1 PETRU 2:10 - Jinghpaw Common Language Bible 2009

¹⁰ Nanhte gaw shawng de kalang mi Karai Kasang a amyu masha ni n rai myit dai; rai ti mung ya gaw, shi a masha ni rai wa manit dai. Shawng de kalang mi nanhte gaw Karai Kasang a matsam dum lama ai hpe n hkap la lu myit dai; ya chyawm gaw hkap la lu manit dai.

Jinghpaw Hanson Version Bible

¹⁰ Nanhte mung, shawng e amyu rai nga myit dai n rai, ya chyawm gaw, Karai Kasang a amyu rai wa manit dai; shawng e chyeju hkam la manit dai n rai, ya chyawm gaw, chyeju hkam la lu manit dai.

1 PETRU 2:10 ပူးပေါင်းရင်းမြစ်များ

2 SAMUELA 7:24

Nang gaw Israela hpe htani htana na a amyu masha majing shatai la nga nit dai; dai rai nna Madu e, nang gaw shanhte a Karai Kasang tai nga nit dai.

HOSEA 2:23

Ngai gaw nye a amyu masha ni hpe ndai lamu ga hta shanu nga shangun nna shanhte hpe ngamu ngamai shangun na nngai. Ngai gaw “Tsaw ra n hkrum ga ai” ngu tsun hkrum nga ai ni hpe mung, “Nye a amyu masha ni n re” nga nna tsun hkrum ai ni hpe mung tsaw ra myit madun na we ai. Ngai gaw, “Nanhte gaw nye a amyu masha ni rai nga myit dai,” ngu nna tsun na we ai, shanhte gaw, “Nang gaw anhte a Karai Kasang rai nga ndai,” nga nna htan na mara ai.

ROMA 10:19

Bai ngai naw san yu made ga, Israela amyu masha ni gaw dai lam n chye na ma ai kun? Mawshe shi nan, “Ngai gaw hpa n re ai amyu hpe jai lang nna, nye a amyu masha ni hpe manawn shangun na nngai. N gring ai amyu a majaw nye a amyu masha ni hpe pawt bu shangun na nngai,” nga nna Mawshe shi nan shawng htan ai.

ROMA 11:30

Nanhte maigan amyu masha ni chyawm gaw moi shawng de Karai Kasang hpe n madat n mara myit dai; rai ti mung ya Karai Kasang matsan dum lama ai lam hkam la lu ai gaw Yuda amyu masha ni Karai Kasang a ga hpe n madat n mara ai majaw rai nga ai.

1 KORINHTU 7:25

Ya nanhte laika ka nna san dat ai garai n hkungran ai ni hte seng nna dai Madu kaw na htet da ai ga ngai n lu nngai: rai ti mung Karai Kasang a matsan dum ai chyeju majaw kam ging ai wa langai mi rai nga ai hku nna, nye a myit la lu ai lam hpe tsun shana dat nngai.

1 TIMOHTI 1:13

Ngai chyawm gaw lai wa sai ten hta Madu hpe n kaja ai hku mara shagun tsun shatan ai zingri zingrat ai hte roi asawng re ai wa rai nngai. Rai ti mung Karai Kasang gaw ngai hpe matsan dum nga ai; hpa majaw nga yang, ngai hta makam masham garai n rawng ai rai nna ngai hpa galaw nga ai hpe ngai n chye we ai.

HEBRE 4:16

Dai rai nna anhte nden ja ai myit hte Karai Kasang a chyeju tingnyang man de sit shang wa ga. Shing rai yang anhte gaw matsan dum ai lam hkam la lu na hte, ra kadawn ai aten hta nan anhte hpe karum ai chyeju lu la na ga ai.