1 PETRU 2:11 - Jinghpaw Common Language Bible 2009

¹¹ Ngai tsaw ra ai ni e, nanhte gaw ndai mungkan hta bu hkawm ai tsasam manam ni hte shingbyi nga ai ni zawn rai nga myit dai rai nna, myit masin hte gasat hkat nga ai hkum shan a kayut ai lam ni hpe galoi mung asum n jaw na matu ngai nanhte hpe hpyi nem dat made ai.

Jinghpaw Hanson Version Bible

¹¹ Ngai tsawra ai ni e, myit masin hte gasat hkat nga ai hkum shan kayut la ai baw hpe koi kau myit ga, ga ntsa e shingbyi nga ai ni hte, bu hkawn manam zawn rai nga ai ni nanhte hpe, ngai nem da made ai:

1 PETRU 2:11 ပူးပေါင်းရင်းမြစ်များ

NINGPAWT NINGHPANG 21:34

Abraham gaw Hpilisti mung e na na wa nga nga wu ai.

NINGPAWT NINGHPANG 23:4

“Ngai gaw ndai yang nanhte a ka-ang e shanu nga ai maigan masha wa rai nga nngai; dai rai nna nye a madu jan hpe lup makoi lu na matu, ngai hpe lamu ga dachyawk mi dut ya mi,” ngu nna tsun wu ai.

NINGPAWT NINGHPANG 47:9

Yaku gaw, “Bu htawt hkawm ai nye a prat gaw latsa e sumshi ning tup na mat sali ai; dai shaning ni gaw nye a kaji kawa ni a shaning galu bu hkawm ai zawn n re ai sha, kadun ai hte yak la nga li ai,” ngu nna tsun dan wu ai.

1 HKAWHKAM LABAU 29:15

O Madu e, anhte a kaji kawa ni hkrum sha ai zawn, bawng dung hkrum ai hte tsasam masha ni hte maren, anhte a asak hkrun lam hpe lai di nga ga ai. Anhte a shani nhtoi ni gaw shingnip zawn lai mat wa nna si hkrung si htan kaw na n lawt lu nga ga ai gaw nang chye nga ndai.

SHAKAWN KUNGDAWN 119:19

Ngai gaw ndai mungkan ga ntsa e, jahkring jahkra a matu sha, nga nga nngai; na a hkang da ai ga ni hpe ngai kaw na hkum makoi da et.

SHAKAWN KUNGDAWN 119:54

Kadun la ai dinghta ga na nye a asak hkrun lam hta hkawm sa nga ai laman; na a hkang da ai ga hte seng ai mahkawn ga ni hpe ngai ka jahtuk shalat da nga nngai.

SHAKAWN KUNGDAWN 39:12

Madu e, nye a akyu hpyi ai ga hpe na ya e, ngai hpyi jahtau ai nsen hpe madat ya e; ngai hkrap ngu hkrap ngoi nga yang, ngai hpe sa karum la e. Nye a kaji kawa ni yawng zawn, ngai gaw na a manam sha, jahkring mi tai nga nngai.

JAW JAU 15:18

Lasha hte numsha kanawn ngut ai hpang shan lahkawng gaw hka shin kau na rai ma ai; dai gaw shana de du hkra n san n seng naw rai nga ai.

JAW JAU 25:23

Nanhte a lamu ga hpe tut nawng madu nga lu na matu dai hpe dut lu na myit dai n rai; hpa majaw nga yang, lamu ga hpe nanhte madu ai n rai, Karai Kasang mahtang madu nga ai. Nanhte gaw dai hpe gan lang na matu ahkang lu ai tsasam masha ni zawn sha rai nga myit dai.

LUKA 21:34

“Nanhte gaw, lu lai, sha lai, chyaru nang ai, dinghta asak hkrung lam a matu myit ru myit tsang ai lam ni hte nanhte hpe n ka-up dang kau u ga, sadi hte nga nga mu. Dai n rai yang, dai tara dawdan ai nhtoi gaw mahkam htim ai zawn nanhte a ntsa e akajawng sha dan pru na ra ai.

KASA 15:20

Hpara sumla ni hpe nawng jau tawn ai n san n seng ai lusha ni sha ai lam, n se n sa ndaw liknga lam, du manat sat ai shan hte asai re ai ni hpe koi gam na lam shanhte hpe laika langai mi ka nna tsun shana mai ai ngu nna ngai myit da we ai,

KASA 15:29

Ndai lam ni hpe nanhte koi gam nga myit yang nanhte a matu mai kaja ram ging na malit dai. Hkam kaja nga myit ga law,” nga ai.

ROMA 12:1

Dai re ai majaw hpu nau ni e, Karai Kasang gaw anhte a ntsa e tsaw ra matsan dum ai myit kaba rawng nga ai majaw shi a amu gun hpai na hte shi sharawng awng ai ahkrung nga ai hkungga tai na matu nanhte a hkum hkrang nawng ya na ngai nanhte hpe shadut jahkat dat made ai. Dai gaw nanhte nawng ya ang ai myit masin a teng man ai daw jau ai lam rai nga ai.

ROMA 7:23

Rai ti mung nye a hkum kata hta nye a myit hkrum ra sharawng ai tara hte gasat hkat nga ai kaga tara langai mi amu galaw nga ai hpe ngai mu we ai. Dai tara gaw nye a hkum shan hta shamu shamawt amu galaw nna ngai hpe yubak a tara hta bawng dung shangun nngai.

ROMA 8:13

Hpa majaw nga yang, nanhte gaw hkum shan a myit ra ai hku asak hkrung myit yang gaw nanhte si na rai nga myit dai; rai ti mung tinang a yubak hte seng ai arawn alai ni hpe dai Wenyi a karum ai hte sat kau myit yang gaw, nanhte hkrung nga na myit dai.

2 KORINHTU 5:20

Dai rai nna anhte gaw Hkristu a lam htinglet ya ai kasa ni tai let, Karai Kasang shi nan anhte a n-gup aga hku nna nanhte hpe lajin nga ai. Nanhte gaw shi hpe hpyen ai ni tai nga ai kaw nna shi a jinghku ni tai wa mu ngu, Hkristu a malai anhte hpyi nem nga ga ai.

2 KORINHTU 6:1

Nanhte gaw Karai Kasang a chyeju hkam la ai ni rai nga myit dai hte maren dai chyeju hpe lahpawt lama n di kau myit ga, anhte Karai Kasang a shingdep shingtau ni hku nna nanhte hpe hpyi lajin dat ga ai.

2 KORINHTU 7:1

Tsaw ra ai jinghku ni e, ndai ga sadi ni yawng gaw anhte hpe jaw da ai rai nga ai. Dai re ai majaw anhte gaw hkum hkrang hte wenyi hpe awu asin di kau ai matsat shabat nga manga hta na tinang hkum hpe jasan jaseng kau nhtawm Karai Kasang hpe hkrit hkungga let chyoi pra htum ai hku asak hkrung nga ga.

GALATI 5:24

Hkristu Yesu hte seng ai ni chyawm gaw tinang a hkum shan myit hpe mung, myit kayut ai hte marin marit ai hte nawng wudang hta jen sat kau manu ai.

EHPESU 2:19

Dai re ai majaw, ya gaw, nanhte maigan masha ni, shing n rai malet nhprang tsasam manam ni n rai manit dai; nanhte gaw Karai Kasang a masha ni hta lawm ai mung chying sha ni rai nna Karai Kasang a dinghku masha ni rai nga myit dai.

EHPESU 4:1

Dai re ai majaw dai Madu hpe daw jau ai a majaw bawng dung ai wa ngai Pawlu gaw nanhte hpe shi shaga la ai kaw nna Karai Kasang e madat da ya sai sak hkrung lam madung hte maren, sak hkrung hkawm sa na matu ngai nanhte hpe shadut jahkat dat made ai.

2 TIMOHTI 2:22

Brang ram a myit kayut ai lam ni hpe koi gam nna Madu hpe san seng ai myit hte karum hpyi ai ni hte rau ding hpring ai lam, kam sham ai lam, tsaw ra ai lam hte ngwi pyaw sim sa ai lam hpe tam shakut nga u.

HEBRE 11:13

Ndai masha ni yawng gaw dai makam masham hta si wa masai. Shanhte gaw Karai Kasang jaw da ai ga sadi hte seng ai sali wunli hpe n hkam la lu ma ai, rai ti mung shanhte hpe tsan tsan kaw nna mu mada ai hte hkap tau hkalum la ma ai. Shanhte gaw ndai ga ntsa e chyasam hte malet nhprang shingbyi manam sha tai nga ma ai hpe asan sha yin la ma ai.

HEBRE 6:9

Tsaw ra ai ni e, anhte ning nga nna tsun ga ti mung, nanhte hte seng nna anhte myit tsang ai lam nga ga ai. Nanhte gaw dai hkye hkrang la ai lam hte seng nna grau kaja ai shaman chyeju lu la manit dai hpe anhte chye ga ai.

YAKU 4:1

Nanhte hta e gasat gala ai lam ni hte ga li ga law re ai lam ni kanang na du sa wa sata? Dai ni gaw nanhte kata hta tut nawng gasat gala nga ai pyaw daw kadaw ai lam a majaw nanhte a ra kasit nga ai lam ni kaw nna pru wa ai r ai nga ai.

1 PETRU 1:1

Yesu Hkristu a kasa, ngai Petru gaw Pontu mung, Galati mung, Kapadokia, Asi hte Behtuni mung hkan e tsasam manam zawn nga shingbyi hkawm nga ai Karai Kasang a lata la ai amyu masha ni hpang de laika ka dat nngai.

1 PETRU 1:17

Dai hta kaga masha yawng hte hpe myi man n lata ai sha langai hte langai tinang galaw ai hte maren tara jeyang chye ai Karai Kasang kaw nanhte akyu hpyi myit yang, shi hpe, “Wa e,” ngu nna hpyi myit dai, Dai rai nna ndai mungkan hta nanhte asak hkrung nga ai laman hta shi hpe hkrit hkungga nga mu.

1 PETRU 4:12

Tsaw ra ai ni e, nanhte hta shawoi n byin yu ai baw zawn byin nga ai nanhte hkrum sha nga ai machyi la ai chyam dinglik ai lam hpe hkum mau nga myit.

1 PETRU 4:2

Dai re ai majaw ya kaw nna ndai mungkan hta nanhte asak hkrung na matu naw ngam nga ai asak aprat laman shinggyim hkum shan a ra marit ai myit n hkan ai sha, Karai Kasang a myit ra ai lam a hkang ai hku nanhte asak hkrung sa wa lu na rai myit dai.

2 PETRU 3:1

Nye a tsaw ra ai manang ni e, ndai gaw ngai nanhte hpang de lahkawng lang ngu na ka dat ai laika rai li ai. Ndai laika lahkawng yan hta nanhte a san seng ai myit ni hte chye na na matu lawu na lam ni hte seng nna shadum dat made ai.