1 PETRU 2:2 - Jinghpaw Common Language Bible 2009

² Ma chyangai zawn wenyi hte seng ai jet ai chyu hpe galoi mung hpang gara nga mu. Shing rai nanhte lu ai hte nanhte galu kaba wa nna hkye hkrang la ai hkrum na marin dai.

Jinghpaw Hanson Version Bible

² n hkru n hkra, hkalem hkalau, sawt masawt, manawn masham hte nsu nnawn ai baw law ai ga nlang hte hpe kau da nhtawm,

1 PETRU 2:2 ပူးပေါင်းရင်းမြစ်များ

2 SAMUELA 23:5

N hten n run mat ai myit hkrum lam, galai shai n lu ai ga sadi ngu ai htani htana ga shaka ngai hte tawn da nu ai majaw, Karai Kasang gaw nye a amyu matu ni hpe shaman ya na ra ai. Dai gaw ngai ra sharawng ai lam yawng rai nna nye a awng padang rai na ra ai, Karai Kasang mung dai hpe teng teng shabyin dat na ra ai.

YOBA 17:9

Hkungga lara wa na matu tsun hkrum ai ni gaw shanhte ding man nga ma ai hpe grau grau nna chye na wa ma ai.

GA SHAGAWP 4:18

Ding hpring ai ni a hkrun lam gaw jan pru wa ai zawn rai nga ai; dai gaw shani nhtoi hkung wa ai aten du hkra, grau grau nna, htoi leng wa nga ai.

HOSEA 14:5

Ngai gaw hkun hkraw ai shara hta marang htu ai zawn ngai gaw Israela amyu masha ni a matu tai na nngai. Shanhte gaw nampan ni zawn pu wa nna; Lebanon a hpun ni zawn ngang ngang ru jung na ra ai.

HOSEA 14:7

Shanhte gaw nye a makawp maga ai npu hta lang mi bai shanu nga lu na mara ai. Shanhte gaw nai mam zawn tu wa nna, sabyi ru zawn asi si wa na mara ai. Shanhte gaw Lebanon sabyi ntsin zawn gumhkawng wa na mara ai.

HOSEA 6:3

Anhte dai Madu hpe chye hkra shakut ga. Shi gaw jahpawt manap na nhtoi e teng teng pru wa ai zawn mung, lanam shang marang teng teng jahtu ya ai zawn mung anhte hpang de du sa wa na ra ai.”

MALAHKI 4:2

Rai ti mung nye a ga madat ai nanhte a matu hkye hkrang la lu ai nye a daru magam n-gun gaw nanhte a ntsa e ajan zawn rawt wa nna, jan a shingkang ni zawn shamai shatsai ai lam du pru wa na ra ai. Nanhte gaw shalawt dat ai hkrum nna, ulawng kaw na pru wa ai dumsu kasha ni zawn kabu gara na rai myit dai.

MAHTE 18:3

“Nanhte hpe ngai teng teng tsun made ga, nanhte myit n kayin nna ma kaji zawn n tai myit yang gaw, sumsing lamu a Mungdan hta nanhte n shang lu na myit dai.

MAHTE 19:14

Yesu chyawm gaw, “Ma ni ngai hpang de sa maru ga, shanhte hpe hkum ban shadang myit, hpa majaw nga yang, sumsing lamu a Mungdan gaw dai zawn re ai ma ni a Mungdan rai nga ai,” ngu mu ai.

MARKU 10:15

Nanhte hpe ngai teng teng tsun made ga, kadai rai ti mung, Karai Kasang a mungdan hpe ma kaji langai mi zawn n hkap la ai wa gaw, dai hta e kaja wa n shang lu na ra ai,” ngu nna shanhte hpe tsun mu ai.

LUKA 18:17

Kadai rai ti mung Karai Kasang a Mungdan hpe ma kaji zawn n hkap la ai wa gaw, dai hta e kaja wa n shang lu na ra ai,” ngu mu ai. Dai hpe adum nga mu.

ROMA 6:4

Dai re ai majaw Hkristu gaw kawa a hpung shingkang hte si mat ai ni kaw na hkrung sharawt la hkrum wu ai hte maren anhte mung asak ningnan hta rawt hkawm wa lu hkra, dai hkalup hkam ai hta e anhte si hkam nna shi hte rau lup makoi ai hkrum saga ai.

1 KORINHTU 14:20

Hpu nau ni e, myit mang ai lam hta ma kaji hkum tai myit: n hkru n kaja ai lam hta she ma kaji tai nga mu; myit mang ai lam hta chyawm gaw, asak kaba nna myit su ai ni zawn rai nga mu.

EHPESU 2:21

Shi gaw dai wahpang langai mi ting hpe ngang kang galu kaba wa shangun nna chyoi pra ai hte Madu hta ap nawng da ai nawku htingnu byin wa shangun sai.

EHPESU 4:15

Shing rai na malai, tsaw ra ai myit hte teng man ai ga hpe tsun nga ga yang Hkristu ngu ai baw hte lam shagu hta kaba rawt wa na ga ai.

2 HTESALONI 1:3

Tsaw ra ai hpu nau ni e, nanhte a lam hte lakap nna Karai Kasang a chyeju hpe anhte tut nawng e shakawn kungdawn ra ga ai. Shing rai shakawn kungdawn ai lam anhte galaw na gaw anhte a matu jaw ang ai amu rai nga ai; hpa majaw nga yang, nanhte a makam masham gaw grai galu kaba wa ai hte nanhte hta rawng ai, masha hpe tsaw ra ai myit mung grau grau nna kunghpan kaba wa sai.

1 PETRU 1:23

Hpa majaw nga yang, nanhte gaw dai ahkrung nga ai hte htani htana anga nga ai Karai Kasang a mungga marang e n si n mat chye ai kanu kawa ni a kasha ni zawn shangai wa manit dai.

2 PETRU 3:18

Nanhte gaw anhte a hkye hkrang la ai Madu Yesu Hkristu a chyeju hte shi hpe chye chyang ai lam hta matut nna galu kaba kunghpan sa wa myit ga; ya e mung, htani htana prat ding sa e mung, Yesu Hkristu kaw hpung shingkang anga nga u ga law.