1 PETRU 2:9 - Jinghpaw Common Language Bible 2009

⁹ Rai ti mung nanhte gaw lata la ai amyu, Hkawhkam a hkinjawng ni, chyoi pra ai amyu masha ni hte Karai Kasang shi nan madu nga ai ni rai nga myit dai; shing rai lata la ai lam gaw, nanhte hpe nsin kata kaw nna shi a mauhpa nhtoi de shaga bang wa ai wa a hpung shingkang rawng ai magam amu ni hpe shana shabra shabrawng dat ya na matu rai nga ai.

Jinghpaw Hanson Version Bible

⁹ Nanhte chyawm gaw, nsin kata de nna shi a mauhpa nhtoi de nanhte hpe shaga bang ai wa a dan hkung ai magam hpe shabrawng dat ya myit ga, lata la ai amyu, hkawhkam hkinjawng ni, chyoi pra ai amyu baw hte, Karai Kasang lahku la ang ai masha ni, rai nga myit dai.

1 PETRU 2:9 ပူးပေါင်းရင်းမြစ်များ

SHAKAWN KUNGDAWN 106:5

Na a amyu masha ni a ngamu ngamai ai lam hpe mung, na a amyu baw a kabu gara ai lam hpe mung, nang madu da ai amyu masha ni a kabu gumrawng ai lam hpe mung ngai hpe mu mada shangun e law.

SHAKAWN KUNGDAWN 118:27

Dai Madu gaw Karai Kasang rai nga ai, shi gaw anhte hpe chyeju jaw ya mani ai. Nanhte a lata ni hta hpun lakung ni hpe lang nna, poi hpang ai hte tawn hkungri hpe hkawm shinggrup nga mu.

SHAKAWN KUNGDAWN 135:4

Shi gaw Yaku hpe shi a matu, Israela amyu masha ni hpe shi madu na matu, lata la nu ai.

SHAKAWN KUNGDAWN 22:30

Du wa na ban prat masha ni gaw shi hpe daw jau na mara ai; du wa na ban prat du hkra, dai Madu a lam hpe masha ni tsun kajai wa na mara ai.

SHAKAWN KUNGDAWN 33:12

Dai Madu hpe shanhte a Karai Kasang shatai ai amyu baw gaw a nga ai; shi e lata la hkrum ai amyu masha ni gaw a lu nga ai!

SHAKAWN KUNGDAWN 73:15

Lama, dai zawn re ai lam ni hpe ngai tsun kau ai rai tim; na a amyu masha ni hta na marai langai mi zawn ngai asak hkrung nga sana n rai.

ESAIA 26:2

Mare chyinghka ni hpe hpaw malang da mu, kangka ai masha amyu baw hte jaw ai amu galaw ai masha amyu baw ni shang lu mu ga.

ESAIA 41:8

Rai ti mung, nang nye a shangun ma Israela e, nanhte gaw ngai lata la sai amyu masha ni rai nga myit dai; nanhte gaw nye a jinghku Abraham a aru arat ni rai nga myit dai.

ESAIA 42:16

“Myi kyaw ai nye a amyu masha ni hpe shanhte galoi mung garai n hkawm yu ai lam hku ngai woi lakawn wa na nngai. Ngai gaw shanhte a nsin hpe nhtoi shatai kau nna marawk marak re ai mung hpe shanhte a man e shatsawm shara da na nngai. Ndai ni gaw nye a ga sadi ni rai nga ai, ngai gaw dai ni hpe n hprai ai sha shatup na nngai.

ESAIA 44:1

Dai Madu gaw, “Nye a shangun ma, Israela, ngai lata la sai nye a amyu masha, Yaku a aru arat ni e, ya chyawm gaw, nye a ga madat mu.

ESAIA 61:6

Nang gaw dai Madu a hkinjawng ni hte Anhte a Karai Kasang a shangun ma ni hku gumhkawng na rai ndai. Nang gaw masha amyu baw ni a sut gan hta kabu gara wa nna Dai gaw na a sut gan tai wa ai hte gumrawng wa na ndai.

ESAIA 62:12

Nang gaw, “Karai Kasang a Chyoi Pra Ai Amyu Masha, Dai Madu Hkye Hkrang La Sai Amyu Masha,” ngu nna shaga hkrum na ra ai. Yerusalem gaw, “Karai Kasang Tsaw Ra Ai Mare, Karai Kasang N Kau Da Ai Mare,” ngu nna shaga hkrum na ra ai.

ESAIA 66:21

Ngai gaw shanhte hta nkau mi hpe hkinjawng ni hte Lewi masha ni shatai na nngai.

ESAIA 9:2

Nsin kata hta hkawm nga ai amyu masha ni gaw nhtoi kaba hpe mu lu manu ai. Shanhte gaw si hkrung si htan mung na shingnip ni hta nga nga ma ai, rai ti mung ya chyawm gaw dai nhtoi shanhte a ntsa e htoi leng nga sai.

MALAHKI 3:17

“Chyahtum Chyalai N-gun rawng ai dai Madu gaw, “Shanhte gaw nye a amyu masha ni tai na mara ai. Dai amu hpe ngai galaw ai shani hta, shanhte gaw ngai madu ai ni tai wa na mara ai. Kawa gaw shi hpe daw jau ai shadang sha hpe matsan dum ai zawn ngai mung shanhte hpe matsan dum na nngai.

MAHTE 4:16

nsin kata e nga pra nga ai masha ni gaw, nhtoi kaba hpe mu lu na mara ai, si ai mung hte de a shingnip kata e nga pra nga ai ni a ntsa de nhtoi dawng pru na ra ai,” nga nna htawn tsun ai.

MAHTE 5:16

Dai hte maren, masha ni gaw nanhte a kaja ai bungli ni hpe mu lu nna, sumsing lamu e nga ai nanhte a Kawa hpe shagrau sha-a mu ga, shanhte a man e nanhte a nhtoi hpe htoi tu shangun lu na rai myit dai.

LUKA 1:79

nsin hte si ai shingnip kata e dung nga ai ni yawng hte hpe lamu na nhtoi jahtoi ya na ra ai,” nga ai. Anhte a sat lagaw ni hpe ngwi pyaw ai lam de woi sa wa na ra ai.

YAWHAN 17:19

Shanhte gaw magam gun na matu tinang hkum hpe kaja wa shachyoi shapra ap nawng da ai ni byin wa mu ga, ngu nna ngai shanhte a matu mara nye hkum dai shachyoi shapra ap nawng tawn da se ai.

KASA 20:28

Dai majaw nanhte gaw nanhte a hkum nan hpe mung, nanhte a lata hta Chyoi Pra ai Wenyi ap ya da sai sagu hpung ting hpe mung, sadi sahka hte yu lahku nga mu, Karai Kasang gaw shi a hpung tai nga na matu shi a Kasha a si hkam ai hte mari la ai hpung hpe sagu rem ni zawn bau rem nga mu.

KASA 26:18

Ngai hpe kam sham ai a marang e shanhte yubak mara ni raw dat kau ai hkrum nna Karai Kasang a lata la ai amyu hta lawm lu mu ga, n sin kata nna nhtoi de, Satan a atsam kata nna Karai Kasang hpang de shanhte kayin wa lu hkra nang shanhte a myi jahpaw ya na rai ndai,’ nga nna ngai hpe tsun nngai.

KASA 26:28

Hkawhkam Agripa gaw Pawlu hpe, “Ndai aten kadun mi laman hta sha ngai hpe Hkristan shatai la lu na zawn nawn da wu ni?,” ngu wu ai.

ROMA 9:24

Hpa majaw nga yang anhte gaw Karai Kasang e shaga la sai masha ni rai nna Yuda ni hta na sha n rai, maigan amyu ni hta na mung rai nga ai.

1 KORINHTU 3:17

Marai langai ngai Karai Kasang a nawku htingnu hpe sharun shabya nga a yang gaw, Karai Kasang dai wa hpe sharun shabya kau na ru ai. Hpa majaw nga yang, Karai Kasang a nawku htingnu gaw chyoi pra nga ai rai nna, nanhte mung dai zawn rai nga myit dai.

EHPESU 1:14

Dai Wenyi jaw ya ai lam gaw, Karai Kasang shi a amyu masha ni hpe hkam la shangun na ga ndat tawn da sai sali wunli anhte hkam la lu na ra ai hpe pahkam hkam ya ai lam rai nga ai. Dai gaw Karai Kasang shi a amyu masha ni hpe yubak mara kaw nna tsep kawp shalawt dat na ra ai lam anhte hpe myit mu myit hkut shangun nga ai. Anhte gaw shi a hpung shingkang hpe shakawn kungdawn nga ga law.

EHPESU 1:6

Shi a tsaw ra ai kasha a marang e manu jahpu n hpyi ai sha anhte hpe jaw ai hpung shingkang rawng ai shi a chyeju a majaw Karai Kasang hpe shakawn kungdawn ga law!

EHPESU 3:21

Hkristu a marang e mung, htani htana hpung shingkang dan hkung nga u ga law. Amen.

TARA JAHPRANG 10:15

Rai ti mung nanhte a nji nwa ni a matu dai Madu a tsaw ra myit gaw grai n-gun ja nga ai majaw kaga masha amyu ni hta nanhte hpe lata la manit dai; nanhte gaw shi lata la sai amyu masha ni naw rai nga myit dai.

TARA JAHPRANG 14:2

Ga ntsa hta nga nga ai masha amyu ni yawng hta na shi a amyu masha ni tai nga na matu shi nanhte hpe lata la nu ai majaw dai Madu nanhte a Karai Kasang gaw nanhte hpe madu da nga ai.

TARA JAHPRANG 18:2

Shanhte gaw kaga amyu bawsang ni zawn lamu ga sali lu madu la lu na mu ai n rai. Shanhte lu la ai kumhtaw gaw dai Madu ga sadi tawn da nu ai hte maren, dai Madu a hkinjawng tai na ahkaw ahkang sha lu nga ma ai.

TARA JAHPRANG 4:20

Rai ti mung nanhte gaw dai ni rai nga ai hte maren, shi a amyu masha jet tai nga myit ga nga, Egutu mung a grung nga ai wan htung kaw na mawai da ai amyu masha ni rai nga myit dai.

TARA JAHPRANG 7:6

Dai Madu nanhte a Karai Kasang gaw nanhte hpe madu da nga myit dai majaw dai amu galaw mu. Shi hte seng ai laksan amyu masha majing shatai na nga, ginding aga ntsa ting na masha amyu yawng hta na nanhte hpe lata la manit dai.

HPILIPI 3:14

Dai rai nna ngai gaw dai kumhpa hpe lu la na matu bandung du hkra shachyut nngai. Dai kumhpa gaw lahta tang e asak hkrung lu u ga, Hkristu Yesu a marang e Karai Kasang a shaga la ai lam rai nga ai.

KOLOSE 1:13

Shi gaw anhte hpe n hkru n kaja ai nsin a n-gun atsam kata kaw na hkye mawai la nna shi a tsaw ra ai Kasha a mungdan hta shashawn mi ai.

2 TIMOHTI 1:9

Karai Kasang gaw anhte galaw sai mai kaja dum ai amu bungli lama ma a majaw n rai, shi nan a yaw shada ai lam hte chyeju a majaw anhte hpe hkrang la nna shi a amyu masha tai na matu shaga la mani ai. Shi gaw mungkan nnan lat ai ten a shawng kaw nna Hkristu Yesu a marang e dai chyeju anhte hpe jaw da mani ai.

TITU 2:14

Anhte hpe tara tawt lai ai n hkru n kaja ai mara yawng mayawng hta na hkye hkrang shaw la na matu mung, anhte gaw myit masin san seng nna shi hte chyu sha seng ai amyu tai let, kaja reng ai magam bungli galaw na myit katu sharawng ai amyu tai na matu mung, Hkristu gaw anhte a matu mara shi hkum dai hpe ap ya kau nu ai.

1 PETRU 1:2

Shi a Wenyi hta chyoi pra ai amyu masha shatai la nna, Yesu Hkristu a ga madat mara na hte shi a sai hte shachyoi shapra la na matu Kawa Karai Kasang a moi kaw nna shatawng shada da sai hte maren nanhte hpe lata la manit dai. Chyeju hte ngwi pyaw ai gaw nanhte hta hpring tsup nga malit ga law.

1 PETRU 2:5

Nanhte gaw asak hkrung nga ai nlung ni zawn Karai Kasang kaw sa nna dai wenyi hte seng ai htingnu gaw gap ai hta nanhte ni nan shang lawm jai lang hkam nga mu. Dai shara hta Madu Yesu a marang e wenyi hte seng nna sharawng awng hkap la ging ai shagu hkungga ni hpe Karai Kasang kaw nawng ya na matu chyoi pra ai hkinjawng ni zawn nanhte daw jau na rai myit dai.

1 PETRU 4:11

Marai langai ngai hkaw tsun a yang gaw, Karai Kasang a mungga hpe hkaw tsun u ga, marai langai ngai daw jau a yang gaw Karai Kasang jaw da ai n-gun lagaw hte maren galaw daw nga u ga; shing rai yang she galaw ai amu yawng mayawng a majaw Madu Yesu a marang e Karai Kasang a hpung shingkang hpe shakawn kungdawn ai lam tai na rai nga ai. Yesu Hkristu hta hpung shingkang hte daru magam n-gun atsam gaw htani htana prat dingsa e anga nga ai law. Amen.

SHINGRAN 1:6

Shi a Kawa a magam amu hpe gun hpai lu na matu anhte hpe mungdan amyu hte hkinjawng aya jaw ya ai Yesu Hkristu kaw hpung shingkang hte daru magam ahkang aya gaw htani htana e anga nga u ga law! Amen.

SHINGRAN 20:6

Shing rai shawng na si ai kaw na bai hkrung rawt wa ai ni a pang hta shang lawm lu ai ni gaw a lu nna chyeju n hpaw n ya hkam sha lu ma ai. Lahkawng lang na si ai lam gaw shanhte hpe hkra lu na n-gun atsam, ahkang n lu wu ai. Shanhte gaw Karai Kasang hte Yesu Hkristu a hkinjawng ni rai na mara ai rai nna, shaning hkying mi tup Hkristu hte rau up nga lu na mara ai.

SHINGRAN 5:10

Nang gaw shanhte hpe, anhte a Karai Kasang hpe daw jau ai amu gun hpai lu na matu hkawhkam mungdan hte hkinjawng amyu langai mi shatai nu ai hte, shanhte gaw ga ntsa e up hkang na ahkang aya lu na mara ai.”

1 SAMUELA 12:22

Dai Madu gaw kangka ai ga sadi shaka da nu ai hte maren, nanhte hpe shi a amyu masha majing shatai na, shi daw dan da nu ai majaw, shi nanhte hpe kau da na n rai.