, manawn masham ai lam hte roi asawng ai ga ni hpe yeng seng kabai kau mu.

1 PETRU 2:22

Shi gaw yubak mara galaw yu ai n rai, shi a nten kaw na hkalem ai ga hkaw mi kadai na yu ai n rai.

SHINGRAN 14:5

Shanhte galoi mung masu magaw ai hku n chye tsun ma ai. Mara tsun na lam hpa n nga ai ni rai nga ma ai.