1 PETRU 2:19 - Jinghpaw Common Language Bible 2009

¹⁹ Nanhte gaw Karai Kasang a myit ra ai lam hpe chye ya nga myit dai rai nna, nanhte n hkam ging ai nni nkri hkam sharang myit yang gaw, Karai Kasang de a matu nanhte hpe shaman ya na marin dai.

Jinghpaw Hanson Version Bible

¹⁹ Kaning rai nme law, marai langai ngai Karai Kasang hpe nawku nu ai majaw, mara n rawng timung, nni nkri hkrum nna, yawn hkyen hkrum let shakut sharang nga a yang gaw, dai hta akyu lawm nga lu ai.

1 PETRU 2:19 ပူးပေါင်းရင်းမြစ်များ

YOBA 21:27

Nanhte hta matai htang mayu ai myit rawng nga myit dai gaw ngai chye nngai.

SHAKAWN KUNGDAWN 119:86

Na a hkang da ai tara ni yawng myit du kam hpa mai nga ai; masha ni gaw masu magaw ga ni hte ngai hpe zingri zingrat di mi ai- ngai hpe karum la e law!

SHAKAWN KUNGDAWN 35:19

Masu magaw ai nye a gumlau hpyen ni gaw ngai hpe dang kau lu ma ai majaw gumrawng ai lam hkum byin shangun et! Lachyum n pru ai sha, ngai hpe n ju n dawng ai ni, ngai yawn hkyen hkrum ai hpe mu nna, hkrum sha sahka, nga nna hkum kabu shangun et!

SHAKAWN KUNGDAWN 38:19

Nye a gumlau hpyen ni gaw hkam kaja nga ma ai hte n-gun ja nga ma ai; mara kata, ngai hpe n dawng ai ni law law nga ma ai.

SHAKAWN KUNGDAWN 69:4

Mara kata e, ngai hpe n ju n dawng nga ai ni gaw nye a baw na kara singgawng ni hta grau law nga ma ai; Nye a gumlau hpyen ni ngai hpe masu magaw shatan nhkan ga tsun nna, gumlang nga ma ai; Shanhte gaw n-gun ja nga ma ai rai nna, ngai hpe sat kau mayu nga ma ai. Ngai n lagu la ai arung arai ni hpe bai nhtang jaw shangun ma ai.

LUKA 6:32

“Nanhte hpe tsaw ra ai ni hpe sha tsaw ra myit yang gaw, nanhte, Karai Kasang a shaman chyeju gara hku hkam la lu na myit ni? Yubak kap ai ni mung tinang hpe tsaw ra ai ni hpe gaw tsaw ra ma ai.

YAWHAN 15:21

Rai ti mung shanhte gaw ngai hpe shangun dat ai wa hpe n chye ma ai rai nna, nye a amying a majaw dai zingri zingrat ai lam yawng nanhte hpe di na mara ai.

KASA 11:23

Shi sa du ai shaloi dai masha ni hpe Karai Kasang gara hku chyeju jaw nga ai lam mu lu yang shi kabu gara nga ai hte dai Madu hta myit masin mahkra hte lashum lanoi kam sham nna sadi dung nga na matu nlang hte hpe shadum shahprang mu ai.

ROMA 13:5

Dai rai nna nang gaw Karai Kasang ari jaw na hpe hkrit ai majaw sha n rai, dum chye ai myit e hkang ai hku mahtang ahkang aya lu ai ni a npu e taw lu na rai myit dai.

1 KORINHTU 15:10

Rai ti mung, Karai Kasang a chyeju majaw, ngai gaw ngai wa rai nga nngai; ngai hpe Karai Kasang jaw ai chyeju mung kaman lila n rai nga ai sha, kaga kasa ni yawng hta, ngai grau nna bungli galaw gun hpai shaja nngai. Shing rai galaw lu ai gaw, nye a atsam majaw n rai, ngai hte rau amu galaw nga ai Karai Kasang a chyeju a majaw rai nga ai.

2 KORINHTU 1:12

Anhte myit kata hta asan sha gumrawng na lam langai mi nga ai; dai gaw, ndai mungkan hta anhte a asak hkrung lam, grau nna nanhte hte kanawn mazum matut mahkai ai lam ni hta masha a machye machyang hta n shamyet shanat ai sha Karai Kasang a chyeju atsam hte anhte gaw Karai Kasang jaw ai teng man san seng ai myit masin e up hkang ai hku nna amu galaw ai lam rai nga ai.

2 KORINHTU 8:1

Tsaw ra ai hpu nau ni e, Makedoni mung na hpung ni hpe Karai Kasang gaw hpa baw chyeju jaw sai ngu ai lam nanhte hpe anhte chye shangun mayu ga ai.

2 TIMOHTI 1:12

Dai lam a majaw ndai nni nkri ru yak jam jau ni hpe ngai hkam jan nngai, Rai ti mung nye a kam hpa ai myit gaw ngai hta naw hpring chyat nga ai. Hpa majaw nga yang, ngai kadai wa hpe kam manoi nga nngai gaw ngai chye nga ai hte ngai hpe kam nna nye a lata hta ap tawn da sai dai Kabu Gara Shiga hpe tara jeyang ai Shani Nhtoi du hkra makawp maga mahkyu da ya lu ai n-gun atsam shi hta rawng nga ai ngu nna ngai myit mu myit hkut nga nngai.

HEBRE 10:2

Lama rai nna Karai Kasang hpe nawku daw jau nga ai masha ni hpe yubak mara kaw na jasan jaseng kau lu ai rai yang gaw, shanhte yubak mara naw lu ai ni re ngu nna galoi mung n myit nawn sana rai nna, hkungga nawng ai lam yawng mung hkring mat sana rai nga ai.

1 PETRU 2:20

Nanhte gaw tinang galaw shut ai mara a majaw hkam la ging ai arai hpe hkam la ai rai yang, hpa baw shakawn shara mi nga na rai ta? rai ti mung teng man ai hpe galaw nga ninglen nni nkri hkrum sha ai hte machyi sharang nga myit yang gaw, Karai Kasang nanhte hpe de a matu shaman chyeju jaw na ra ai.

1 PETRU 4:15

Nanhte hta na langai ngai nni nkri hkrum yang, dai gaw masha sat ai wa shing n rai lagu ai wa, n hkru n kaja ai majaw daw dan hkrum ai wa, masha ni a amu hta hkan kajam chyau lau ai wa re ai majaw hkrum ai nni nkri n rai u ga.