1 PETRU 2:24 - Jinghpaw Common Language Bible 2009

²⁴ Anhte gaw yubak mara hpe kau da nna ding hpring ai hta e hkrung nga lu u ga, shi gaw shi hkum hta nanhte dai hpun ntsa e anhte a yubak mara ni hpe gun la kau nu ai. Shi a nma ni a gawp e nanhte shamai shatsai ai hkrum manit dai.

Jinghpaw Hanson Version Bible

²⁴ Anhte gaw yubak mara hta si mat wa nga ga ai rai nna, dinghpring ai hta e hkrung nga lu u ga, shi gaw, shi hkum hta nan, dai hpun ntsa e, anhte a yubak mara hpe gun kau nu ai: shi a nma a gawp hte e, anhte shamai shatsai ai hkrum ga ai.

1 PETRU 2:24 ပူးပေါင်းရင်းမြစ်များ

NINGPAWT NINGHPANG 22:6

Abraham gaw Isak hpe hkungga nat na hpun jahpai nhtawm shi hkum nan mung nhtu hte wan wut hpang na grung ai wan n-ga ni hpe lang da wu ai. Shan wa lahkawng rau sha hkawm lung wa ma yang,

SHAKAWN KUNGDAWN 147:3

Shi gaw myit daw ai ni hpe shamai ya nna, shanhte a ningma ni hpe ahkyen kayawp ya wu ai.

SHAKAWN KUNGDAWN 38:4

Ngai gaw nye a yubak mawru kata hta lup mat wa nga nngai; dai ni gaw tsin-yam lit langai mi rai nga nna, hkam sharang lu na matu, nau li la nga ai.

PRU MAT 28:38

Arun gaw dai hpe shi a kahtan ntsa e bam da na rai nga ai; nye a matu ap nawng daw jau ai Israela ni a hkungga arai yawng hta shut hpyit ai amu loi li amyu masha ni hta lawm yang pyi, Ngai Madu nan naw hkap la ya na nngai.

GA SHAGAWP 20:30

Kalang lang, nchyi nmu re ai mahkrum madup hkrum hkra yang sha, anhte galaw man ai arawn alai ni hpe galai jashai la lu nga ai.

ESAIA 53:11

Nni nkri hkrum sha ai asak a hpang, shi gaw kabu gara ai lam bai lu la na ra ai; shi gaw kaman lila nni nkri n hkam kau ai lam hpe chye wa na ra ai. Ngai sharawng awng ai hte ding man ai nye a shangun ma gaw, law law a ari hpe gun kau ya na ra ai, shi a jaw e, ngai shanhte hpe mara dat ya na nngai.

JAW JAU 16:22

Dai bainam gaw shanhte a yubak mara ni yawng hpe katsi katsang re ai shara de gun mat wa na ra ai.

JAW JAU 22:9

“Hkinjawng ni yawng mung ngai jaw da sai tara ni hta hkan sa lu na rai ma ai. Shing n rai dai chyoi pra ai tara ni hpe shanhte n madat kau mu ai majaw mara shagun hkrum ai hte si mat na rai ma ai. Ngai gaw shanhte hpe shachyoi shapra ai dai Madu rai nga nngai.

MALAHKI 4:2

Rai ti mung nye a ga madat ai nanhte a matu hkye hkrang la lu ai nye a daru magam n-gun gaw nanhte a ntsa e ajan zawn rawt wa nna, jan a shingkang ni zawn shamai shatsai ai lam du pru wa na ra ai. Nanhte gaw shalawt dat ai hkrum nna, ulawng kaw na pru wa ai dumsu kasha ni zawn kabu gara na rai myit dai.

BU HKAWM 18:22

Kaga Israela masha ni chyawm gaw Sum de loi mi mung sit sa lu na ma ai n rai. Ndai lam hta shanhte si ari hkrum sha na ma ai.

MAHTE 27:26

Dai shaloi, Pilat gaw Baraba hpe shanhte a matu dat ya mu ai. Yesu hpe mahtang shi kayat nna, wudang hta jen sat kau na matu ap kau dat wu ai.

MAHTE 5:20

Dai rai nna, ngai nanhte hpe tsun made ai gaw, Karai Kasang a myit ra ai lam hpe hkan sa galaw ai lam hta Hparishe ni hte tara sara ni hta n grau malit yang gaw, sumsing lamu a mungdan hta nanhte shang lu na myit dai n rai.

MAHTE 8:17

Dai gaw, “Shi hkum nan anhte a machyi makaw hte ana ahkya ni hpe gun la kau nu ai,” nga nna myihtoi Esaia tsun ai ga dik wa u ga, byin wa ai rai nga ai.

MARKU 15:15

Pilat gaw shawa masha ni hpe myit shapyaw ya mayu ai hte, shanhte a matu Baraba hpe dat ya mu ai. Dai hpang Yesu hpe anu kayat nhtawm jen sat kau na matu ap kau dat mu ai.

LUKA 4:18

“Madu a Wenyi nye a ntsa e nga nga ai: matsan mayan ni hpe Kabu Gara Shiga hkaw tsun dan na matu, Shi ngai hpe namman jaw ya ni ai. bawng dung ai ni hpe shalawt lu na lam, myi kyaw ai ni hpe myi bai mu na lam, hkaw tsun na matu mung, zingri zingrat hkrum ai ni hpe dat dat shangun na hte,

YAWHAN 1:29

Hpang shani e Yawhan gaw, shi hpang de Yesu sa wa ai hpe mu wu yang, “Mungkan masha ni a yubak gun kau ya ai, Karai Kasang a Sagu Kasha rai nga ai law!

YAWHAN 19:1

Dai hpang Pilat gaw Yesu hpe shaga mat wa shangun nna, kayat shangun wu ai.

KASA 10:35

Karai Kasang gaw shi hpe hkrit hkungga nawku daw jau nna ding hpring ai amu galaw ai wa kadai hpe mung amyu n lata ai sha sharawng awng hkap la nga ai.

KASA 10:39

Israela mungdan hta mung, Yerusalem mare hta mung, Madu shi galaw hkawm sa ai amu ni yawng mayawng a sakse ni, anhte rai nga ga ai. Dai wa hpe nan shanhte hpun hta hpri hte dit nna jen sat kau nu ai.

KASA 13:29

Shing rai shanhte gaw shi hte seng nna Chyum Laika hta ka da mada galaw shatup ngut jang shi hpe wudang ntsa na jahkrat la nna lup hta bang da mu ai.

KASA 5:30

Anhte a ji wa ni a Karai Kasang gaw nanhte wudang hta jen sat kau ai Yesu hpe jahkrung sharawt da nu ai.

ROMA 6:11

Dai hte maren yubak mara hte seng nna tsun ga nga yang nanhte gaw nanhte a hkum hpe si mat ai ni zawn myit nawn da ra myit dai. Rai ti mung nanhte gaw Yesu Hkristu hta e Karai Kasang hte kanawn mazum asak hkrung nga lu manit dai.

ROMA 6:13

Dai hta n-ga nanhte a hkum hkrang daw shan hpe mung n hkru n shawp ai hta asung jashawn na matu yubak hpe hkum ap ya myit. Shing rai na malai nanhte si ai kaw na hkrung rawt ai n re ai hku nna mung, ding hpring mai kaja ai lam ni hta jai lang hkam na matu mung tinang hkum hkrang hpe Karai Kasang kaw sak ya mu.

ROMA 6:16

Nanhte gaw marai langai ngai hpe madat mara na nga nna tinang a hkum hpe mayam zawn ap nawng kau myit yang gaw, kaja wa nanhte madat mara nga ai Madu a mayam rai nga myit dai hpe nanhte chye nga myit dai, lama wa nanhte gaw atsawm sha yubak mara a shangun ai hpe madat mara hkam la myit yang gaw nanhte si hkrung si htan hkrum na myit dai; shing n rai Karai Kasang a ga hpe madat mara hkam la myit yang gaw nanhte Karai Kasang a man e ding hpring ai ni tai wa lu na myit dai.

ROMA 6:2

Kaja wa dai hku n rai law! Yubak mara hte si hka mat sai ni anhte gaw dai hta e kaning rai naw matut nna pra nga lu na ga ta?

ROMA 6:22

Rai ti mung ya nanhte gaw dai yubak kaw na shalawt dat ai hkrum nna Karai Kasang a mayam ni tai wa manit dai. Nanhte lu la ai akyu gaw Madu a matu nanhte a hkum hpe awm dawm ap nawng ai a majaw jahtum e htani htana asak lu la ai lam rai nga ai.

ROMA 6:7

Hpa majaw nga yang masha langai mi si ai shaloi shi gaw yubak a n-gun atsam hta na shalawt dat ai hkrum nu ai.

ROMA 7:6

Ya chyawm gaw, anhte hpe sharen da ai jep ai Tara hte si hka mat saga ai majaw dai jep ai Tara hta na anhte lawt lu saga ai. Dai rai nna ka da ai tara dingsa hku n hkan ai sha, Wenyi lam ningnan hku sha Karai Kasang hpe daw jau nga ga ai.

1 KORINHTU 15:3

Hpa majaw nga yang, ngai hkam la sai ahkyak dik ai lam ni hpe, ngai nanhte hpe ap ya made ai. Dai gaw, Chyum Laika ni hta ka da nga ai hte maren, Hkristu gaw anhte a yubak mara a matu si hkam sai lam,

2 KORINHTU 6:17

Dai rai nna Madu gaw, “Nanhte gaw shanhte hpe tawn kau da lu na hte shanhte kaw na kaga lak nanhte a hkum ni hpe garan jahka kau mu. Awu asin re ai hpe hpa hkum hkra mu, shaloi ngai nanhte hpe hkap la na made ai.

GALATI 3:13

“Hpun hta e jen da hkrum ai wa kadai rai ti mung Karai Kasang a dagam dala hkrum ai wa rai nga ai,” nga nna Chyum laika hta tsun da nga ai hte maren, Hkristu gaw anhte a matu mara dagam dala hkrum ai wa tai wa ai a jaw e jep ai Tara a dagam dala hkrum ai kaw na anhte hpe hkrang shaw la mi ai.

EHPESU 5:9

Hpa majaw nga yang dai nhtoi gaw mai kaja ai lam amyu myu, ding hpring ai hte teng man ai lam ni hpe shabyin ya nga ai.

HPILIPI 1:11

Dai hta n-ga, Karai Kasang a hpung shingkang dan hkung wa na hte shi a arawng sadang hpe masha ni shakawn shagrau mu ga, Yesu Hkristu a marang e sha, lu la ai kaja dik ai ding hpring ai asi ni gaw nanhte a asak hkrung lam ni hta hpring tsup wa na malit dai.

KOLOSE 2:14

Shi gaw anhte a n hpru n mai ai yubak mara a hka jahpan hpe mung, dai hte seng ai jep da ai tara ni hpe mung wudang ntsa e hpri hte dit shakap nna yeng seng kau nu ai.

KOLOSE 2:20

Nanhte gaw Hkristu hte rau si mat manit dai rai nna ndai mungkan n-gawn tawa hpe up madu ai n-gun atsam rawng ai wenyi ni a lata hta na shalawt dat ai hkrum manit dai. Dai rai yang hpa rai nna nanhte gaw ndai mungkan hte seng ai ni zawn hkawm sa nga myit ta?

KOLOSE 3:3

Hpa majaw nga yang, nanhte gaw si mat sai ni rai nna, nanhte a asak gaw Hkristu hte rau, Karai Kasang hta kyem makoi da nga sai.

HEBRE 10:10

Yesu Hkristu gaw Karai Kasang galaw shangun mayu ai myit ra ai hku hte maren, shi a hkum hkrang nan hpe kalang mi hte yawng ngut hkra nawng ya kau ai a marang e, anhte yawng gaw yubak mara kaw na shachyoi shapra la ai hkrum lu saga ai.

HEBRE 10:5

Dai re ai majaw, Hkristu gaw ndai mungkan de du sa hkyen nga ai shaloi Karai Kasang hpe, “Nang gaw shagu hkungga ni hte kumhpa ni hpe ra nga ndai n rai; nye a matu hkum hkrang hpe nang lajang da nit dai;

HEBRE 12:13

Ding ai lam ni hta matut nna hkawm sa nga mu, shaloi she hten ai lagaw n mai hkawm mat hkra n byin ai sha mai tsai mat wa na ra ai.

HEBRE 7:26

Dai rai nna Yesu gaw anhte hta byin nga ai ra kadawn ai lam ni hpe karum kapa ya ai, anhte a matu hkrak ai Hkinjawng Agyi Kaba wa rai nga ai. Shi gaw chyoi pra san seng nna shi hta shut ai lam shing n rai yubak mara hpa mung n rawng nga ai; shi gaw yubak lu ai ni hta n lawm ai sha ginhka la nna sumsing lamu du hkra shagrau shatsaw da hkrum ai wa rai nga ai.

HEBRE 9:28

Dai hte maren Hkristu mung masha law law a yubak mara hpe kalang mi hte ngut hkra gun kau ya na matu shi a hkum hpe hkungga shatai nna nawng kau nu ai. Yubak gun kau ya ai lam hte n seng ai sha shi hpe ala nga ai ni hpe hkye hkrang la na matu lahkawng lang ngu na bai dan pru na ra ai.

YAKU 5:16

Nanhte shamai shatsai ai hkrum myit ga, nanhte a yubak mara ni hpe shada da shapraw dan nna, shada da a matu mara akyu hpyi ya nga mu. Ding hpring ai wa a akyu hpyi ai ga gaw shabyin lu ai atsam law law rawng nga ai.

1 YAWHAN 2:29

Hkristu gaw ding hpring nga ai hpe nanhte chye yang gaw dai ding hpring ai hku galaw hkawm sa ai masha shagu gaw Karai Kasang a kashu kasha ni rai nga ma ai hpe nanhte chye ang myit dai.

1 YAWHAN 3:7

Shu sha ni e, kadai mung nanhte hpe lam n shadam myit ga; Hkristu gaw ding hpring nga ai hte maren, ding hpring ai amu galaw ai wa kadai rai ti mung ding hpring nga ai.

SHINGRAN 22:2

Dai hka nu a hkin-gau maga mi hte maga mi hta asi amyu shi lahkawng si ai asak jahkrung ai hpun tu nga ai rai nna, shata mi hta kalang mi, laning mi hta shi lahkawng lang si nga ai. Dai hpun a lap ni gaw, masha amyu ni a ana ahkya ni hpe shamai shatsai ya na matu rai nga ai.