1 PETRU 2:7 - Jinghpaw Common Language Bible 2009

⁷ Kam sham ai nanhte a matu mara ndai nlung gaw grai hpu ging nga ai; rai ti mung n kam n sham ai ni a matu mara chyawm gaw, “Wahpang gaw ai ni akyu n rawng ai ngu nna sai kau ai nlung gaw, njut jahtum na ahkyak dik ai nlung tai wa sai,” nga ai.

Jinghpaw Hanson Version Bible

⁷ Dai re ai majaw, nanhte kamsham ai ni a matu mara, dai gaw arawng rai nga malit dai: rai timung, n kam n sham ai ni a matu mara, “Wahpang gaw ai ni sai kau ai nlung gaw, Ningjut jahtum nlung tai sai rai nna,”

1 PETRU 2:7 ပူးပေါင်းရင်းမြစ်များ

ESAIA 28:5

Chyahtum Chyalai N-gun rawng ai dai Madu gaw ngam nga ai shi a amyu masha ni a matu arawng sadang hte hpring ai nampan janmau zawn tai ai nhtoi langai du wa ra ai.

HAGI 2:7

Ngai gaw maigan amyu mahkra hpe jahten kau nna shanhte a arung arai ni ndai shara de la shawn ai hkrum na mara ai. Nawku Htingnu gaw sut rai ni hte hpring na ra ai.

ZEHKARIA 4:7

Bum ni zawn sumpum ai dingbai dingna ni gaw na a man kaw nna hkoi mat wa na ra ai. Nang gaw Nawku Htingnu hpe bai gaw gap ai shaloi magum nlung mara da na rai ndai; amyu masha ni mung, ‘Tsawm htap ai, tsawm htap ai!,’ nga nna jahtau tsun na mara ai.

MAHTE 21:42

Yesu shanhte hpe tsun mu ai gaw, “Wahpang galaw ai ni akyu n rawng ai ngu nna lata kau ai nlung gaw, ningjut jahtum na ahkyak dik ai nlung tai wa sai. Dai gaw, Madu a majaw byin wa sai rai nna, anhte a man e mauhpa amu nan rai nga ai, nga ai ga hpe, nanhte dai laika hta lang mi pyi n hti yu myit ni?

LUKA 2:32

Maigan amyu ni a man e na a myit ra ai lam shadan dan na nhtoi hte, na a amyu Israela a matu hpung shingkang jaw ya na lam rai nga ai,” nga nna tsun ai.

LUKA 2:34

Simun gaw shanhte hpe shaman ya nna, kanu Mari hpe, “Yu u, ndai ma gaw, Israela ni hta law law a matu kataw shara hte, law law a matu rawt wa na lam mung, masha law law ndang kalang hkat na Karai Kasang kaw na kumla matu mung san da ai wa rai nga ai.

LUKA 20:17

Yesu shanhte hpe mada yu let, “Dai rai yang gaw, wahpang gaw ai ni lata kau ai nlung gaw, njut shahtum na nlung tai wa sai,” nga nna ka da ai chyum ga gaw hpa nga ai rai ta?

YAWHAN 4:42

Dai masha ni gaw, dai num sha hpe, “Ya gaw na a ga majaw sha kam sham ai n rai saga ai, shi a mungga hpe anhte nan na la lu nna, ndai wa gaw mungkan ga a hkye hkrang la ai Madu majing rai nga ai hpe anhte chye saga ai,” ngu mu ai.

KASA 26:19

“Dai rai nna, Hkawhkam Agripa e, ngai gaw lamu na shingran dai hpe n madat ai n nga lu nngai.

ROMA 10:21

Rai ti mung Israela amyu masha ni hte seng nna shi bai tsun ai gaw, “N madat n mara nna gumlau ai amyu hpe hkap la na matu, nye a lata shani tup ngai ladawn wak nga nngai,” nga ai.

ROMA 15:31

Ngai gaw Yuda mung na n kam n sham ai ni a hpyen ai kaw na lawt lu u ga hte Yerusalem mare e ngai galaw ai karum madi shadaw ai amu hpe dai kaw nga ai Karai Kasang a masha ni hkap la lu mu ga, akyu hpyi nga mu.

2 KORINHTU 2:16

Dai bat gaw sum mat hkrum ai ni a matu si shangun ai si hkrung si htan bat tai nna, hkye hkrang la hkrum sai ni a matu gaw asak hkrung shangun ai manam pyaw ai bat rai nga ai. Dai rai nna dai zawn re ai amu hpe gun hpai na kadai wa ging dan nga a ta?

KOLOSE 2:10

Nanhte gaw shi hta hkrung nga ai marang e hkum tsup ai asak hkrung lam lu la manit dai. Dai Madu gaw lamu ganghkau hte mungkan ga hte n-gun atsam rawng ai ni hte ahkang aya lu ai ni yawng hpe up ai grau htum ai wa rai nga ai.

TITU 3:3

Hpa majaw nga yang, shawng de gaw anhte nan mung myit ngawk ai, n madat n mara ai hte shut hpyit lam dam ai ni rai ga ai. Anhte gaw ngang kayut ai hte pyaw daw kadaw ai lam amyu myu hkan galaw yu ai, de a mayam ni mung rai nga ga ai. Anhte hta galoi mung n ju n dawng ai hte manawn masham ai myit rawng nga mali ai hte, masha kaga ni anhte hpe n ju n dawng ma ai hte maren, anhte mung masha ni hpe n ju n dawng ga ai.

HEBRE 11:31

Kam sham ai hte shawa num Rahab gaw Israela kin-yu ni hpe hku hkau ai hku hkap hkalum la wu ai majaw Karai Kasang hpe n madat n mara ai ni hte rau sat kau ai n hkrum wu ai.

HEBRE 4:11

Dai rai nna shanhte a n kam n sham ai a majaw ban sa ai de n shang lu ai Israela masha ni zawn anhte kadai hta mung n byin u ga, dai ban sa ai de shang lu na matu anhte atsam htum hkra shakut shaja nga ga.

1 PETRU 1:8

Nanhte gaw Yesu hpe n mu yu myit ti mung, shi hpe tsaw ra nga manit dai; shi hpe n mu yu myit ti mung, shi hpe kam sham nga manit dai. Dai rai nna nanhte gaw n-gup aga hte tsun n dang lu hkra re ai kabu gara ai lam kaba hte kabu gara nga lu manit dai.

1 PETRU 2:4

Dai Madu hpang de sa wa marit, shi gaw masha ni e akyu n rawng ai ngu nna lata kau ai ahkrung nga ai nlung rai nga ai; rai ti mung Karai Kasang e lata la ai hpu ging ai nlung tai wa sai.

1 PETRU 2:8

Bai kaga chyum ga langai mi hta, “Ndai nlung gaw masha ni hpe ahtu kataw shangun na ra ai; shanhte hpe daw ru hkrat mat shangun ai lunghkrung mung tai na ra ai, nga nna tsun da nga ai. Shanhte gaw dai mungga hpe n kam n sham ma ai majaw ahtu kataw mat ma ai. Shing re ai gaw shanhte a matu Karai Kasang a myit ra lajang ai lam rai nga ai.