1 PETRU 1:7 - Jinghpaw Common Language Bible 2009

⁷ Dai chyam dinglik hkrum ai lam gaw Karai Kasang hpe nanhte kam sham ai myit gaw jet nga ai kun? jen yu na matu rai nga ai. Jahten kau lu ai ja hpe pyi gaw wan hta ju shabyawng nna jen kau ra ai rai nna ja hta grau hpu reng ai nanhte a makam masham hpe mung ngang grin nga na matu jen kau hkrum lu na rai nga ai. Shing rai yang Yesu Hkristu bai dan pru ai nhtoi hta shakawn kungdawn ai, hpung shingkang hte arawng sadang hpe nanhte hkam la na marin dai.

Jinghpaw Hanson Version Bible

⁷ ya chyahkring chyahkra e gunglau amyu myu hte nanhte yawn hkyen hkrum nga myit timung, dai hkye hkrang la ai lam a gawp e, nanhte grai kabu gara nga lu myit dai.

1 PETRU 1:7 ပူးပေါင်းရင်းမြစ်များ

YOBA 23:10

Rai tim, ngai hkawm ai lagaw lahkam shagu hpe Karai Kasang chye nga ai; shi ngai hpe chyam dinglik yu ai rai yang, ngai san seng nga nngai hpe shi mu lu na ra ai.

YOBA 28:1

Gumhpraw htu la ai maw nhkun ni nga nga ai; Aja jen la ai shara ni mung nga nga ai.

SHAKAWN KUNGDAWN 17:3

Nang gaw nye a myit masin hpe chye ya nga ndai. Shana aten hta, nang gaw ngai kaw du sa nna, ngai hpe akri akrai san jep yu nit dai, ngai hta n hkru ai myit hpa mung n rawng nga ai hpe nang mu ya nga ndai.

GA SHAGAWP 16:16

Aja hte gumhpraw hta hpaji byeng-ya hte machye machyang hpaji lu la ai gaw grau kaja nga ai, dik hkra grau kaja nga ai.

GA SHAGAWP 17:3

Aja hte gumhpraw hpe wan hta ju nna jen yu ai zawn, dai Madu gaw masha a myit masin hpe mung, chyam dinglik yu nga ai.

GA SHAGAWP 8:19

Nanhte ngai kaw na hkam la lu ai hpaji gaw jet htum ai ja hte kaja htum ai gumhpraw hta grau kaja nga ai.

HPAJI NINGLI 5:14

dai ni yawng n shawp ai lam hta ginlut mat nna shanhte a kashu kasha ni hpe ngam da ya na sut pyi htum mat chye nga ai.

ESAIA 48:10

Wan htung hta gumhpraw jen yu ai zawn, ngai gaw nang hpe nni nkri ngu ai wan hta chyam dinglik yu ni ai. Rai ti mung, nang gaw hpa akyu mi n rawng nga ndai hpe ngai mu ni ai.

YEREMIA 48:36

“Dai rai nna, shanhte madu da ai sut gan ni htum mat ai majaw, marai langai ngai makoi mayang mahkawn hpe dum shapyaw dat ai zawn, nye a myit masin mung Moba hte Kira Here masha ni a matu sharung shayawt nga nngai.

YEREMIA 9:7

Ndai lam a majaw Chyahtum Chyalai N-gun Rawng ai dai Madu gaw, “Ngai gaw nye a amyu masha ni hpe nhprang arai hpe zawn jen yu na nngai, shanhte hpe ngai chyam dinglik yu na nngai. Nye a amyu masha ni gaw n hkru ai amu galaw masai- Shanhte hpe ngai kaning di lu na rai ta?

ZEHKARIA 13:9

Ngai gaw dai naw hkrung nga ai htam mi hpe wan hte jasan jaseng la ai gumhpraw zawn shanhte hpe jasan jaseng nna chyam yu na nngai; ngai gaw aja hpe chyam yu ai zawn shanhte hpe chyam yu na nngai. Dai shaloi shanhte ngai kaw hpyi wa nna, ngai mung shanhte hpe htan ya na nngai. Shanhte gaw nye a amyu masha ni rai nga ma ai lam ngai shanhte hpe tsun dan na nngai, ngai gaw shanhte a Karai Kasang rai nga nngai hpe shanhte yin la na mara ai,” ngu nna tsun ai.

MALAHKI 3:3

Shi gaw gumhpraw janghkam wa zawn jeyang na matu du sa na ra ai. Dai Madu a kasa gaw ja gumhpraw jasan jaseng ai janghkam wa zawn jasan jaseng na ra ai, shing rai shanhte gaw dai Madu hpang de jaw ai shagu hkungga ni la sa na mara ai.

BU HKAWM 5:28

Rai ti mung shi hta mara n kap nga ai rai yang chyawm gaw shi hta nchyi nmu n hkrum ai sha, kashu kasha shaprat lu na rai wu ai.

MAHTE 19:28

Yesu gaw, “Ngai nanhte hpe teng teng tsun made ga, Mungkan Ga Ningnan bai shangai ai ban prat e, dai Masha Kasha gaw shi a hpung shingkang a tingnyang hta dung nga ai shaloi nanhte nye a sape ni shi lahkawng mung, tingnyang shi lahkawng hta dung lawm nna, Israela amyu shi lahkawng hpe up nga lu na marin dai.

MAHTE 25:21

Shaloi shi a madu gaw, ‘Ara rai sa, kaja ai hte sadi dung ai mayam e, arai loi sha hta nang kangka rai nit dai; dai rai nna arai law law a ntsa e ngai nang hpe san tawn da na de ai, na madu a kabu gara ai hta nang shang lawm u!,’ ngu nna shi hpe tsun wu ai.

MAHTE 25:23

Shi a madu gaw, Ara rai sa kaja ai hte sadi dung ai mayam e! Arai loi sha hta nang kangka rai nit dai: arai law law a ntsa e ngai nang hpe san tawn da na de ai. Na madu a kabu gara ai hta nang mung shang lawm u!,’ ngu nna shi hpe tsun wu ai.

LUKA 12:33

Nanhte lu ai arai ni yawng dut kau nna lu ai gumhpraw, matsan mayan ni hpe karan jaw mu, tinang a matu dingsa n chye ai gumhpraw jan galaw nna, lagut n du, manut e mung n jahten kau lu ai, sumsing lamu e n htum n wai chye ai sutgan kyem da nga mu.

LUKA 17:30

Dai Masha Kasha dan pru ai nhtoi hta mung, dai hte maren rai na ra ai.

YAWHAN 12:26

Nye a amu hpe gun hpai mayu ai kadai mung, ngai kaw hkan nang lu na rai nna, ngai nga ai shara e nye a shangun ma mung nga na ra ai, nye Wa gaw nye a amu gun hpai ai wa kadai hpe mung shagrau na ra ai,” ngu tsun wu ai.

YAWHAN 5:44

Nanhte gaw shada da shakawn shagrau nna arawng sadang jaw ai hpe hkam la mayu myit dai, rai ti mung langai sha rai nga ai Karai Kasang e jaw ai shakawn shagrau ai hpe hkam la na matu gaw nanhte n shakut myit dai, dai re ai mi nanhte gaw ngai hpe kaning rai kam sham lu na myit ta?

KASA 8:20

Rai ti mung Petru gaw, “Karai Kasang a kumhpaw kumhpa hpe gumhpraw hte mari la lu na re ai ngu nna nang myit nga ndai majaw nang hte na a gumhpraw gaw ngarai mung hta hten bya mat u ga.

ROMA 2:10

Karai Kasang gaw shawng nnan e Yuda masha ni hpe rai ti mung, dai hpang maigan masha ni hpe rai ti mung, mai kaja ai bungli shachyen ai ni nlang hte hpe hpung shingkang arawng sadang hte ngwi pyaw simsa ai lam jaw na maru ai.

ROMA 2:29

Yuda masha majing chyawm gaw, kraw kata e matu gadoi hking hkam la ai wa mahtang rai nga ai. Dai wa hpe Yuda masha byin shangun ai lam gaw ka da ai jep ai Tara a majaw n rai, Karai Kasang a Wenyi e masha a kraw lawang kata hta amu galaw ai hte shabyin ai lam rai nga ai. Dai zawn re ai masha wa gaw masha kaw na shakawn kungdawn ai hpe hkam la ai n rai, Karai Kasang kaw na she hkam la ai wa rai nga ai.

ROMA 2:7

Masha nkau mi gaw kaja ai amu galaw nga let, hpung shingkang hpe mung, arawng sadang hpe mung, n si n mat ai asak hkrung lam hpe mung tam nga ma ai; Dai ni hpe Karai Kasang htani htana asak jaw na ra ai.

ROMA 8:19

Karai Kasang gaw shi a kasha ni paw pru na ra ai lam ni hpe hpan da hkrum ai mungkan ting gaw myit n dawt ai hte ala nga ma ai.

1 KORINHTU 3:13

Masha langai hkrai a gaw gap ai kaja ai n kaja ai marai ningja gaw Madu Yesu du sa ai shani e dan dawng wa na ra ai. Hpa majaw nga yang, dai shani e masha langai hte langai a galaw ai bungli hpe shadan dan na ra ai, dai wan gaw langai hte langai galaw ai bungli marai nsam hpe chyam ginhka na ru ai.

1 KORINHTU 4:5

Dai re ai majaw, aten hkrak garai n du yang, kadai hpe mung hkum jeyang myit. Hpang jahtum na jeyang daw dan ai lam hpe, dai Madu bai du sa ai nhtoi shani du hkra la nga lu na rai nga ai; Shi gaw nsin hta makoi magap da ai nga manga hte hpe mung, masha a myit kraw lawang kata hta makoi magap da ai myit mang yaw shada ai lam ni hpe mung, shapraw shadan dan na ra ai. Dai shaloi e langai hte langai gaw tinang hte ging dan ai hte maren Karai Kasang kaw na shakawn shagrau ai hpe hkam la na ra ai.

YAKU 1:12

Agung alau ai lam ni hkrum yang ngang ngang kang kang sadi dung nga ai wa gaw a lu ai; hpa majaw nga yang dai wa gaw dai zawn re ai chyam dinglik ai lam hpe lai di awng dang kau lu ai shaloi Karai Kasang gaw shi hpe tsaw ra ai ni hpe jaw na nga nna ndat da sai asak hpe shi a shagrau kumhpa hku nna hkam la lu na ru ai.

1 PETRU 1:13

Dai re ai majaw, nanhte amu galaw shamu shamawt sa wa na matu nanhte a myit masin ni hpe shajin da mu. Yesu Hkristu dan pru ai shaloi e nanhte hpe jaw ya na ra ai chyeju hpe ung ang ai myit n rawng ai sha amaja nga let tsep kawp myit mada ala nga mu.

1 PETRU 1:5

Dai gaw kam sham ai marang e hpang jahtum ai aten hta dan pru u ga nga nna lajang shajin da sai hkye hkrang la ai chyeju hpe hkam la lu mu ga; Karai Kasang a n-gun atsam hte makawp maga da hkrum nga ai nanhte a matu rai nga ai.

1 PETRU 2:4

Dai Madu hpang de sa wa marit, shi gaw masha ni e akyu n rawng ai ngu nna lata kau ai ahkrung nga ai nlung rai nga ai; rai ti mung Karai Kasang e lata la ai hpu ging ai nlung tai wa sai.

1 PETRU 2:7

Kam sham ai nanhte a matu mara ndai nlung gaw grai hpu ging nga ai; rai ti mung n kam n sham ai ni a matu mara chyawm gaw, “Wahpang gaw ai ni akyu n rawng ai ngu nna sai kau ai nlung gaw, njut jahtum na ahkyak dik ai nlung tai wa sai,” nga ai.

1 PETRU 4:12

Tsaw ra ai ni e, nanhte hta shawoi n byin yu ai baw zawn byin nga ai nanhte hkrum sha nga ai machyi la ai chyam dinglik ai lam hpe hkum mau nga myit.

1 PETRU 4:13

Mau nga na malai, nanhte gaw Hkristu a nni nkri hpe Hkristu hte rau shang lawm hkam la nga myit dai majaw kabu gara nga mu. Shing rai yang she shi a hpung shingkang hte dan pru ai shaloi nanhte nachying kabu gara ai hte hpring tsup wa lu na marin dai.

1 PETRU 5:1

Hpung hpe yu gawn lajang nga ai ngai hpung salang wa langai mi zawn, hpung salang ni hta lawm nga ai nanhte hpe hpyi lajin dat nngai. Ngai gaw Hkristu hkam ai nni nkri ni hpe mu ai sakse langai mi hku nna mung, dan pru na ra ai hpung shingkang hpe nanhte hte rau hkam la na myit mada nga ai wa hku nna mung, nanhte hpe ngai hpyi nem made ai.

2 PETRU 1:1

Yesu Hkristu a mayam hte, kasa tai nga ai, ngai Simun Petru gaw, anhte a Karai Kasang hte hkye hkrang la ai Madu Yesu Hkristu a ding hpring ai lam hta anhte zawn hpu la ai makam masham lu la nga ai ni hpang de ga shana dat nngai.

2 PETRU 1:4

Ndai lam hku nna grai galu kaba nna hpu ging ai chyeju kumhpa hte seng ai ga sadi ni anhte hpe jaw da mani ai. Dai rai nna ndai chyeju ni a marang e anhte gaw mungkan ga na jahten shabyak shangun ai myit marin ai lam kaw nna lawt lu nna Karai a marai hpe shang lawm dagraw lu myit dai.

2 PETRU 3:14

Dai re majaw nye a manang ni e, nanhte dai nhtoi hpe la nga ai ten hta Karai Kasang a man e nanhte a myit masin san seng nna mara n kap u ga hte shi hta ngwi pyaw sim sa nga lu na matu atsam htum hkra shakut shaja nga mu.

YUDA 1:24

Ya chyawm gaw, nanhte kataw katan n rai hkra bau sin lu ai hte shi a hpung shingkang a man e shut hpyit mara n kap nna kabu gara ai lam jaw lu ai,

SHINGRAN 1:7

Yu mu! Shi gaw sumwi ni hta jawn nna du sa wa ra ai; Madu hpe nri hte galun baw ai ni hte hpawn masha yawng gaw shi hpe mu lu na mara ai. Dinghta ga na amyu nlang hte gaw, shi a majaw yawn hkyen sharung shayawt na mara ai. Dai hte maren byin wa u ga law!

SHINGRAN 2:10

Nang hkrum magang ra ai nni nkri hpe hkum hkrit et; Yu u: Nanhte hpe chyam yu na matu nat gaw, nanhte hta na nkau mi hpe htawng hta sharen da na ra ai rai nna, nanhte a ru yak nni nkri hkrum ai lam nhtoi shi ya tup na na ra ai. Si hkra ngai hta maju jung nga u, shaloi ngai nang hpe asak janmau jaw na de ai: dai gaw na a awng padang lu ai shabrai rai nga ai.

SHINGRAN 3:10

Hpa majaw nga yang, nang gaw ngai hkang da ai hte maren myit galu na hte hkam sharang na lam mungga hpe nang hkan nang ndai majaw, ga ntsa e nga ai masha ni yawng hpe chyam dinglik yu na matu mungkan ga hproi hkra ru yak jam jau du ai ten hta ngai nang hpe makawp maga na de ai.

SHINGRAN 3:18

Dai re ai majaw, nang sut su n ga, wan hta jen kau sai ja jet hpe mung, na a singgu krin re ai kaya kahpa masha a man e n dawng lit ga magap ya na matu, nang lawai na hpraw ai hpun palawng ni hpe mung, na myi mu lit ga chya na matu tsi mung, ngai kaw na mari la na matu, ngai nang hpe hpaji daw ya de ai.

1 SAMUELA 2:30

Na a dinghku hte na a lakung lama ni hkinjawng ni zawn prat tup ngai hpe daw jau lu mu ga ngu, dai MaduIsraela a Karai Kasang ngai nan lai sai prat ni hta ga sadi tawn da ni ai. Rai ti mung ya chyawm gaw dai ga sadi galoi mung grin sana n rai nga sai hpe ngai tsun nga nngai! Shing rai na malai, ngai hpe shagrau sha-a ai ni hpe ngai shagrau sha-a na nngai; ngai hpe n kaw n law re ai ni hpe ngai mung n gawn n sawn di kau na we ai.