1 PETRU 2:6 - Jinghpaw Common Language Bible 2009

⁶ Hpa majaw nga yang, dai Chyum Laika hta mung, “Ngai gaw hpu ging ai nlung langai mi hpe lata la nna, dai hpe Ziun bum e njut jahtum na nlung hku ngai jahkrat da se ai, rai nna shi hta kam sham ai ni kadai mung kaya kahpa hte myit daw myit hten hkrum na n rai,” nga ai.

Jinghpaw Hanson Version Bible

⁶ Kaning rai nme law, “Yu mu, lata la ai hte hpu la ai jut na nlung gaw, Ziun hta e ngai gaw da se ai rai nna, Dai hpe kamsham ai wa gaw, kaya kahpa n hkrum na ra ai,” nga nna laika hta rawng nga ai.

1 PETRU 2:6 ပူးပေါင်းရင်းမြစ်များ

NINGPAWT NINGHPANG 49:24

Rai ti mung Chyahtum Chyalai N-gun rawng ai Yaku a Karai Kasang a daru magam n-gun hte, Sagu rem wa ngu ai Israela hpe makawp maga ai wa a majaw mung, Shi a ndan dingyang kaja nna, Shi a lahpum ni mung n-gun hte hpring nga ai.

SHAKAWN KUNGDAWN 40:14

Ngai hpe sat na maw ai ni tsep kawp sum mat nna shanut kau ai hkrum mu ga. Nye a ru tsang ai lam ni a majaw kabu gara nga ai ni gaw shingdu de htingnut mat wa nna, kaya kahpa hkrum mu ga.

SHAKAWN KUNGDAWN 89:19

Kalang mi na shingran langai mi hta, na a kangka ai shangun ma kaja ni hpe nang tsun ai gaw, “Gumhkawng ai hpyenla langai mi hpe ngai shadaw karum yu se ai; amyu masha ni kaw na langai mi hpe ngai lata la nna hkawhkam tingnyang ap ya se ai.

ESAIA 28:16

Ya chyawm gaw, ndai lam hte seng nna Tsaw Htum ai dai Madu gaw, “Ngai gaw Ziun Bum ntsa e ngang kang ai hte n-gun ja ai npawt nhpang gaw da na nngai. Ngai gaw dai shara hta, ‘Makam masham gaw ngang grin nga ai hte hkam sharang ai mung rai nga ai,’ ngu ai laika ka shakap da ai ngang ai njut nlung langai jahkrat bang da na nngai.

ESAIA 41:11

“Nang hpe pawt sindawng ai ni gaw hkrat sum ai a kaya kahpa lam hpe chye wa na mara ai. Nang hpe gasat ai ni si mat na mara ai

ESAIA 42:1

Dai Madu gaw, “Ndai gaw ngai n-gun shaja ya ai nye a shangun ma- ngai lata la ai wa, ngai sharawng awng ai wa rai nga ai. Ngai gaw shi hpe nye a Wenyi hte jahpring ya ni ai, shi gaw masha amyu baw shagu hpang de teng man rap ra ai tara la sa ya na ra ai.

ESAIA 46:13

Ngai gaw ni sa wa nga ai awng padang nhtoi hpe la sa wa nga nngai, dai gaw tsan nga ai n rai. Nye a padang ninglaw gaw htingnai nga na n rai. Ngai gaw Yerusalem hpe hkye la ai hte dai yang e Israela a matu arawng sadang tawn da ya na nngai.”

ESAIA 50:7

Rai ti mung shanhte a n kaw n law re ai amu gaw ngai hpe machyi shangun lu ai n rai, hpa majaw nga yang, Tsaw Htum ai dai Madu gaw ngai hpe karum la nga ai. Ngai gaw dai ni hpe hkam sharang lu hkra n-gun dahpran la nngai. Ngai kaya kahpa hkrum na n rai nga nngai hpe ngai chye nngai,

ESAIA 54:4

Hkum hkrit et-nang gaw kaya kahpa bai hkrum na ra ai n rai; nang gaw shagrit kau hkrum na n rai. Nang gaw ram prat na madu jan zawn na a sadi n dung ai lam hpe mung, gaida jan zawn na a myit chyum myit htum garen gari ai lam hpe mung malap kau na rai ndai.

ZEHKARIA 10:4

Shanhte hta na nye a amyu masha ni hpe up na mung up du ni, ningbaw ni hte up hkang du ni pru wa na mara ai.

MAHTE 12:18

“Ngai lata la ai, nye a shangun ma, ngai tsaw ra ai hte sharawng awng ai wa hpe yu mu. Nye a Wenyi shi a ntsa e ngai bang da ya nna, shi gaw nye a daw dan ai lam hpe masha amyu ni hpang de tsun dan na wu ai.

MARKU 12:10

‘Wahpang gaw ai ni akyu n rawng sai ngu nna lata kau ai nlung gaw, yawng hta ahkyak dik ai njut jahtum na nlung tai wa sai.

LUKA 20:17

Yesu shanhte hpe mada yu let, “Dai rai yang gaw, wahpang gaw ai ni lata kau ai nlung gaw, njut shahtum na nlung tai wa sai,” nga nna ka da ai chyum ga gaw hpa nga ai rai ta?

LUKA 23:35

Shawa masha ni gaw mada yu let tsap nga ma yang, Yuda agyi salang ni gaw mani jahpoi asawng let, “Masha kaga ni hpe shi hkye la ga ai; Karai Kasang e lata la ai Meshia shi nan rai yang mung, shi hkum shi hkye la u ga,”

YAWHAN 7:38

Chyum laika hta tsun ai hte maren, ngai hpe kam sham ai wa a kraw lawang kaw nna asak hkrung ai ntsin hka hpawk ni lwi pru na ra ai,” ngu nna nsen kaba hte jahtau tsun wu ai.

KASA 1:16

Shi gaw, “Hpu nau ni e, Yesu hpe rim la ai ni a lam woi tai ya ai Yuda hpe lakap nna moi Dawi a n-gup hku nna Chyoi Pra ai Wenyi tau tsun da ai Chyum Laika gaw dik wa lu na sha rai nga ai.

ROMA 10:11

Dai Chyum Laika hta mung, “Shi hpe kam sham ai ni yawng mayawng hte gaw myit daw myit hten hkrum na n rai,” nga ai.

EHPESU 1:4

Anhte gaw tsaw ra ai myit hte shi a man e chyoi pra nna mara n rawng ai ni tai wa u ga, anhte Hkristu hte langai sha tai ai a marang e mungkan ga garai n lat kaw nna pyi Karai Kasang gaw anhte hpe lata la mani ai.

EHPESU 2:20

Nanhte gaw kasa ni hte myihtoi ni gaw da ai npawt nhpang hta de kahtap myit dai; Hkristu chyawm gaw shi nan njut jahtum na nlung rai nga ai.

2 TIMOHTI 3:16

Dai Chyum Laika shagu hpe Karai Kasang shatsam ai hte ka da ai re ai majaw, teng man ai lam hpe sharin achyin ya na, shut ai lam hpe mara madun nna daru sharin na, shut shai ai lam ni hpe mye shading na hte jaw ai asak hkrung lam a matu matsun madun na akyu rawng nga ai.

1 PETRU 2:4

Dai Madu hpang de sa wa marit, shi gaw masha ni e akyu n rawng ai ngu nna lata kau ai ahkrung nga ai nlung rai nga ai; rai ti mung Karai Kasang e lata la ai hpu ging ai nlung tai wa sai.

1 PETRU 2:8

Bai kaga chyum ga langai mi hta, “Ndai nlung gaw masha ni hpe ahtu kataw shangun na ra ai; shanhte hpe daw ru hkrat mat shangun ai lunghkrung mung tai na ra ai, nga nna tsun da nga ai. Shanhte gaw dai mungga hpe n kam n sham ma ai majaw ahtu kataw mat ma ai. Shing re ai gaw shanhte a matu Karai Kasang a myit ra lajang ai lam rai nga ai.

2 PETRU 1:20

Rai ti mung, kadai wa mung tinang dai myit ra ai hku Chyum laika ni hta na myihtoi ga langai mi a lachyum n hta la lu ai hpe yawng a shawng e matsing da ra nga ai.

2 PETRU 3:16

Pawlu gaw ndai lam hte seng nna shi ka ai laika ni hta ndai hte maren ka madun da nga ai. Shi a laika hta rawng ai ginlam nkau mi gaw chye na yak ai majaw, angawk angak re ai ni hte myit n gring ai masha ni gaw shut ai hku lachyum hpyan la ma ai, kaga chyum ga ni a lachyum hpe mung dai hte maren htai la shut ai majaw shanhte a hten bya ai lam hpe shanhte nan galaw la masai.