1 PETRU 1:24 - Jinghpaw Common Language Bible 2009

²⁴ Dai gaw Chyum Laika hta, “Shinggyim masha amyu baw yawng gaw tsingdu zawn rai nga ai; shanhte a hpung shingkang yawng mung nam na nampan pu hte bung nga ai. Dai tsingdu gaw nyui mat wa nna nampan pu ni run hkrat mat ma ai.

Jinghpaw Hanson Version Bible

²⁴ Kaning rai nme law, “Ashan yawng gaw tsingdu zawn rai nga ai, Dai ni a hpung shingkang ting, tsingdu a apu zawn rai nga ai; Dai tsingdu gaw nywi mat wa ai rai nna, Apu ni mung, run hkrat mat wa ma ai.

1 PETRU 1:24 ပူးပေါင်းရင်းမြစ်များ

2 HKAWHKAM 19:26

Dai shara hta shanu nga ai amyu masha ni gaw n-gun lagaw n rawng ai hte shanhte gaw hkrit gari ai hte sai kajawng nga ma ai. Shanhte gaw pa layang hta tu ai tsingdu tsingman shing n rai nta ntsa e tu nga ai tsing hpe kahtet kang ai sinpraw nbung e hpe ahpawt kau ai zawn rai ma ai.

YOBA 14:2

Anhte kaba wa nna nampan ni zawn alawan nyip mat ga ai; shingnip shingna zawn anhte hkoi mat ga ai.

SHAKAWN KUNGDAWN 102:4

Ngai gaw tsingdu jahkraw zawn kabye dip da ai hkrum nna; lusha sha mayu ai myit pyi n rawng mat nga li ai.

SHAKAWN KUNGDAWN 103:15

Anhte a asak prat chyawm gaw tsingdu zawn rai nga ai; nam na nampan zawn, anhte tu kaba wa nna pu lagra nga ga ai.

SHAKAWN KUNGDAWN 129:6

Shanhte yawng hte gaw nta numgaw e tu nna, dai ni pyi garai n tu kaba wa lu yang, hkraw si mat ai tsingdu ni zawn rai mat mu ga,

SHAKAWN KUNGDAWN 37:2

Hkraw mat ai tsingdu zawn, shanhte kade nna yang hkoi mat na mara ai; nyip mat ai hpun lawn kasha ni zawn shanhte si mat na mara ai.

SHAKAWN KUNGDAWN 39:6

shingnip langai mi hta pyi grau nga ai n rai. Shi galaw ai lam yawng mayawng mung kaman a matu rai nga ai; shi gaw sut gan hpe mahkawng da ti mung dai hpe kadai lu la na ra ai gaw, n chye nga ai.

SHAKAWN KUNGDAWN 90:5

Nang anhte hpe hka mawru zawn garawt agre mat wa nna; anhte gaw yup mang mang ai daram pyi, n nga lu nga ai. Jahpawt e maku ku wa nhtawm,

SHAKAWN KUNGDAWN 92:7

Tara n lang ai ni gaw tsingdu ni zawn tu wa lu nna, shut hpyit ai amu galaw let ngamu ngamai lu ma ti mung; shanhte yawng hte gaw tsep kawp jahten kau ai hkrum na mara ai.

ESAIA 51:12

Dai Madu gaw, “Ngai gaw nang hpe n-gun shaja ya ai wa rai nga nngai. Nang gaw hpa majaw tsingdu hta grau nna pyi n grin lu ai si chye ai masha wa hpe hkrit nga n ta?

MAHTE 6:30

Karai Kasang hta kam sham ai myit n law ai masha baw e! Dai ni nga nna, hpawt de wan mang hta kabai bang kau ai nam na tsingdu hpe pyi Karai Kasang shing rai jahpun da ai rai yang gaw, dai hta grau nna nanhte hpe jahpun na myit dai n rai ni?

YAKU 4:14

Nanhte gaw hpawt ni e nanhte a asak hpa byin na ra ai hpe pyi nanhte n chye nga myit dai! Nanhte gaw chyahkring mi sha mawng kahpawk dan pru nna bai hkoi mat ai wan hkut hte bung nga myit dai.

1 YAWHAN 2:17

Dinghta ga hte hpawn, dai hta na shinggyim masha ni marin marit ai lam shagu gaw lai mat wa nga sai rai ti mung Karai Kasang a myit ra ai hku hkan galaw ai wa chyawm gaw, htani htana e anga nga ai.