1 PETRU 2:18 - Jinghpaw Common Language Bible 2009

¹⁸ Shangun ma ni e, nanhte a madu ni a npu e taw nga lu na rai myit dai; matsan dum lama ai hte myit tau ya chye ai ni hpe sha n rai, kajet kaje re ai ni hpe mung hkungga lara ai lam tup hkrak madun dan lu na rai myit dai.

Jinghpaw Hanson Version Bible

¹⁸ Shangun ma ni e, nanhte a madu ni a npu e, hkrit kamyin ai myit hte ataw nga mu; kaja ai ni hte myit ngwi ai ni a npu e sha n rai, kajet kaje re ai ni a npu e mung, ataw nga mu.

1 PETRU 2:18 ပူးပေါင်းရင်းမြစ်များ

SHAKAWN KUNGDAWN 101:4

Ngai gaw masu magaw ai masha tai na n rai, n hkru ai masha ni hte ngai hpa mung n galaw na nngai.

GA SHAGAWP 10:32

Ding hpring ai masha ni gaw shi tsun shaga ang ai lam hpe chye nga ai; tara n lang ai ni chyawm gaw tut nawng e, masin achyaw ga hpe atsun nga ai.

GA SHAGAWP 11:20

Dai Madu gaw n hkru ai myit rawng ai masha ni hpe n dawng nga ai; teng man ai amu galaw ai masha ni hpe tsaw ra nga ai.

GA SHAGAWP 3:32

Kaning rai nme law, dai Madu gaw n hkru n shawp ai amu galaw ai ni hpe n dawng nga ai; rai ti mung, ding man ai masha ni hpe chyawm gaw shi kam nga ai.

GA SHAGAWP 8:13

Dai Madu hpe shagrau sha-a ai lam gaw n hkru ai lam hpe n dawng ai lam rai nga ai; ngai gaw gumrawng gumtawng ai hte myit tsaw myit dap ai n hkru ai lam hte n teng n man ai ga ni hpe n dawng nngai.

2 KORINHTU 10:1

Nanhte a man e akya shala rai myit grit myit nem ai lam madun nhtawm, nanhte hte tsan gang jang laja lana nden marai madun ai wa, ngu shatan hkrum ai ngai Pawlu nan nanhte hpe lajin dat made ai.

GALATI 5:22

Rai ti mung dai Wenyi a asi chyawm gaw, tsaw ra ai, kabu gara ai, ngwi pyaw ai, myit galu kaba ai, matsan dum ai, mai kaja ai,

TITU 3:2

Kadai hpe mung n kaja ai hku shatan nhkan ga n tsun ai sha sim sa ngwi pyaw hku hkau ai hku nga na hte, tut nawng masha yawng hte hpe sumnung ai myit madun dan mu ga, shanhte hpe tsun shadum nga u.

YAKU 3:17

Rai ti mung ntsa de na du sa ai hpaji byeng-ya chyawm gaw shawng npawt e san seng ai, dai hpang ngwi pyaw sim sa ai, sumnung shingdi ai hte hku hkau ai lam hpe byin shangun nga ai hta n ga, tsaw ra matsan dum myit hte hpring nna kaja ai magam bungli ni ngu ai apu asi ni hpe shabyin shapraw nga ai. Dai gaw myi man lata ai lam hte hpyi hpun ai lam hta n lawm nga ai.