1 PETRU 3:1 - Jinghpaw Common Language Bible 2009

¹ Dai hte maren madu jan ni e, tinang a madu wa hkang ai hku hkan nga mu; ndai lai hku nna nanhte hta Karai Kasang a mungga hpe garai n kam n sham ai madu wa ni lawm ai rai yang gaw, nanhte a arawn alai hpe mu nna ga hkaw mi n tsun ra ai sha kam sham ai masha shatai la lu na myit dai.

Jinghpaw Hanson Version Bible

¹ Dai hte maren, numsha ni e, tinang a madu wa a hkang ai hku hkan nga mu: shanhte hta na langai ngai dai mungga hpe n madat ma timung, nanhte hkrit kamyin ai myit hte hkan nga ai chyoi pra ai arawn alai mada mu ma yang gaw,

1 PETRU 3:1 ပူးပေါင်းရင်းမြစ်များ

NINGPAWT NINGHPANG 3:16

Shi gaw numsha hpe mung, “Na a na-um nasin re ai tsin-yam hte shinggyim machyi ai nchyi nmu lam hpe ngai shalaw ya na nngai. Dai zawn hkrum hkra nga ti mung, nang gaw na a madu wa hta myit manoi nga nna, shi mung na a ntsa e up nga na ra ai,” ngu nna tsun wu ai.

GA SHAGAWP 11:30

Ding man ai lam gaw asak hpe jaw ya lu tim, kashun kashe du daw sai hkaw amu gaw dai hpe dawm kau ya nga ai.

GA SHAGAWP 18:19

Na a hpu nau wa hpe karum madi shadaw u, shaloi, shi gaw ngang ai mare bunghku zawn nang hpe makawp maga na ra ai; rai ti mung, ga law ga la rai nga yang chyawm gaw na a man e, shi a chyinghka pat kau ya na ra ai.

MAHTE 18:15

“Na nhpu nnau wa nang hpe shut hpyit kau yang gaw, shi hpang de sa nhtawm shi a mara hpe madun u. Rai ti mung nan lahkawng hkrai chyaw rai nna jahkrum kau u. Na a ga hpe madat la yang gaw na a nhpu nnau wa hpe nang mawai la lu nit dai.

ROMA 10:16

Rai ti mung dai Kabu Shiga hpe masha yawng hte wa hkap la kam sham ma ai n rai. Esaia shi nan, “Madu e anhte shana ya ai shiga hpe kadai wa kam sham nga a ta?,” nga nna tsun ai.

ROMA 6:17

Nanhte chyawm gaw shawng de kalang mi yubak mara a mayam ni tai yu manit dai rai ti mung nanhte hkap la kam sham sai sharin shaga ai lam hta na teng man ai lam ni hpe myit masin mahkra hte madat mara hkan sa manit dai majaw Karai Kasang a chyeju hpe ngai shakawn kungdawn nngai law!

ROMA 7:2

Ga shadawn tsun ga nga yang, Hkungran sai numsha langai mi gaw shi a madu wa asak naw hkrung nga dingsa, hkungran ai tara hte gyit hkang da nu ai. Rai ti mung, madu wa si mat a yang gaw, madu wa hte gyit hkang da ai tara hta na shi lawt nu ai.

1 KORINHTU 11:3

Rai ti mung, lasha nlang hte a baw gaw, Hkristu rai nga ai, numsha a baw chyawm gaw lasha rai nga ai, Hkristu a baw chyawm gaw Karai Kasang rai nga ai lam ngai nanhte hpe chye na shangun mayu made ai.

1 KORINHTU 14:34

Karai Kasang a masha ni a Hpung ni yawng hta hkan sa nga ai masa hte maren, numsha ni gaw dai zuphpawng ni hta atsin sha nga nga mu ga, shanhte hta ga shaga na ahkang n nga ai. Yuda ni a jep ai tara hta tsun da nga ai hte maren, shanhte gaw ningbaw ningla n tai lu ma ai.

1 KORINHTU 7:16

Hkristan numsha e, na a madu wa hpe hkye la lu na n re ngu nna hkrak nang kaning rai tsun lu n ta? Dai hte maren Hkristan lasha e, na a madu jan hpe hkye la lu na n re ngu nna hkrak nang kaning rai tsun lu n ta?

EHPESU 5:33

Rai ti mung dai gaw nanhte hte mung seng nga ai. Madu wa shagu gaw shi a madu jan hpe tsaw ra lu na rai nna Madu jan shagu mung tinang madu wa hpe tsaw ra lu na rai nga ai.

KOLOSE 3:18

Madu jan ni e, tinang a madu wa ni hkang ai hku hkan nga mu, dai gaw Hkristan langai mi hku nna dai Madu hta hkan sa na matu sut ai lam rai nga ai.

KOLOSE 4:5

Nanhte lu ai ahkaw ahkang shagu hpe ga n hkrat hkra atsawm sha jai lang let garai n kam n sham ai ni a man e hpaji byeng-ya hte hkawm nga mu.

HEBRE 11:8

Abraham gaw, Karai Kasang shi hpe jaw na ngu nna ga sadi jaw da ai mung de pru sa wa na matu makam masham gaw shi hpe madat mara shangun wu ai. Dai rai nna shi gaw gade sa wa nga ai hpe shi n chye ti mung, shi a mungdan kaw na pru hkawm mat wa ai.

HEBRE 5:9

Shi hpe hkum tsup ai wa shatai la ngut jang, shi gaw madat mara ai ni yawng mayawng a matu htani htana hkye hkrang la ai lam a npawt tai wa sai.

1 PETRU 1:22

Ya nanhte gaw dai teng man ai lam hpe madat mara nga let nanhte a hkum ni hpe jasan jaseng kau nhtawm, nanhte a kam sham ai manaw manang ni hpe kaja wa tsaw ra nga myit dai. Dai rai nna nanhte shada da myit masin mahkra hte tsaw ra nga mu.

1 PETRU 3:2

Hpa majaw nga yang, shanhte gaw, nanhte a arawn alai kade chyoi pra ai hte sari rawng malit dai hpe mu ya na mara ai.

1 PETRU 3:7

Dai hte maren madu wa ni e, madu jan ni gaw n-gun kya ai amyu ni re ai ngu ai hpe atsawm sha chye na let nanhte a madu jan ni hte kanawn mazum nga mu. Shanhte hpe hkungga lara di mu, hpa majaw nga yang shanhte mung nanhte hte maren Karai Kasang kaw na asak a sali wunli kumhpa hpe hkam la na ni rai ma ai. Ndai lam galaw mu, shaloi she nanhte a akyu hpyi ai ga ni hpe hpa e mung dingbai dingna n shabyin na re.

1 PETRU 4:17

Tara jeyang hpang na aten du ra ai rai nna Karai Kasang a nta masha ni hpe shawng jeyang daw dan ai hkrum na mara ai. Lama rai nna anhte dai tara jeyang daw dan ai hpe shawng hkrum ga yang gaw Karai Kasang a kabu gara shiga hpe n kam n sham ai ni a jahtum ai gaw kaning rai na rai ai kun?