1 PETRU 1:8 - Jinghpaw Common Language Bible 2009

⁸ Nanhte gaw Yesu hpe n mu yu myit ti mung, shi hpe tsaw ra nga manit dai; shi hpe n mu yu myit ti mung, shi hpe kam sham nga manit dai. Dai rai nna nanhte gaw n-gup aga hte tsun n dang lu hkra re ai kabu gara ai lam kaba hte kabu gara nga lu manit dai.

Jinghpaw Hanson Version Bible

⁸ Dai Yesu hpe nanhte n mu yu timung, tsawra nga manit dai; shi hpe garai n mada mu mu timung, shi hpe kamsham nga ai a gawp e, n dang tsun hkra dan hkung ai kabu gara ai hte nanhte kabu gara nga myit dai rai nna,

1 PETRU 1:8 ပူးပေါင်းရင်းမြစ်များ

Shawlumon A Mahkawn Ga 1:7

Nye a tsaw nja wa e, na a yam nga hpung ni hpe rem na matu gara shara de woi sa na mung, shani chyingtung kaw nna gara shara hta ban sa na mung, ngai hpe tsun e. Kaga sagu rem ai ni a sagu hpung ni a lapran hta hpa majaw ngai nang hpe hkan tam la ra nga a ni?

Shawlumon A Mahkawn Ga 5:16

Shi a n-gup gaw pup yang dwi nga ai, shi hte seng ai lam magup gaw ngai hpe shalen la nga ai. Yerusalem numsha ni e, dai lam ni gaw nye a tsaw ra hte bung nga ai.

Shawlumon A Mahkawn Ga 5:9

Numsha ni hta grau tsawm htum ai jan e, na a tsaw ra wa gaw kaga ni hte gara hku shai nga a ta? Nang hpe anhte ga sadi jaw ra hkra re ai shi hte seng ai lam gaw kaning rai grai wa mauhpa shara rai nga a ta?

MAHTE 10:37

Kadai mung ngai hpe tsaw ra ai hta, kanu kawa hpe grau tsaw ra ai wa gaw, nye a sape tai na matu n ging n dan nga ai; ngai hpe tsaw ra ai hta, shayi shadang sha hpe grau tsaw ra ai wa mung, nye a sape tai na n ging n dan nga ai.

YAWHAN 14:15

Nanhte ngai hpe tsaw ra myit dai rai yang gaw, nye a hkang da ai ga ni hpe madat mara hkan shatup na myit dai.

YAWHAN 14:21

“Nye a hkang da ai ga ni hpe hkap la nna madat mara hkan sa ai wa gaw ngai hpe tsaw ra ai wa rai nga ai. Ngai e tsaw ra ai wa hpe nye Wa mung tsaw ra na wu ai. Ngai mung dai wa hpe tsaw ra ai hte, ngai hkum nan dai wa hpe shadan dan na we ai,” ngu nna shi hpe tsun wu ai.

YAWHAN 14:24

Ngai hpe n tsaw ra ai wa gaw nye a sharin shaga ai ga hpe n hkan shatup lu ai; nanhte na la lu ai mungga gaw, nye a ga n rai li ai, ngai hpe shangun dat ai nye Wa a mungga rai nga lu ai.

YAWHAN 16:22

Dai hte maren nanhte ya yawn hkyen nga myit dai; rai ti mung nanhte hte ngai bai hkrum lu nna, nanhte a kraw lawang ni hta kabu gara ai hte hpring na ra ai; dai nanhte a kabu gara ai hpe nanhte kaw na kadai mung kashun la ya lu sana n rai.

YAWHAN 20:29

Yesu gaw, “Nang gaw ngai e mu lu ai majaw sha kam n ni? Ngai hpe n mu lu ai sha kam sham ai ni gaw a lu ma ai!,” ngu nna Htawma hpe tsun wu ai.

YAWHAN 8:42

Shaloi Yesu gaw, “Karai Kasang gaw nanhte a kawa re ai teng nga malit yang gaw ngai hpe tsaw ra na myit dai. Hpa majaw nga yang, ngai gaw Karai Kasang kaw na du sa nna, ya ndai shara e nga nga nngai. Ngai gaw nye a myit hte ngai du sa ai n rai, shi gaw ngai hpe shangun dat nngai.

KASA 16:34

Bai shi gaw Pawlu yan Sila hpe shi a nta ntsa de woi shashawn la nna lusha galaw daw let Karai Kasang hpe kam sham lu sai majaw, shi hte nta ting nachying kabu gara nga ma ai.

ROMA 14:17

Hpa majaw nga yang, Karai Kasang a Mungdan gaw sha sha, lu lu rai nga na hku n re ai sha, Chyoi Pra ai Wenyi e jaw ya ai shaman chyeju ni rai nga ai, ding hpring ai ngwi pyaw ai hte kabu gara ai lam ni hte seng nga ai.

ROMA 15:13

Ya Chyoi Pra ai Wenyi a n-gun atsam hte nanhte a myit mada ai lam matut nna gumring gumrat galu kaba wa myit ga, myit mada ai lam a npawt rai nga ai Karai Kasang gaw, nanhte a kam sham ai lam hta e chyeju hte ngwi pyaw ai amyu myu nanhte hpe jahpring shatsup ya myit ga law.

1 KORINHTU 16:22

Marai langai ngai dai Madu hpe n tsaw n ra a yang gaw, shi hta dagam dala hkrum u ga! Maranahta-Dai Madu du ru ga!

2 KORINHTU 1:22

Karai Kasang shi nan anhte hpe kaga san di lata la nna, shi a amyu masha ni re ai lam masat dazik dawk shakap da mani ai hte, du na ra ai ten hta anhte hkam la na chyeju nlang a matu hkam dahka galaw ai hku nna anhte a myit masin ni hta dai chyoi pra ai Wenyi ru jaw bang ya mi ai.

2 KORINHTU 12:4

Shi gaw dai yang e, shinggyim masha a ga hkum ni hte n mai tsun ai, masha a n-gup hte tsun na ahkang n nga ai ga ni hpe na la wu ai.

2 KORINHTU 4:18

Anhte gaw myi hte mu lu ai arai ni hpe yu azi majen nga ga ai n re ai sha, myi hte n mu lu ai arai ni hpe she yu azi majen nga ga ai. Hpa majaw nga yang, myi hte mu lu ai arai gaw jahkring jahkra sha nga nna, myit hte n mu lu ai arai mahtang gaw htani htana agrin nga ai.

2 KORINHTU 5:7

Hpa majaw nga yang, anhte a asak hkrung ai lam gaw myi hte mu lu ai hta n re ai sha makam masham hta she asak hkrung nga ga ai.

2 KORINHTU 9:15

Manu sawn n dang lu ai Karai Kasang a chyeju kumhpaw kumhpa a majaw shi hpe chyeju shakawn nga ga law!

GALATI 5:22

Rai ti mung dai Wenyi a asi chyawm gaw, tsaw ra ai, kabu gara ai, ngwi pyaw ai, myit galu kaba ai, matsan dum ai, mai kaja ai,

GALATI 5:6

Kaning rai nme law, anhte gaw Hkristu Yesu hta e rai nga ga yang gaw, matu gadoi hkam ai n hkam ai ngu ai gaw hpa ahkyak n rai nga ai; ra ahkyak ai lam gaw tsaw ra myit dan dawng hkra amu galaw ai dai makam masham she rai nga ai.

EHPESU 3:19

Rai sa shi a tsaw ra myit hpe gaw, galoi mung tsep kawp chye lu na n rai, rai ti mung, nanhte gaw shi a tsaw ra myit hpe chye chyang wa nna Karai Kasang nan hkum dingnum nanhte hta e shanu nga u ga, ngu nna akyu hpyi nngai.

EHPESU 6:24

Galoi mung n hpoi n hten mat lu ai tsaw ra myit hte anhte a Madu Yesu hpe tsaw ra nga ai ni nlang hte hta Karai Kasang a chyeju gaw anga nga u ga law.

HPILIPI 1:25

Ndai lam hpe ngai atsawm sha myit hkawn ai majaw ngai nanhte hte rau nga na nngai. Nanhte hpe jat galu kaba wa shangun na hte makam masham hta kabu gara lu na matu ngai nanhte yawng hte hte rau nga nga na nngai, hpe ngai chye nga nngai.

HPILIPI 3:3

Matu gadoi hkam ai lam majing hpe hkam la ai ni gaw shanhte n rai, anhte she rai nga ga ai. Hpa majaw nga yang, anhte gaw Karai Kasang hpe shi a Wenyi hte nawku daw jau nna Hkristu Yesu hta langai sha tai lu ai asak hkrung lam hta kabu gumrawng ai ni rai ga ai. Anhte gaw shinggan maka kumla shadik poi ni hta n kam hpa ga ai.

HPILIPI 4:4

Dai Madu hta nanhte tut nawng e kabu gara nga myit ga, bai ngai tsun nngai, kabu gara nga mu.

HEBRE 11:1

Makam masham ngu ai gaw anhte myit mada nga ai arai ni kaja wa byin na re ngu ai lam hpe myit mu myit hkut nga ai hte, garai n mu lu ai arai ni gaw kaja wa nga nga ai ngu nna chye na hkap la ai hpe ngu ai rai nga ai.

HEBRE 11:27

Kam sham ai hte Mawshe gaw Hkawhkam wa a masin pawt ai hpe n hkrit ai sha Egutu mung kaw na pru mat wa wu ai. Shi gaw myi hte n mu lu ai Karai Kasang hpe mu lu ai zawn Egutu mung de bai nhtang wa na hpe ningdang kau wu ai.

1 PETRU 1:6

Nanhte hkrum hkra nga ai agung alau amyu myu a majaw ya jahkring jahkra yawn hkyen hkrum ra mat ti mung, dai hkye hkrang la ai lam a marang e nanhte akabu gara nga mu.

1 PETRU 2:7

Kam sham ai nanhte a matu mara ndai nlung gaw grai hpu ging nga ai; rai ti mung n kam n sham ai ni a matu mara chyawm gaw, “Wahpang gaw ai ni akyu n rawng ai ngu nna sai kau ai nlung gaw, njut jahtum na ahkyak dik ai nlung tai wa sai,” nga ai.

1 PETRU 5:4

Dai Sagu Rem Agyi Kaba Wa dan pru ai shaloi nanhte gaw htoi kabrim ai nsam galoi mung n mat chye ai arawng sadang hte hpring ai janmau lu la na marin dai.