1 PETRU 2:21 - Jinghpaw Common Language Bible 2009

²¹ Dai hte maren nanhte galaw hkan sa na matu she, Karai Kasang gaw nanhte hpe shaga la manit dai; hpa majaw nga yang Hkristu shi hkum nan mung nanhte a matu nni nkri hkrum wu ai hte nanhte shi a hkang hta hkan nang lu myit ga, nanhte a matu ningli tawn da nu ai.

Jinghpaw Hanson Version Bible

²¹ Dai lam gaw nanhte hpe shaga da ai lam rai nga ai; Hkristu mung nanhte a matu mara nni nkri hkrum wu ai hte, nanhte shi ahkang hta hkan nang lu myit ga, nanhte a matu ningli tawn da nu ai.

1 PETRU 2:21 ပူးပေါင်းရင်းမြစ်များ

SHAKAWN KUNGDAWN 85:13

Ding man ai lam gaw dai Madu a shawng e, sa wa nna; shi a matu lam shajang shajin ya na ra ai.

MAHTE 10:38

Tinang a wudang hpai let, nye a hpang n hkan ai wa gaw, nye a sape tai na n ging n dan nga ai.

MAHTE 11:29

Ngai gaw myit sumnung ai hte myit gyip nga nngai rai nna, nye a kandang hpe hpai mu, nye a lam sharin la mu: dai rai yang, nanhte a myit masin ban sa ai hkrum na malit dai.

MAHTE 16:24

Dai hpang Yesu gaw sape ni hpe, “Ngai hpang de sa wa mayu ai wa kadai rai ti mung, tinang hkum hpe nyet kau lu na rai nna, shi a wudang hpai let, ngai kaw hkan nang ru ga,

LUKA 24:26

Meshia gaw shi a hpung shingkang hta garai n shang ningngai yang, shing re ai nni nkri hpe hkam ra ai n rai ni?,” ngu nna tsun mu ai.

YAWHAN 13:15

Nanhte hpe ngai galaw sai zawn, nanhte mung hkan galaw myit ga, ngu nna ngai nanhte a matu kasi kamang tawn da ni ai.

YAWHAN 16:33

Nanhte gaw ngai hte langai sha tai nna ngwi pyaw ai lam lu la myit ga, ngu nna ndai ga ngai nanhte hpe tsun ni ai. Mungkan ga gaw nanhte hpe nni nkri jahkrum na ra ai; rai ti mung gwi gwi dakring dakan rai nga mu! Ngai gaw mungkan ga hpe dang kau se ai!,” ngu mu ai.

KASA 14:22

Shan gaw, “Anhte gaw Karai Kasang a mungdan hta shang na matu ru yak jam jau law law hpe hkrum hkra lai di kau ra ga ai,” nga nna kam sham ai sape ni myit shangang ya let dai makam masham hta ngang kang grin nga na matu n-gun jaw shadum jahprang ma ai.

KASA 17:3

Meshia gaw nni nkri hkrum na lam, si ai kaw na bai hkrung rawt wa na lam hpe Chyum Laika hku hkan nna tsun sanglang dan wu ai. Pawlu gaw, “Ngai nanhte hpe tsun dan nga ai Yesu gaw, dai Meshia nan rai nga ai,” nga nna mung tsun jahprang mu ai.

KASA 9:16

Nye a mying majaw shi hkrum lu na ra ai matsan tsin-yam ni yawng hpe ngai nan shi e madun na we ai,” ngu wu ai.

ROMA 8:29

Shi a Kasha gaw kahpu kanau lanlak hta e kasha alat ningshawng tai u ga, Karai Kasang gaw shi lata san da sai ni hpe mung, shi a Kasha a gawng shingyan hte bung wa na masha lata san da mu ai.

1 KORINHTU 11:1

Dai rai nna ngai gaw Hkristu a kasi hpe la ai zawn, nanhte mung nye a kasi hpe la mu.

EHPESU 5:2

Hkristu gaw anhte hpe tsaw ra ai hte anhte a matu shi a hkum hpe Karai Kasang sharawng awng ai manam pyaw ai shagu hkungga shatai nna nawng kau nu ai zawn, nanhte mung tsaw ra myit e hkang ai kata hta ahkawm nga mu.

HPILIPI 2:5

Hkristu Yesu hta rawng ai myit nan, nanhte hta mung rawng nga myit ga.

1 HTESALONI 3:3

Nanhte hta na kadai mung ndai ya hkrum hkra nga ai zingri zingrat lam ni a majaw makam masham hta kangi kanga n rai myit ga, nanhte hpe shadaw shalan n-gun jaw na matu, nanhte hpang de shi hpe shangun dat ga ai: Ndai zingri zingrat ai lam ni hpe anhte hkrum hkra nga ai gaw, anhte a matu Karai Kasang a yaw shada ai lam daw chyen mi rai nga ai ngu ai hpe nanhte nan chye nga myit dai.

1 HTESALONI 4:2

Hpa majaw nga yang, nanhte kaning rai asak hkrung hkawm sa mai na hkang da ai lam ni hpe Madu Yesu a ahkaw ahkang hte nanhte hpe anhte jaw da saga ai gaw nanhte chye nga myit dai.

2 TIMOHTI 3:12

Kaja wa Hkristu Yesu hta asak hkrung nna tara hkungga ai lam hta asak hkrung mayu ai wa kadai mung zingri zingrat ai hkrum na ra ai.

HEBRE 2:10

Yawng mayawng hpe hpan da nna bau sin yu lanu lahku nga ai Karai Kasang gaw, kasha ni law law hpe hpung shingkang hkam la shangun lu na matu nni nkri hkam ai hku nna Yesu hpe jahkum shatsup ya wu ai. Ning rai Karai Kasang galaw ai lam gaw mai ang ai lam sha rai nga ai, hpa majaw nga yang, shanhte hkye hkrang la hkrum na matu woi wa ai wa gaw Yesu nan rai nga ai.

1 PETRU 1:20

Ginding aga garai n lat kaw nna Karai Kasang gaw shi hpe lata san da nu ai rai nna ndai hpang jahtum ai nhtoi ni hta e nanhte a matu mara shadan dan dat sai.

1 PETRU 2:24

Anhte gaw yubak mara hpe kau da nna ding hpring ai hta e hkrung nga lu u ga, shi gaw shi hkum hta nanhte dai hpun ntsa e anhte a yubak mara ni hpe gun la kau nu ai. Shi a nma ni a gawp e nanhte shamai shatsai ai hkrum manit dai.

1 PETRU 3:18

Hpa majaw nga yang, Hkristu gaw anhte a yubak mara ni a majaw kalang mi hte yawng a matu ngut hkra si hkam sai. Shi gaw kaja ai masha langai mi rai nga da nna yubak lu ai ni a malai si hkam nu ai. Shing rai galaw ai lam gaw nanhte hpe Karai Kasang hpang de woi wa na matu rai nga ai. Shi gaw hkum shan hku nna sat kau ai hkrum timung, wenyi hta Karai Kasang jahkrung la sai.

1 PETRU 3:9

N hkru n kaja ai hpe n hkru n kaja ai hte, matsa mawa dagam dala ga hpe matsa mawa dagam dala ga hte, bai hkum tai htang nga myit; shing rai na malai; shaman ya ai ga htang jaw mu; hpa majaw nga yang, dai shaman ga gaw shi nanhte hpe shaga la ai shaloi nanhte hpe jaw na matu ga sadi jaw da sai rai nga ai.

1 PETRU 4:1

Hkristu gaw hkum shan hta nni nkri hkrum nu ai rai nna shi a hkam la ai myit mang ai baw hte nanhte mung tinang a hkum ni hpe n-gun shaja la mu; hpa majaw nga yang hkum shan nni nkri hkam sai wa gaw yubak mara hte shi n seng mat nu ai.

1 PETRU 4:13

Mau nga na malai, nanhte gaw Hkristu a nni nkri hpe Hkristu hte rau shang lawm hkam la nga myit dai majaw kabu gara nga mu. Shing rai yang she shi a hpung shingkang hte dan pru ai shaloi nanhte nachying kabu gara ai hte hpring tsup wa lu na marin dai.

1 YAWHAN 2:6

Hkristu hkan sa galaw ai zawn hkan sa asak hkrung ai wa chyu sha Karai Kasang hte langai sha tai nna asak hkrung ai wa re ngu nna tsun lu nga ai.

1 YAWHAN 3:16

Hkristu gaw nanhte a matu mara shi a asak nawng kau wu ai majaw, tsaw ra ai myit majing ngu ai gaw hpa re ai lam anhte chye nga ga ai. Dai re ai majaw, anhte mung hpu nau ni a matu mara anhte a asak nawng kau na sut nga ai.

SHINGRAN 12:11

Anhte a hpu nau ni gaw, Sagu Kasha a asai majaw mung, shanhte sakse hkam nga ai teng man ai mungga a majaw mung, Satan hpe awng dang kau lu mu ai rai nna, shanhte gaw si ai du hkra tinang a asak hpe n lahpawt ma ai.