1 PETRU 1:22 - Jinghpaw Common Language Bible 2009

²² Ya nanhte gaw dai teng man ai lam hpe madat mara nga let nanhte a hkum ni hpe jasan jaseng kau nhtawm, nanhte a kam sham ai manaw manang ni hpe kaja wa tsaw ra nga myit dai. Dai rai nna nanhte shada da myit masin mahkra hte tsaw ra nga mu.

Jinghpaw Hanson Version Bible

²² Dai dingman ai ga hpe madat mara nga let, nanhte kahpu kanau ni hpe gaja wa teng teng, tsawra lu ai du hkra, nanhte a myit masin hpe san seng kau lu myit dai majaw, nanhte a myit ting hte shada da tsawra nga mu;

1 PETRU 1:22 ပူးပေါင်းရင်းမြစ်များ

YAWHAN 15:17

Dai rai nna, nanhte shada da tsaw ra nga mu, ngu nna ndai ga nanhte hpe ngai hkang da made ai, nga ai.

YAWHAN 15:3

Nanhte chyawm gaw, ngai nanhte hpe tsun dan ai mungga a majaw ya e pyi asan apra rai manit dai.

YAWHAN 17:17

Dai teng man ai lam hta na a matu shanhte hpe shachyoi shapra nna san da u; na a mungga gaw teng man ai lam rai nga lit dai.

YAWHAN 17:19

Shanhte gaw magam gun na matu tinang hkum hpe kaja wa shachyoi shapra ap nawng da ai ni byin wa mu ga, ngu nna ngai shanhte a matu mara nye hkum dai shachyoi shapra ap nawng tawn da se ai.

KASA 15:9

Madu gaw shanhte hte anhte a lapran e hpa jashai ginhka ai lam n galaw ai sha, shanhte kam sham ai a marang e, shanhte a yubak mara ni hpe raw dat kau ya mu ai,

KASA 6:7

Shing rai Karai Kasang a mungga matut manoi chyam bra wa nna kam sham ai hpung masha ni Yerusalem mare hta grau grau law htam wa ma ai. Hkinjawng ni law law pyi gaw dai Kabu Gara Shiga hpe hkap la kam sham wa ma ai.

ROMA 1:5

Masha amyu baw shagu gaw Yesu Hkristu hpe kam sham nna madat mara mu ga she Karai Kasang gaw shi a mying nsang a marang e Hkristu a matu mara Kasa langai mi tai na ahkang chyeju ngai hpe jaw ni ai.

ROMA 2:8

Rai ti mung masha nkau mi gaw dai n ding n man ai maga de hkan sa na matu tinang a akyu tam nna teng man ai tara hpe kabai kau ma ai, shing re ai ni a ntsa e Karai Kasang gaw shi a pawt bu nna sindawng kahtet ai ru bun na ru ai.

ROMA 8:13

Hpa majaw nga yang, nanhte gaw hkum shan a myit ra ai hku asak hkrung myit yang gaw nanhte si na rai nga myit dai; rai ti mung tinang a yubak hte seng ai arawn alai ni hpe dai Wenyi a karum ai hte sat kau myit yang gaw, nanhte hkrung nga na myit dai.

2 KORINHTU 6:6

Myit masin san seng ai lam, chye chyang ai lam, hkam sharang ai lam, matsan dum lama ai lam hku nna mung, chyoi pra ai wenyi a chyeju lam hte n sawt ai tsaw ra myit hku nna mung,

GALATI 3:1

Angawk angak re ai Galati masha ni e, wudang hta e Yesu Hkristu si hkam ai lam hpe nanhte a myiman e pra pra mu lu hkra, ngai tsun sanglang dan sai mi, nanhte hpe kade e hkalem la kau myit ta?

GALATI 5:5

Anhte chyawm gaw, Karai Kasang a Wenyi a atsam hta kam hpa let kam sham ai a marang e Karai Kasang a man e ding hpring ai ngu nna sawn ya ai ahkaw ahkang hpe lu la na ga ai ngu nna myit mada ala nga ga ai.

GALATI 5:7

Shawng de nanhte grai ahkyak ai hku galaw sa wa nga manit dai; dai teng man ai lam hpe n madat n mara myit ga, nanhte hpe kadai hkum shadang myit ta? Dai wa gaw nanhte hpe gara hku lau la a ta?

EHPESU 4:3

Nanhte hpe shajup shangang da ai ngwi pyaw ai makyit sumri a marang e dai Wenyi e jaw ya ai myit hkrum kahkyin gumdin lam hpe atsam htum hkra kyem mazing da nga mu.

HPILIPI 1:9

Dai hta kaga nanhte gaw mai kaja ai hpe lata la lu nna, teng man ai machye machyang daw dan ginhka chye ai atsam marai hte hpring let tsaw ra myit hta grau grau kaba wa myit ga, nanhte a matu ngai akyu hpyi nngai.

1 HTESALONI 3:12

Nanhte shada da a ntsa e mung, masha yawng mayawng a ntsa e mung, nanhte tawn da ai tsaw ra myit gaw, nanhte a ntsa e anhte tawn da ai tsaw ra myit zawn grau grau galu kaba wa shangun na matu Karai Kasang nanhte hpe karum ya u ga law.

2 HTESALONI 1:3

Tsaw ra ai hpu nau ni e, nanhte a lam hte lakap nna Karai Kasang a chyeju hpe anhte tut nawng e shakawn kungdawn ra ga ai. Shing rai shakawn kungdawn ai lam anhte galaw na gaw anhte a matu jaw ang ai amu rai nga ai; hpa majaw nga yang, nanhte a makam masham gaw grai galu kaba wa ai hte nanhte hta rawng ai, masha hpe tsaw ra ai myit mung grau grau nna kunghpan kaba wa sai.

2 HTESALONI 2:13

Madu a tsaw ra ai hpu nau ni e, nanhte a majaw anhte gaw Karai Kasang a chyeju hpe tut nawng e shakawn kungdawn lu na ra ga ai. Hpa majaw nga yang, Karai Kasang gaw, nanhte hpe chyoi pra ai masha shatai ai Wenyi a n-gun atsam hte mung, teng man ai hpe kam sham ai nanhte a makam masham hte mung, shawng na hkye hkrang la hkrum ai ni hku nna nanhte hpe lata la sai.

1 TIMOHTI 1:3

Ngai Makedoni mung de sa wa ai shaloi e, nang hpe ngai htet da sade ai hte maren Ehpesu mare e nang hpe matut nna nga nga shangun mayu nngai; dai yang e masha nkau mi shut ai makam masham lam ni hpe sharin ya nga ma ai, dai hpe nang shazim jahkring kau lu na rai ndai.

1 TIMOHTI 1:5

Ndai hkang da ai ga a shatawng shada ai lam gaw, san seng ai myit kaw na pru ai dum chye ai htauli htaula myit hte sawt ai lam n lawm ai makam masham kaw na pru wa ai tsaw ra myit hpe sharawt ya na matu rai nga ai.

1 TIMOHTI 4:12

Nang asak naw kaji ai brang ram rai nga ndai majaw, kadai mung nang hpe n yu kaji kau u ga, tsun ai ga hta mung, arawn alai hta mung, tsaw ra ai hta mung, makam masham hte myit san seng ai hta mung, kam sham ai ni a matu mara kasi kamang tai nga u.

1 TIMOHTI 5:2

hpawmi ni hpe kanu ni hpe zawn, mahkawn ni hpe kajan kana ni hpe zawn tsep kawp san seng ai myit hte shadum shahprang nga u.

2 TIMOHTI 1:14

Nang hpe kam nna ap ya da sai mai kaja ai arai ni hpe anhte hta shanu nga ai dai Chyoi Pra ai Wenyi a atsam hte a mahkyu nga u.

HEBRE 11:8

Abraham gaw, Karai Kasang shi hpe jaw na ngu nna ga sadi jaw da ai mung de pru sa wa na matu makam masham gaw shi hpe madat mara shangun wu ai. Dai rai nna shi gaw gade sa wa nga ai hpe shi n chye ti mung, shi a mungdan kaw na pru hkawm mat wa ai.

HEBRE 13:1

Nanhte gaw Hkristan hpu nau ni rai nga myit dai hte maren shada da tsaw ra nga mu.

HEBRE 5:9

Shi hpe hkum tsup ai wa shatai la ngut jang, shi gaw madat mara ai ni yawng mayawng a matu htani htana hkye hkrang la ai lam a npawt tai wa sai.

HEBRE 6:10

Hpa majaw nga yang, Karai Kasang gaw n tara ai wa n rai nga ai. Shi gaw nanhte galaw gun hpai lai wa sai magam bungli hpe mung, Madu hpe tsaw ra ai lam nanhte madun dan na matu lai wa sai ten kaw nna ya du hkra Hkristan masha shada da karum la hkat ai hpe mung, Karai Kasang malap kau wu ai n rai.

HEBRE 9:14

Hkristu a sai gaw dai hta grau nna shachyoi shapra ya lu ai n rai ni? Hkristu gaw dai htani htana Wenyi hte tinang a hkum hpe ra n rawng ai hkungga hku nna Karai Kasang kaw nawng ya kau sai. Hkrung nga ai Karai Kasang hpe anhte nawku daw jau lu hkra Hkristu a asai gaw anhte a myit masin hpe akyu n rawng ai nawku htung lai chyasi ni hta hkan nang ai kaw na shachyoi shapra la na ra ai.

YAKU 1:21

Dai re ai majaw matsat shabat re ai sat lawat shagu hte n hkru n kaja ai arawn alai yawng hte hpe yeng seng kau mu. Karai Kasang kaw sumnung ai hte shawng kaw nna nanhte a kraw lawang ni hta e shi hkai da ya sai nanhte hpe hkye hkrang la lu ai mungga hpe hkap la mu.

YAKU 4:8

Karai Kasang hpang de sit sa wa mu; shaloi shi nanhte hpang de sit wa na ra ai. Yubak lu ai ni e, nanhte a lata ni hpe jasan jaseng da mu. Sawt ai ni e, nanhte a myit masin kraw lawang ni hpe jasan jaseng da mu.

1 PETRU 1:2

Shi a Wenyi hta chyoi pra ai amyu masha shatai la nna, Yesu Hkristu a ga madat mara na hte shi a sai hte shachyoi shapra la na matu Kawa Karai Kasang a moi kaw nna shatawng shada da sai hte maren nanhte hpe lata la manit dai. Chyeju hte ngwi pyaw ai gaw nanhte hta hpring tsup nga malit ga law.

1 PETRU 2:17

Masha shagu hpe hkungga lara di mu; nanhte a kam sham ai hpu nau ni hpe tsaw ra nga mu. Karai Kasang hpe hkrit kamyin nga mu; hkawseng wa hpe mung hkungga lara di mu.

1 PETRU 3:1

Dai hte maren madu jan ni e, tinang a madu wa hkang ai hku hkan nga mu; ndai lai hku nna nanhte hta Karai Kasang a mungga hpe garai n kam n sham ai madu wa ni lawm ai rai yang gaw, nanhte a arawn alai hpe mu nna ga hkaw mi n tsun ra ai sha kam sham ai masha shatai la lu na myit dai.

1 PETRU 3:20

Dai wenyi ni gaw shawng de Noa sanghpaw li shachyaw ai nhtoi ni hta Karai Kasang gaw myit galu kaba hte ala nga yang shi hpe n madat n mara ai ni a wenyi ni rai ma ai. Dai sanghpaw li hta masha n law la ai-yawng rai yang she marai matsat sha hka hta na hkye la ai hkrum ma ai.

1 PETRU 3:8

Hpungdim hku nna tsun mayu ai gaw, nanhte yawng hte hta maren mara re ai myit masa hte myit hta hkam sha ai lam rawng nga lu na rai nna; shada da shinggyim nau na zawn tsaw ra ai hte shada da matsan dum nna shagrit shanem hkat nga mu.

1 PETRU 4:17

Tara jeyang hpang na aten du ra ai rai nna Karai Kasang a nta masha ni hpe shawng jeyang daw dan ai hkrum na mara ai. Lama rai nna anhte dai tara jeyang daw dan ai hpe shawng hkrum ga yang gaw Karai Kasang a kabu gara shiga hpe n kam n sham ai ni a jahtum ai gaw kaning rai na rai ai kun?

1 PETRU 4:8

Lam yawng mayawng hta grau nna nanhte shada tsaw ra ai hta makyit sumri ngang ngang rai nga mu; hpa majaw nga yang, tsaw ra ai myit gaw yubak mara law law hpe magap kau ya nga ai.

2 PETRU 1:7

Tara hkungga ai lam hta hpu nau hpe n-gaw n wai ai, hpu nau hpe n-gaw n wai ai hta tsaw ra ai myit, a shajat nga mu.

1 YAWHAN 3:11

Shawng npawt kaw nna nanhte na yu ai ga matsun gaw, “Nanhte shada da tsaw ra nga mu,” nga ai mungga nan rai nga ai.

1 YAWHAN 3:23

Shi anhte hpe hkang da ai lam gaw, anhte shi a kasha Yesu Hkristu hpe kam sham nna Hkristu anhte hpe hkang da mi ai hte maren shada da tsaw ra nga na lam rai nga ai.

1 YAWHAN 4:12

Karai Kasang hpe kadai mung galoi mung n mu yu ai rai ti mung anhte shada da tsaw ra nga ga yang gaw, Karai Kasang gaw anhte hte langai sha tai nna nga nga ai rai nna, shi a tsaw ra ai myit gaw anhte hta kup tsup wa lu na ra ai.

1 YAWHAN 4:20

Marai langai ngai, ngai gaw Karai Kasang hpe tsaw ra nga nngai, nga nhtawm me, shi a kahpu kanau wa hpe n dawng n yawt nga a yang gaw, dai wa gaw masu ai wa rai nga ai. Hpa majaw nga yang, tinang mu lu ai kahpu kanau wa hpe n tsaw ra a yang gaw, tinang n mu lu ai Karai Kasang hpe tsaw ra lu na n rai.

1 YAWHAN 4:7

Tsaw ra ai ni e, anhte shada da tsaw ra nga ga; hpa majaw nga yang, tsaw ra ai myit gaw Karai Kasang kaw na rai nga ai. Tsaw ra chye ai wa kadai rai ti mung, Karai Kasang a kasha rai nna Karai Kasang hpe chye chyang nga ai.

SHINGRAN 2:4

Rai ti mung ya nang ngai hpe shawng de na zawn n tsaw ra mat nit dai majaw, nang hta mara shagun shara ngai mu nngai.