1 PETRU 2:15 - Jinghpaw Common Language Bible 2009

¹⁵ Hpa majaw nga yang, nanhte galaw ai mai kaja ai amu ni a marang e machye machyang n rawng ai angawk angak nga nna shaga ai masha ni a ga hpe nanhte shazim kau mu ga, Karai Kasang ra sharawng nga ai.

Jinghpaw Hanson Version Bible

¹⁵ kaning rai nme law, kaja ai bungli shachyen let, myit n gring ai ni a n chye n chyang ai ga hpe nanhte jasim lu na gaw, Karai Kasang myit da ai hku rai nga ai.

1 PETRU 2:15 ပူးပေါင်းရင်းမြစ်များ

YOBA 2:10

Yoba gaw, “Nang gaw ga laban shaga nga n hka! Karai Kasang anhte hpe arai kaja lama ma jaw ai shaloi dai hpe anhte hkam la chye ga ai; shi anhte hpe ru tsang jahkrum ai shaloi anhte kaning rai aput angun lu na rai ga ta?,” ngu nna htan wu ai. Dai rai nna ndai nni nkri yawng mayawng hkrum sha tim pyi, Yoba gaw Karai Kasang hpe ninghkap na ga hpa mung n tsun nga ai.

YOBA 5:16

Shi gaw matsan mayan ni hpe myit mada shara jaw nna, n hkru ai wa hpe shazim kau nga ai.

SHAKAWN KUNGDAWN 107:42

Ding hpring ai masha ni dai lam hpe mu nna kabu gara nga ma ti mung; tara n lang ai ni yawng hte hpe chyawm gaw shazim kau ya wu ai.

SHAKAWN KUNGDAWN 5:5

Gumrawng gumtawng ai ni gaw na a man e tsap lu ma ai n rai, tara n lang ai masha ni yawng hpe mung nang n ju n dawng nga ndai.

GA SHAGAWP 9:6

Myit n su ai masha u hpung ni hpe kau da nna, asak hkrung nga mu; hpaji machye machyang lam hta hkan hkawm nga mu,” nga nna jahtau tsun wu ai.

YEREMIA 4:22

Dai Madu gaw, “Nye a amyu masha ni gaw myit n su ma ai; shanhte ngai hpe n chye ma ai. Shanhte gaw angawk ai ma kaji ni zawn rai ma ai; shanhte hta chye na hkawn hkrang ai nyan hpa mung n rawng ma ai. Shanhte gaw n hkru ai amu galaw ai hta myit let ma ai, rai ti mung mai kaja ai amu galaw ai hta hkrat sum ma ai,” ngu nna tsun ai.

MAHTE 25:2

Shanhte hta na manga gaw myit n su ma ai, kaga manga gaw hpaji rawng nga ma ai.

MAHTE 7:26

Rai ti mung, nye a ga na nna n hkan galaw ai wa kadai mung, tinang a nta hpe zaibru jang e gap da ai masha angawk hte bung nga ai.

ROMA 1:21

Shanhte gaw Karai Kasang hpe chye chyang ninglen Karai Kasang hpe shagrau sha-a ang ai hte maren, n shagrau sha-a ma ai, chyeju jawm shakawn kung dawn ai lam n galaw ma ai, shanhte a myit mang ai lam gaw, lachyum n pru kaman li la sha rai mat malu ai majaw, shanhte a htauli htaula myit kaja ai myit masin ni gaw sin mak ai hte hpring chyat nga malu ai.

GALATI 3:1

Angawk angak re ai Galati masha ni e, wudang hta e Yesu Hkristu si hkam ai lam hpe nanhte a myiman e pra pra mu lu hkra, ngai tsun sanglang dan sai mi, nanhte hpe kade e hkalem la kau myit ta?

TARA JAHPRANG 32:6

Angawk angak hte myit n su ai amyu masha ni e, nanhte gaw dai Madu hpe dai zawn galaw ai gaw lam jaw nga a ni? Shi gaw nanhte a kawa, nanhte hpe hpan da ai wa rai nga ai, shi gaw nanhte hpe amyu baw shatai nu ai.

1 HTESALONI 4:3

Karai Kasang gaw, nanhte hpe chyoi pra san seng shangun mayu ai hte n se n sa re ai hku asak hkrung ai lai len kaw na tsep kawp lawt na matu ra sharawng nga ai.

1 HTESALONI 5:18

Lam shagu hta chyeju dum shakawn kungdawn nga mu. Dai gaw Hkristu hta e nanhte a asak hkrung lam hte seng nna Karai Kasang a myit ra ai lam rai nga ai.

1 TIMOHTI 1:13

Ngai chyawm gaw lai wa sai ten hta Madu hpe n kaja ai hku mara shagun tsun shatan ai zingri zingrat ai hte roi asawng re ai wa rai nngai. Rai ti mung Karai Kasang gaw ngai hpe matsan dum nga ai; hpa majaw nga yang, ngai hta makam masham garai n rawng ai rai nna ngai hpa galaw nga ai hpe ngai n chye we ai.

TITU 2:8

Na a hpyen ni gaw nanhte hpe hpa lam hta mung mara n mu tam ai majaw kaya hkrum mu ga, nang gaw masha ni a mara shagun n hkrum hkra teng man ai ga ni hte shadum sharin nga u.

TITU 3:3

Hpa majaw nga yang, shawng de gaw anhte nan mung myit ngawk ai, n madat n mara ai hte shut hpyit lam dam ai ni rai ga ai. Anhte gaw ngang kayut ai hte pyaw daw kadaw ai lam amyu myu hkan galaw yu ai, de a mayam ni mung rai nga ga ai. Anhte hta galoi mung n ju n dawng ai hte manawn masham ai myit rawng nga mali ai hte, masha kaga ni anhte hpe n ju n dawng ma ai hte maren, anhte mung masha ni hpe n ju n dawng ga ai.

1 PETRU 2:12

Tara maigan de na ni nanhte hpe n hkru n kaja ai lam galaw ai ni re ngu nna shadu myit yang, nanhte a kaja ai amu mu lu nna dai Madu bai du sa ai Nhtoi hta Karai Kasang hpe shakawn shagrau mu ga, nanhte gaw shanhte a man e nanhte a arawn alai lam hta tsawm htap kup tsup nga myit ga law.

1 PETRU 3:16

Rai ti mung dai hpe sumnung shingdi nna hkungga lara ai hte galaw nga mu, Nanhte hpe n kaw n law nga nna roi asawng ai ni gaw nanhte Hkristu a hpang hkan nang ai ni hku nna hkan sa nga ai mai kaja ai arawn alai hpe mu nna shanhte tsun kau ai lam hte seng nna kaya kahpa hkrum mat mu ga, nanhte a myit masin asan sha re ai hku asak hkrung nga mu.

1 PETRU 3:17

Hpa majaw nga yang, Karai Kasang a myit ra ai lam she rai yang gaw, mai kaja ai amu galaw ai a majaw nni nkri hkrum ai gaw n hkru n kaja ai lam galaw nna nni nkri hkrum ai hta grau kaja nga ai.

1 PETRU 4:2

Dai re ai majaw ya kaw nna ndai mungkan hta nanhte asak hkrung na matu naw ngam nga ai asak aprat laman shinggyim hkum shan a ra marit ai myit n hkan ai sha, Karai Kasang a myit ra ai lam a hkang ai hku nanhte asak hkrung sa wa lu na rai myit dai.

2 PETRU 2:12

Rai ti mung ndai masha ni gaw hkwi rim la nhtawm sat kau na matu nga pra ai du sat chyazai ni zawn shanhte pyi n chye ai lam ni hpe hkritung myit hte roi asawng ai amu galaw ma ai. Shanhte gaw du sat chyazai ni zawn jahten shabya kau ai hkrum na mara ai.

YUDA 1:10

Rai ti mung ndai masha ni gaw shanhte n chye n chyang ai hpa hpe mung mara shagun shahpyak chye ma ai. Nam na dusat chyazai ni zawn shanhte a hkritung myit hte chye na lu ai arai ni mung shanhte hpe hten za sum hkrum shangun nga ma ai.