1 PETRU 2:1 - Jinghpaw Common Language Bible 2009

¹ Dai re ai majaw nanhte gaw n hkru n kaja ai lam amyu myu hte masu hkalem ai lam sawt ai lam, manawn masham ai lam hte roi asawng ai ga ni hpe yeng seng kabai kau mu.

Jinghpaw Hanson Version Bible

¹ Dai re ai majaw, dai Madu gaw n-gaw nnyeng rai nga ai hpe, nanhte chyim yu manu yang gaw,

1 PETRU 2:1 ပူးပေါင်းရင်းမြစ်များ

YOBA 36:13

Karai kata ni gaw masin apawt nga nna shanhte ari jaw hkrum yang pyi, karum la na matu akyu hpyi ma ai n rai.

SHAKAWN KUNGDAWN 32:2

Shut hpyit ai amu hta na dai Madu e mara shagun n hkrum ai hte, masu magaw lam yawng hta na lawt lu ai wa gaw a nga ai.

SHAKAWN KUNGDAWN 34:13

Dai hpang, n hkru ai ga tsun shaga ai hte masu magaw ga tsun ai lam hpe koi gam nga u.

SHAKAWN KUNGDAWN 37:1

N hkru n shawp ai ni a majaw myit hkum ru et; n teng n man ai amu galaw ai ni hpe hkum yu manawn et.

GA SHAGAWP 14:30

Ngwi pyaw sim sa ai myit masin gaw hkum hkrang hpe hkam kaja shangun nga ai; manawn masham ai myit chyawm gaw nrut nra hpe shatsam kau ya ai mawng ana zawn rai nga ai.

GA SHAGAWP 24:1

N hkru ai masha ni hpe hkum yu manawn et; shanhte hte jinghku hku na hkum shakut et.

GA SHAGAWP 24:19

N hkru n kaja ai ni a majaw, myit ru myit tsang hkum rai et; shanhte hpe hkum yu manawn et.

GA SHAGAWP 3:31

Kashun kashe du daw sai hkaw galaw ai masha ni hpe hkum yu manawn nga et; shanhte galaw ai zawn hkan galaw na hkum daw dan et.

ESAIA 2:20

Dai nhtoi du ai shaloi, shanhte gaw shanhte galaw ai aja gumhpraw hpara sumla ni hpe kabai kau nna dai ni hpe sharu ni hte patsip ni hpang de tawn kau da ya na ra ai.

ESAIA 30:22

Nanhte gaw gumhpraw hte sup ai hpara sumla ni hte ja hte sup ai hpara sumla ni hpe la nna matsat shabat arai zawn dai ni hpe kabai kau nna, “Nye a man kaw na pru mat wa mu!,” ngu nna jahtau tsun na rai myit dai.

MAHTE 15:7

Sawt ai ni e! Nanhte hte seng nna Karai Kasang gaw Esaia a n-gup hku nna,

MAHTE 23:28

Dai hte maren, nanhte gaw shinggan hkrang nsam hku nna masha ni a man e ai re ni zawn rai nga myit ti mung, kata de gaw sawt ai hte yubak mara ni hte hpring chyat nga myit dai.

MAHTE 24:51

shi a madu gaw shi hpe azat aza di kau nhtawm, sawt ai ni hkam la ga ai ari shi hpe mung garan hkam la shangun na ra ai rai nna, dai yang e shi gaw hkrap ngu hkrap ngoi ai hte wa udik urin ai rai na ra ai.

MAHTE 7:5

Sawt ai wa e, na a myi hta na hpun tawng hpe shawng lai kau u; dai hpang na a nhpu nnau wa a myi hta na nbun hpe lai kau ya na matu, nang asan sha mu lu na rin dai.

MARKU 12:15

Yesu gaw shanhte a myit magaw hpaji daw ai lam hpe mu chye ya mu ai rai nna, “Nanhte ngai hpe hpa rai mara tam mayu nga myit ta? Dai gumhpraw dengga lap mi ngai kaw la wa marit, ngai yu yu we ga,” ngu nna htan mu ai.

LUKA 11:44

Nanhte dingnye lu myit dai! Nanhte gaw, masat masa prai mat nna masha ni n chye ai majaw, de a ntsa e kabye hkawm shara shatai kau ai lup ni hte bung nga myit dai.”

LUKA 12:1

Dai shaloi masha hkying mun hpawng kaput wa ai majaw shada da pyi kabye hkra hkra rai nga ma yang, shi a sape ni hpe, Yesu shawng tsun hpang mu ai gaw, “Hparishe ni a sawt ai myit ngu ai, matsi hpe koi gam nga mu.

LUKA 6:42

Tinang a myi hta rawng ai hpuntawng hpe n mu lu ai wa mi, ‘Hpu nau wa e, na a myi hta rawng ai nbun hpe ngai naw lai kau ya de ga!,’ nga nna hpu nau wa hpe kaning rai tsun lu n ta? Sawt ai wa e! Na a myi hta na hpuntawng hpe shawng la kau u; dai hpang na nhpu nnau wa a myi hta rawng ai nbun hpe lai kau ya na matu nang asan sha mu na rin dai.

YAWHAN 1:47

Yesu hpang de Nahtanela sa wa nga ai hpe mu wu ai shaloi, shi hpe sha-ang nna, “Sawt ai myit n rawng ai, Israela masha majing hpe yu yu mu,” ngu wu ai.

ROMA 1:29

Shanhte hta n hkru n kaja ai lam amyu myu, awu asin re ai lam, nam mak lawhpa ai lam, arawn alai hten ai lam, n dawng n yawt ai lam, masha sat ai, ga li ga law ai lam, hkalem hkalau ai, mara matsing da ai lam ni hpring chyat rai nga malu ai.

1 KORINHTU 14:20

Hpu nau ni e, myit mang ai lam hta ma kaji hkum tai myit: n hkru n kaja ai lam hta she ma kaji tai nga mu; myit mang ai lam hta chyawm gaw, asak kaba nna myit su ai ni zawn rai nga mu.

1 KORINHTU 5:8

Dai rai nna yubak mara hte n hkru n shawp ai arawn alai ngu ai matsi dingsa lawm ai muk tawng hte n re ai sha, san seng ai myit masin hte teng man ai ngu ai matsi n rawng ai muk tawng hte Shalai wa ai Poi galaw sha ga.

2 KORINHTU 12:20

Nanhte hpang de ngai du yang, ngai ra ai, mu mayu ai hku nanhte n rai nga la na hpe mung, nanhte mung nanhte ra ai, mu mayu ai hku ngai hta n rai nga na hpe mung ngai tsang nga nngai. Bai ngai gaw nanhte hta ga li ga law ai lam, manawn masham ai lam, pawt sindawng ai lam, tinang akyu tam ai lam, shada da jahpoi asawng ai lam, kadum kahte ai ga, grang ai ga hte kabring kabrawng n ru n ra re ai lam ni sa mu na hpe tsang nngai.

EHPESU 4:31

Dai majaw myit machyi ai, sindawng kahtet ai, masin pawt ai, marawn ahkre ai, n kaw n law di ai, n ju n dawng ai myit amyu myu hte kaga dai hte bung ai lam ni yawng mayawng hpe yeng seng kau mu.

1 HTESALONI 2:3

Anhte gaw shut ai lam hte n san n seng ai maw mawn ai myit hte langai ngai hpe hkalem hkalau mayu ai myit hte, nanhte hpe shadum jahprang ga ai n rai.

1 TIMOHTI 3:11

Shanhte a madu jan ni mung arawn alai kaja ai ni rai nna shatan nhkan ga tsun n lem ai ni n re ai sha, sari sadang hte hpring nna lam shagu hta myit matu ding ai ni rai lu na rai.

TITU 2:3

Dai hte maren, asak kaba sai gumgai ni mung, kam sham nna tara hkungga ai ni, shatan nhkan ga n tsun ai hte chyaru a mayam n tai ai sha mai kaja ai lam sharin achyin chye ai ni rai lu mu ga, nang shanhte hpe sharin shaga ya lu na rai ndai.

HEBRE 12:1

Ya anhte a matu ndai daram law ai sakse ni gaw anhte hpe wang shinggrup da nga mi ai. Dai re ai majaw, anhte gaw lam e dingbai dingna re ai lam shagu hpe mung, anhte ni hta grai ngang hkra kap noi nga ai yubak hpe mung, yeng seng kau nhtawm, anhte gat na matu myit mada daw dan da ai bandung shadaw du hkra shakut sharang rai gat shadu wa ga.

YAKU 1:21

Dai re ai majaw matsat shabat re ai sat lawat shagu hte n hkru n kaja ai arawn alai yawng hte hpe yeng seng kau mu. Karai Kasang kaw sumnung ai hte shawng kaw nna nanhte a kraw lawang ni hta e shi hkai da ya sai nanhte hpe hkye hkrang la lu ai mungga hpe hkap la mu.

YAKU 3:14

Rai ti mung nanhte a myit hta e, manawn masham ai myit, myit machyi ai, tinang akyu tam ai myit rawng ai rai yang nanhte a hpaji byeng-ya rawng dum nna grang gumrawng ai hte dai teng man ai lam hpe shut kau ai mara hkum galaw myit.

YAKU 4:11

Hpu nau ni e, nanhte shada da mara tam dinglun ai lam hkum galaw myit; tinang a Hkristan hpu nau wa langai mi hpe mara tam dinglun ai, shing n rai jeyang ai wa kadai mung dai Tara hpe mara tam dinglun ai hta n ga, dai hpe jeyang ai wa mung rai nga ai. Nanhte gaw Tara hpe jeyang myit yang gaw, dai Tara hpe madat mara hkan sa ai ni n rai, dai hpe jeyang ai ni sha rai manit dai.

YAKU 4:5

“Anhte hta Karai Kasang bang da ya ai wenyi gaw hkrithpa laja lana re ai ra marin ai myit hte hpring chyat nga ai,” nga nna dai Chyum Laika tsun ai ga hta teng man ai lam n rawng ai ngu nna nanhte myit nga myit ni?

YAKU 5:9

Nye a hpu nau ni e nanhte Karai Kasang e daw dan ai n hkrum myit ga, nanhte shada da mara shagun aput angun hkum galaw myit, Tara agyi wa gaw du magang ra ai rai nna dan pru na jin jin rai nga sai.

1 PETRU 2:16

Nanhte gaw shanglawt lu ai masha re ai hku nga mu; rai ti mung n hkru n kaja ai lam hpe magap shinggang kau na matu nanhte a shang lawt ahkang hpe hkum jai lang myit, Nanhte gaw Karai Kasang a mayam ni zawn rai nna nga mu.

1 PETRU 2:22

Shi gaw yubak mara galaw yu ai n rai, shi a nten kaw na hkalem ai ga hkaw mi kadai na yu ai n rai.

1 PETRU 3:10

Chyum Laika hta, “Tinang a asak hkrung lam hta kabu gara ai lam hkam sha let ngamu ngamai ai prat ladaw ni hpe ra sharawng mu mayu ai ni kadai mung, n hkru n kaja ai lam tsun shaga ai ga hpe koi kau nna masu ai ga tsun ai lam jahkring kau ra ai.

1 PETRU 4:2

Dai re ai majaw ya kaw nna ndai mungkan hta nanhte asak hkrung na matu naw ngam nga ai asak aprat laman shinggyim hkum shan a ra marit ai myit n hkan ai sha, Karai Kasang a myit ra ai lam a hkang ai hku nanhte asak hkrung sa wa lu na rai myit dai.

1 PETRU 4:4

Ya chyawm gaw shanhte hte maren zai ai hte kam mara re ai asak hkrung lam hta nanhte n shang lawm mat manit dai majaw, maigan masha ni mau mat nna nanhte hpe roi asawng ai ga tsun shaga wa ma ai.

SHINGRAN 14:5

Shanhte galoi mung masu magaw ai hku n chye tsun ma ai. Mara tsun na lam hpa n nga ai ni rai nga ma ai.