1 PETRU 2:20 - Jinghpaw Common Language Bible 2009

²⁰ Nanhte gaw tinang galaw shut ai mara a majaw hkam la ging ai arai hpe hkam la ai rai yang, hpa baw shakawn shara mi nga na rai ta? rai ti mung teng man ai hpe galaw nga ninglen nni nkri hkrum sha ai hte machyi sharang nga myit yang gaw, Karai Kasang nanhte hpe de a matu shaman chyeju jaw na ra ai.

Jinghpaw Hanson Version Bible

²⁰ Nanhte yubak galaw ninglen, htwi ai bye ai hkrum sha nna, machyi sharang nga myit yang gaw, hpa arawng lu la myit ta? Kaja ai amu galaw ninglen, nni nkri hkrum sha ai hte machyi sharang nga myit yang gaw, dai gaw Karai Kasang a man e akyu rai nga ai.

1 PETRU 2:20 ပူးပေါင်းရင်းမြစ်များ

MAHTE 26:67

Shaloi shanhte gaw shi a myi man hpe mayen mahtaw bun ai hte shi hpe htwi mu ai. Nkau mi shi hpe kahpret nna,

MAHTE 5:47

Nanhte a nhpu nnau ni hpe sha hkrum shaga myit yang gaw, nanhte a sat lawat gaw hpa laklai shagrau shara nga na rai ta? Tara maigan ni mung, dai hte maren galaw ma ai n rai ni?

MARKU 14:65

Shanhte hta na nkau mi gaw, shi hpe mayen mahtaw bun ai hte, shanhte shi hpe myi bam kau ya nna kayat nhtawm shanhte gaw, “Nang hpe kadai kayat a ta? Tak yu u!,” ngu mu ai. Hkinjawng Agyi Kaba wa a sin langa ni mung shi hpe magra bye kahpret mu ai.

LUKA 6:32

“Nanhte hpe tsaw ra ai ni hpe sha tsaw ra myit yang gaw, nanhte, Karai Kasang a shaman chyeju gara hku hkam la lu na myit ni? Yubak kap ai ni mung tinang hpe tsaw ra ai ni hpe gaw tsaw ra ma ai.

1 KORINHTU 4:11

Ya ten du hkra anhte kawsi hpang gara, singgu krin, adup ajin zingri hkrum nna nga shara garen let shara mi kaw nna shara mi de hkawm nga ga ai.

GALATI 4:18

Teng man ai yaw shada ai hte myit lawm myit tsang ai lam rai yang gaw kaja nga ai. Ngai nanhte hte nga nga yang sha kaja ai lam hpe myit tsang mai na n rai; galoi rai ti mung kaja ai lam hpe myit tsang nga na mai kaja nga ai.

EHPESU 5:10

Madu sharawng awng ai hpa rai nga ai hpe shakut sharang let sharin la mu.

HPILIPI 4:18

Nanhte shagun jaw dat ai arung arai alu yawng lu la sai lam hte jahpan ya nang e madun dan nngai. Dai gaw ra ai hta pyi jan hkra rai sai. Dai alu arung arai ni hpe Epahprodi la sa ya ai majaw ngai ra ai hta pyi jan hkra lu ni ai. Dai arai ni gaw Karai Kasang kaw nawng ya ai manam pyaw ai bat zawn mung, Karai Kasang ra sharawng ai hte hkap la ging ai shagu hkungga zawn mung rai nga ai.

1 PETRU 2:19

Nanhte gaw Karai Kasang a myit ra ai lam hpe chye ya nga myit dai rai nna, nanhte n hkam ging ai nni nkri hkam sharang myit yang gaw, Karai Kasang de a matu nanhte hpe shaman ya na marin dai.

1 PETRU 3:14

Rai ti mung lama rai nna teng man ai lam hpe hkan sa galaw nga ninglen nanhte nni nkri hkrum myit yang gaw, kabu lu nga na rai myit dai. Kadai wa hpe mung hkum hkrit nga myit; myit mung hkum ru myit.

1 PETRU 3:17

Hpa majaw nga yang, Karai Kasang a myit ra ai lam she rai yang gaw, mai kaja ai amu galaw ai a majaw nni nkri hkrum ai gaw n hkru n kaja ai lam galaw nna nni nkri hkrum ai hta grau kaja nga ai.