1 PETRU 1:25 - Jinghpaw Common Language Bible 2009

²⁵ Rai ti mung Madu a mungga chyawm gaw prat mi hte prat mi anga nga ai, nga nna tsun da nga ai. Dai mungga gaw nanhte hpe hkaw tsun dan sai Kabu Gara Shiga rai nga ai.

Jinghpaw Hanson Version Bible

²⁵ Dai Madu a matsun chyawm gaw, prat mi hte prat mi anga nga ai.” Dai gaw, nanhte hpe hkaw tsun dan ai kabu gara ai matsun rai nga ai.

1 PETRU 1:25 ပူးပေါင်းရင်းမြစ်များ

SHAKAWN KUNGDAWN 102:12

Rai ti mung, Madu e, nang gaw htani htana agrin nga ai hkawhkam wa rai nga ndai; ban prat masha ni mahkra nang hpe adum nga na mara ai.

SHAKAWN KUNGDAWN 102:26

Dai ni hten run mat wa tim, nang agrin nga na ndai; dai ni yawng gaw hpun nba ni zawn, dingsa mat wa na ra ai, hpun palawng ni zawn nang dai ni hpe galai kau ai hte dai ni mung wai mat na mara ai.

SHAKAWN KUNGDAWN 119:89

Madu e, na a mungga htani htana agrin nga na ra ai; dai gaw sumsing lamu hta e, prat dingsa agrin nga ai.

ESAIA 40:6

Nsen langai gaw, “Mungga htawn tsun mu!,” ngu nna tsun yang, Ngai gaw, “Hpa baw mungga ngai htawn tsun na rai ta?,” ngu nna san we ai. “Shinggyim masha yawng hte gaw tsingdu hte bung nna; shanhte gaw nam nampan ni hta grau jan nna grin nga lu ai n rai.

ESAIA 40:8

Rai sa, tsingdu ni nyui mat nna nampan ni run mat nga ai, rai ti mung anhte a Karai Kasang a mungga gaw htani htana agrin nga ai,” ngu nna htawn tsun u.

MAHTE 5:18

Nanhte hpe ngai teng teng tsun made ga, lamu hte aga she anga nga dingsa gaw, dai jep ai tara hta na ga kanu langai mi hte kaji dik ai ga madin langai mi pyi n dik n tup ai sha lai mat wa lu na n rai.

LUKA 16:17

Rai ti mung, jep ai Tara kaw na kaji dik ai madin langai mi hten mat loi ai hta, lamu hte aga hten nna lai mat wa na gaw grau loi nga ai.

YAWHAN 1:1

Shawng ningpawt e Mungga nga ai; dai Mungga gaw Karai Kasang hte rau rai nga ai, dai Mungga nan Karai Kasang rai nga ai. Shi gaw Karai Kasang hte maren rai nga ai.

YAWHAN 1:14

Mungga gaw shinggyim hkum hkrang dagraw la nna, chyeju hte teng man ai hpring let anhte hta nga nga yu sai. Anhte gaw shi a hpung shingkang hpe mu lu sagaw ai. Dai hpung shingkang gaw Kawa Karai Kasang a Kasha shingtai ngu ai hpe shi hkam la lu ai lam rai nga ai.

1 KORINHTU 2:2

Hpa majaw nga yang, ngai nanhte hte rau nga nga ai ten hta, Yesu Hkristu a lam, grau nna wudang ntsa e Madu si hkam ai lam hta jan nna kaga lam nga manga hpe malap kau na matu ngai myit daw dan da se ai.

EHPESU 2:17

Shing rai nna Karai Kasang hte tsan gang nga ai nanhte maigan masha ni hpe mung, Karai Kasang hte ni nga ai Yuda masha ni hpe mung, Hkristu du sa nna dai ngwi pyaw ai lam a Kabu Gara Shiga hkaw tsun dan mi ai.

EHPESU 3:8

Ngai gaw Karai Kasang a masha ni hta kaji dik ai wa hta pyi grit nem ai wa rai nga nngai; rai ti mung, Karai Kasang gaw Hkristu a chyahtum chyalai re ai ngamu ngamai lam hte seng ai dai Kabu Gara Shiga hpe maigan masha ni hpang de la sa na matu mung,

TITU 1:3

Shing rai aten ladaw hkrak jaw ai shaloi dai htani htana asak hpe shi a mungga hta shapraw shadan wu ai. Dai mungga ngai hpe ap ya ni ai rai nna, anhte a hkye hkrang la ai Madu a hkang da ai ga hte maren, dai hpe ngai hkaw tsun nngai.

HEBRE 6:5

Bai nna shanhte gaw Karai Kasang a mungga gaw mai kaja nga ai hpe mung, htawm hpang prat hte seng ai hpung shingkang atsam hpe mung, tinang nan mu hkrum hkam sha nna chye sai ni rai ma ai.

1 PETRU 1:12

Shanhte shachyen nga ai hkaw tsun ai amu gaw shanhte a akyu ara a matu n rai; nanhte a matu rai nga ai lam Karai Kasang gaw ndai myihtoi ni hpe shadan dan manu ai. Nanhte hpang de dai Kabu Gara Shiga la sa wa ai ni gaw dai myihtoi ni tau hkrau nna hkaw tsun ai ni hpe sumsing lamu kaw nna shangun dat ai Chyoi Pra ai Wenyi a n-gun atsam hte nanhte hpe tsun madun dan ai majaw nanhte na lu manit dai. Ndai lam hpe lamu kasa ni pyi chye na mayu ma ai.

1 PETRU 1:23

Hpa majaw nga yang, nanhte gaw dai ahkrung nga ai hte htani htana anga nga ai Karai Kasang a mungga marang e n si n mat chye ai kanu kawa ni a kasha ni zawn shangai wa manit dai.

1 PETRU 2:2

Ma chyangai zawn wenyi hte seng ai jet ai chyu hpe galoi mung hpang gara nga mu. Shing rai nanhte lu ai hte nanhte galu kaba wa nna hkye hkrang la ai hkrum na marin dai.

2 PETRU 1:19

Dai re ai majaw anhte gaw myihtoi ni htawn tsun ai shingran mungga hpe grau nna myit mu myit hkut lu saga ai. Nanhte dai mungga hpe atsawm sha madat mara nga mu; hpa majaw nga yang, dai gaw nanhte a myit masin ni hta htoi leng wa nna, nhtoi gintawng pru wa ai aten du hkra, nsin sin ai shara hta htoi tu nga ai pyengdin zawn rai nga ai.

1 YAWHAN 1:1

Shawng npawt kaw nna nga nga ai dai asak hkrung ai mungga a lam nanhte hpang de anhte ka dat ga ai. Anhte dai hpe na yu saga ai, myi hte mung mu yu saga ai, rai sa anhte mu yu saga ai rai nna anhte a lata ni hte hkra yu saga ai.

1 YAWHAN 1:3

Anhte gaw Kawa Karai Kasang hte mung, Kasha Yesu Hkristu hte mung, kanawn mazum nga ga ai rai nna nanhte mung anhte hte rau kanawn mazum lu myit ga, anhte mu yu na yu sai lam nanhte hpe anhte tsun ndau dan ga ai.

SHINGRAN 14:6

Dai hpang sumsing hpatwat e pyen kayin nga ai lamu Kasa langai mi hpe ngai mu nngai. Shi gaw amyu baw shagu, baw lakung shagu, ga amyu shagu hte, masha mungdan shagu hpe tsun shana dan na htani htana a Kabu Gara Shiga hpe la sa wa ai.